14 октябрь - Россиядә Тыюлыклар көне
Ел саен Тыюлыклар көнен билгеләп үтү турында карар 1999 елда Россиядә тыюлык директорларының Владивостокта узган киңәшмәсендә кабул ителде. Инициативаны Россия Федерациясе Табигать ресурслары министрлыгы күтәреп алды.
Россиядә беренче тыюлыклар унтугызынчы гасыр азагында дворян җирләрендә барлыкка килгән. Беренче дәүләт тыюлыгы (Баргузинский) 1916 елда оештырылган. Нәкъ менә шул вакыттан Россиядә тыюлыклар эшчәнлеге тарихы башлана.
Бүгенге көндә Россия Федерациясендә 100 дәүләт табигый заказнигы, 37 милли парк исәпләнә, һәм аларда штатта 8 меңнән артык хезмәткәр исәпләнә.
Идел-Кама тыюлыгы - үзәк тыюлык буларак, Татарстан Республикасы территориясендә саклана торган мәйданнар системасында аеруча мөһим звено. Ул тере организмнарның төрлелек күплеген тәэмин итә һәм баланслы тикшеренүләр өчен база ролен үти.
Шулай да, аның мәйданы төбәктә экология тигезлеге булдыру өчен бик кечкенә. Шул сәбәпле республикада аеруча саклана торган территорияләрне үстерүгә һәм камилләштерүгә игътибар кимеми. Тыюлык территориясе табигый шартларга якын булган һәм әйләнә-тирәне чистарту функциясен тулысынча башкарырга сәләтле азрак саклана торган мәйданнар белән тулыландырыла.
2013 елда Россия Федерациясе Хөкүмәте карары белән Чукотка автономияле округы территориясендә «Берингия» (1 819 454 га) милли паркы, Архангельск өлкәсендә «Онежское Поморье» (201668 га) милли паркы төзелде, шулай ук Сочи милли паркы территориясе 9026 гектарга киңәйтелде.
Бүгенге көндә Татарстан Республикасы табигый-тыюлык фонды гомуми мәйданы 165,5 га булган барлык өч дәрәҗәне эченә алган 168 аеруча саклана торган табигый территория, шул исәптән 125,4 га мәйданда төбәк әһәмиятенә ия булган аеруча саклана торган 163 территориядән тора.
Шул рәвешле, Татарстан Республикасы территориясенең 2,44%ында табигый комплексларны, ландшафтларны һәм биологик төрлелекне саклау һәм торгызу өчен оптималь шартлар тудырылган. Соңгы 15 елда Татарстан Республикасында якынча 110,7 гектар мәйданда 30 аеруча саклана торган табигый территория (12 дәүләт табигый заказнигы һәм 18 табигать һәйкәле) оештырылган.
2013 елда Татарстан Республикасы Министрлар Кабинетының 2013 ел 4 май №300 карары белән «Лесной ключ». дәүләт табигый заказнигы оештырылды.