Питрәчтә 2025 елның янгын куркынычы һәм урман культуралары сезонына әзерлек мәсьәләләре буенча фикер алыштылар
Бүген Питрәч администрациясе бинасында 2025 елның янгын куркынычы һәм урман культуралары сезонына әзерлек мәсьәләләре буенча киңәшмә узды. Утырыш эшендә ТР урман хуҗалыгы министры Равил Кузюров, Питрәч муниципаль районы башлыгы Рәис Сөләйманов, район башкарма комитеты, «Шәһәр яны урманчылыгы» ТР ДКУ һәм «Лаеш урманчылыгы» ТР ДКУ белгечләре катнашты.
Төп доклад белән Лаеш урманчылыгының җитәкче-урманчысы Валерий Изибеков чыгыш ясады. Ул урманнарны торгызу, стандарт утырту материалы үстерү, янгынга каршы чаралар комплексы һ.б. буенча планлаштырылган эшләр турында сөйләде.
Утырышка йомгак ясап, Равил Кузюров белгечләргә берничә йөкләмә бирде. Ул урманда куркынычсызлык кагыйдәләре турында халыкның хәбәрдарлыгын арттыру өчен урманнарны актив патрульләү һәм урман янгыннарын пропагандалау кирәклегенә игътибар юнәлтте.
«Бары тик уртак тырышлык белән генә без куркынычларны киметә һәм урманнарны янгыннардан саклый алачакбыз», – диде Равил Кузюров.