ТР Урман хуҗалыгы министрлыгында аппарат киңәшмәсе узды
Бүген Министрлыкта аппарат киңәшмәсе булып узды, анда беркетмә йөкләмәләрен үтәү барышы каралды. Чараны урман хуҗалыгы министры Равил Кузюров үткәрде. Чарада министр урынбасарлары, эшләр идарәчесе, Министрлыкның структур бүлекчәләре җитәкчеләре һәм белгечләре катнашты.
Киңәшмәдә катнашучылар министрга үткәрелә торган урман культуралары, урманнарны саклау һәм урман хуҗалыгы эшләре, федераль дәүләт урман контролен (күзәтчелеген) гамәлгә ашыру, урманнарны саклау, агач әзерләү һәм сату нәтиҗәләре турында сөйләделәр.
Докладларны тыңлап, Равил Кузюров хезмәткәрләргә урман утыртмаларын урман патологиясе буенча тикшерү, урманнарны «компенсацион» торгызу һәм мәктәп урманчылыклары хәрәкәтен үстерү белән бәйле берничә йөкләмә бирде.
«Алдагы чорда шулай ук көчне урман законнарын бозуларны кисәтү һәм ачыклау эшен яхшыртуга юнәлтергә кирәк, – диде министр. – Урманчылыкларда куелган бурычларның югары сыйфатлы үтәлешен тәэмин итү өчен, урман сагы кысаларында күчмә чаралар үткәрүгә аерым игътибар бирүегезне сорыйм».
Киңәшмә азагында Министрлыкның алдынгы хезмәткәрләрен бүләкләү тантанасы булды. Дәүләт урман реестры, урманнардан файдалану һәм урман төзекләндерү бүлеге башлыгы Алексей Мосунов – ТР Дәүләт Советының Рәхмәт хаты белән, мәгълүмат технологияләрен үстерү секторы мөдире Дамир Төхвәтов ТР Министрлар Кабинеты Рәхмәте белән бүләкләнде. Моннан тыш, мөлкәт белән идарә итү, техник үсеш һәм хезмәтне саклау бүлеге башлыгы Нияз Имамиевка ТР дәүләт граждан хезмәткәрләренең электрон мактау тактасына язылу турында таныклык тапшырылды.