Татарстан мәктәп укучылары «Подрост – 2025» Бөтенроссия юниорлар урман конкурсының финал этабында үз проектларын якладылар
Федераль урман хуҗалыгы агентлыгында «Подрост – 2025» XXII Бөтенроссия юниорлар урман конкурсының финал этабы узды. Чара видеоконференция режимында узды, анда Россиянең 54 субъектыннан 112 кеше катнашты.
Үз эшләрен татарстанлылар да тәкъдим итте. Арча районының «Лесхоз УББМ» МБМУ укучылары Мәлик Гыйльманов һәм Камил Әхмәтов «Арча урман хуҗалыгының төрле яшьтәге наратларының туфрагында һәм урман түшәмәсендә органик матдәләр запаслары» һәм «Арча урманчылыгының нарат һәм чыршысына дендрохронологик анализ» проектлары, Лениногорск шәһәренең «3 нче УББМ» МБМУ укучысы Руфинә Рәшитова «Мәктәп дендр бакчасы» проекты турында сөйләде. Шулай ук «Лубян урман-техник көллияте» ДБҺБУ студенты Дмитрий Карманаев «Ылыслы токым орлыкларын төрле стимуляторлар кулланып үстерү сынауларын бәяләү» проектын тәкъдир итте.
Исегезгә төшерәбез, юниорларның «Подрост» Бөтенроссия урман конкурсы ел саен өч этапта үткәрелә – төбәк, читтән торып федераль һәм турыдан-туры федераль турлар. 6 номинация каралган. 2025 елда мәктәп урманчылыклары педагоглары һәм остазлары финалда көндезге форматта Мәскәү өлкәсендә катнашачак.
Юниорларның «Подрост – 2025» Бөтенроссия урман конкурсы нәтиҗәләре соңрак билгеле булачак.