«Елки» мәктәп урманчылыгында тәрбияләнүчеләр «Кышын кошларны ашатыгыз» акциясендә катнашканнар

2024 елның 25 декабре, чәршәмбе

Лаеш районы Кече Елга урта мәктәбенең «Елки» мәктәп урманчылыгында тәрбияләнүчеләр «Кышын кошларны ашатыгыз» акциясендә катнашканнар. Акция кысаларында балалар мәктәп территориясендә җимлекләр элеп чыкканнар.

Исегезгә төшерәбез, «Кышын кошларны ашатыгыз» акциясенең максаты – балаларның һәм өлкәннәрнең игътибарын кышлаучы кошларга җәлеп итү, алар өчен кышлату чорын җиңеләйтү, шулай ук халыкның экологик активлыгын арттыру.