Лубян урман-техник көллияте студентлары «Күптөрле урман ярышлары-2024» Бөтенроссия ярышларында җиңүче булдылар
Бу атнада Мәскәү өлкәсенең Пушкино шәһәрендә «Күптөрле урман ярышлары-2024» Бөтенроссия студентлар ярышлары узды. Ярышларда югары уку йортларыннан 10 команда һәм илнең 24 төбәгеннән, шулай ук Беларусь Республикасыннан 19 көллият катнашты. Катнашучыларның гомуми саны 100дән артып китте.
Татарстан Республикасын «Лубян урман-техник көллияте» ДБҺБУ студентлары Никита Мөбарәков, Максим Захаров һәм Данил Чеботарев тәкъдим итте.
Ярышлар югары уку йортлары өчен дүрт этапта узды: урман кишәрлеген таксацияләү һәм чараларны билгеләү, урманнарны саклау, урман янгынын сүндерүне имитацияләү һәм урман көллиятләре өчен дүрт этап буенча: урман секциясендә төп эшләр, өлгергән карт агачларны кисү һәм таксация, урманнарны торгызу һәм урман янгынын сүндерүне имитацияләү.
Ярышлар узган көннәрдә шулай ук агач үсемлекләренең торышын тикшерү, төп урман кисү эшләре, урманнарны яңадан торгызу буенча мастер-класслар үткәрелде.
Конкурс йомгаклары буенча «Лубян урман-техник көллияте» ДБҺБУ студентлары техникумнар һәм көллиятләр арасында команда зачетында беренче булдылар. Шулай ук команда «Урман янгынын сүндерүне имитацияләү» этабында беренче урынны һәм «Урманнарны яңадан торгызу» этабында икенче урынны алды. Никита Мөбарәков «Урман кисүдә төп эшләр» этабында беренче урынга лаек булды.
Котлыйбыз!