«Урман буыны 2.0» республика онлайн-квестына йомгак ясалды
«Урман буыны 2.0» республика онлайн-квестына йомгак ясалды. Исегезгә төшерәбез, конкурс 2025 елның 14 апреленнән 20 маена кадәр Татарстан Республикасының мәктәп урманчылыклары командалары арасында үткәрелде.
Шартлар нигезендә, катнашучылар 14 интерактив практик бирем үтәделәр. Онлайн-квест вакытында барысы 215 чара үткәрелгән, 3,5 тонна макулатура җыелган, 10 меңнән артык үсенте утыртылган һәм Бөек Ватан сугышында катнашучыларга куелган 20 һәйкәлгә төзекләндерү эшләре башкарылган.
Конкурс йомгаклары буенча «1-4 нче сыйныфлар» категориясендә беренче урынны Ютазы урта мәктәбенең «Яшел патруль» мәктәп урманчылыгы алды, икенче урынны Лениногорск шәһәренең 3 нче урта мәктәбенең «Дубки» берләшмәсе алды, өченче урында – В.Г.Тимирясов исемендәге 1 нче Аксубай урта мәктәбенең «Табигать дуслары» командасы.
«5-9 сыйныфлар» категориясендә беренче урынга Иске Иштирәк төп гомуми белем бирү мәктәбенең «Яшь урманчылар» мәктәп урманчыгы һәм Бәрлебаш төп гомуми белем бирү мәктәбенең «Дубовые ростки» мәктәп урманчылыгы чыкты, икенче урында – 5 нче Зәй төп гомуми белем бирү мәктәбенең «Елочка» берләшмәсе, өченче урында – Түбән Кама шәһәренең 19 нчы урта гомуми белем бирү мәктәбенең «ЭКОСРЕДА» командасы. Шулай ук Олы Шыңар урта гомуми белем бирү мәктәбенең «Лесовик» мәктәп урманчылыгына да җиңүгә омтылыш белдерелде.
Онлайн-квест җиңүчеләрен һәм призерларын бүләкләү тантанасы ТР мәктәп урманчылыкларының VIII слеты кысаларында быелның июлендә Кукмара муниципаль районының Лубян авылында узачак.