ТР урман хуҗалыгы министры Р.Ә.Кузюровның Урман хезмәткәрләре көне белән котлавы
Хөрмәтле хезмәттәшләр, Татарстан Республикасының урман хуҗалыгы хезмәтчәннәре һәм ветераннары!
Сезне чын күңелдән һөнәри бәйрәмегез – Урман хезмәткәрләре көне белән тәбрик итәм!
Республиканың урман хуҗалыгы – бүгенге көндә динамикалы рәвештә үсә торган тармак. Татарстанда урманнарны саклау һәм торгызу, урман ресурсларыннан ярлыландырмыйча һәм нәтиҗәле файдалануны тәэмин итү буенча системалы эш алып барыла. Урман комплексын модернизацияләү һәм цифрлаштыру курсы гамәлгә ашырыла, барлык тармак оешмалары урман патруле, урман хуҗалыгы, урман янгыннарын сүндерү һәм агач әзерләү буенча заманча техника белән җиһазландырылган. Әлбәттә, югары нәтиҗәләргә күбесенчә Татарстан Республикасы Рәисе Рөстәм Нургали улы Миңнеханов һәм Федераль урман хуҗалыгы агентлыгы ярдәме белән ирешелә.
Сезнең хезмәт төбәгебезнең экологик иминлеге һәм тотрыклы үсеше өчен нигез булып тора. Мин сезнең һәрберегезгә үз эшегезгә тугры булуыгыз, җаваплы карашыгыз һәм газиз республикабыз хакына бердәм, нәтиҗәле хезмәтегез өчен ихлас рәхмәтлемен. Сездәге профессиональлек һәм сезнең фидакарьлегегез аркасында Татарстан урманнары – мәңге яшел, миллионлаган кешеләр өчен саф һава, ял һәм илһам чыганагы булып тора.
Күпьеллык хезмәтләре белән урман хуҗалыгын үстерүгә ныклы нигез салган урман тармагы ветераннарына аерым рәхмәт белдерәсем килә. Сезнең тәҗрибәгез һәм зирәклегегез яшь белгечләргә тапшырыла торган бәһасез мирас ул.
Хөрмәтле дуслар! Бу бәйрәм көнендә барыгызга да ныклы сәламәтлек, бәхет, уңышлар, чиксез энергия һәм куелган максатларга ирешүдә уңышлар телим!
ТР урман хуҗалыгы министры Р.Ә.Кузюров