Татарстанда табигатьне саклау прокуратурасы су фондының 6 гектардан артык җирен федераль милеккә кайтару чараларын күрде
Казан районара табигатьне саклау прокуратурасы су һәм җир законнары үтәлешен тикшерде.
Формалаштырылган җир кишәрлеге Татарстан Республикасы Биектау муниципаль районы милкендә дип билгеләнде, аның составына Кәлимә елгасы (Казансу елгасы кушылдыгы) акваториясе законсыз кертелгән.
Су фонды җирләрен федераль милеккә кайтару максатыннан, табигатьне саклау прокуроры судка мөрәҗәгать иткән.
Табигатьне саклау прокурорының таләпләре суд тарафыннан канәгатьләндерелгән. Суд карары җирле үзидарә органының су объекты акваториясенә милек хокукын туктату һәм Күчемсез мөлкәтнең бердәм дәүләт реестрында җир кишәрлеге чикләре турындагы белешмәләргә үзгәрешләр кертү өчен нигез булып тора.
Россия Федерациясе милкенә 6 гектардан артык су фонды җирләре кайтарылырга тиеш.
Закон бозуларны бетерү табигать саклау прокуратурасы контролендә тора.