Узган ел республикада Урман хуҗалыгы өчен 90 берәмлек техника һәм җайланма сатып алынды
2024 елда ТР Урман хуҗалыгы министрлыгы карамагындагы учреждениеләрнең техника паркы сизелерлек яңартылды. Барлыгы 90 берәмлек махсуслаштырылган техника һәм җайланма сатып алынды.
«Экология» илкүләм проектының «Урманнарны саклау» федераль проектының «Татарстан Республикасында урманнарны саклау» төбәк проекты кысаларында 6 берәмлек «Беларус-82.1» тракторы, 3 берәмлек ЛКТ-4П янгын сүндерү ярымтагылмасы, 4 берәмлек моторлы көймә, УАЗ-390945 базасында 1 кече урман патруле комплексы һәм транспорт тагылмасы белән 1 берәмлек РМ 500-2 кар сазлыгы машинасы сатып алынды. Шулай ук Россия Федерациясенең «Урман хуҗалыгын үстерү» дәүләт программасы буенча 31 берәмлек УАЗ-390945 урман патруле автомашинасы, 33 берәмлек LADA Niva Travel автомобиле, Беларус МУЛ-1221 базасында 7 берәмлек мульчер һәм «Татарстан Республикасының урман хуҗалыгын үстерү» дәүләт программасы буенча 4 берәмлек утын вату линиясе сатып алынды.
Әлеге техника урманнарда патрульлек итү, янгыннарны бетерү, урманнарны торгызу һәм урман хуҗалыгы чаралары комплексын башкару өчен кулланылачак.
Республика урманчылыкларының һәм урман хуҗалыкларының матди-техник базасын ныгыту эше 2025 елда да дәвам итәчәк.