Рослесинфоргның Казан һәм Көньяк филиаллары белгечләре урманнарга дәүләт инвентаризациясе буенча күнегүләр үткәрделәр
Узган атнада Татарстан Республикасының Түбән Кама һәм Мамадыш муниципаль районнары территориясендә урманнарның торышын, аларның сан һәм сыйфат характеристикаларын бәяләү өлешендә урманнарга дәүләт инвентаризациясе буенча күмәк күнегүләр үткәрелде. Күнекмәләрдә «Рослесинфорг» ФДБУ Казан һәм Көньяк филиаллары белгечләре катнашты.
Сынау мәйданнарында утыртмаларга, үсентеләргә, урман асты үсемлекләренә микъдар һәм сыйфат характеристикалары, тере туфрак капламы һәм даими сынау мәйданнарына нигез салганда билгеләнә торган башка күрсәткечләр билгеләнде.
Таксация-дешифровка кишәрлекләрендә реласкопик мәйданчыклар салу юлы белән урман таксациясе башкарылды.
Быел дәүләт йөкләмәсен үтәү кысаларында Татарстан территориясендә Рослесинфоргның Казан, Пенза һәм Көньяк филиаллары катнашында 808,9 мең га мәйданда 390 даими сынау мәйданы булдырылачак.