Татарстанда сынау режимында «Эшкуар ярдәмчесе» чат-боты эшли башлады

2025 елның 2 июне, дүшәмбе

Татарстанда сынау режимында «Эшкуар ярдәмчесе» чат-боты эшли башлады https://t.me/gossupervisionbot. Бу хакта ТР Икътисад министрлыгы хәбәр итә.

«Эшкуар ярдәмчесе» чат-боты эшкуарлар өчен контроль (күзәтчелек) эшчәнлеге турында «Сыналган бизнес» мәгълүмат порталы белән бәйле. Чат-бот ярдәмендә эшкуар инспекторның булачак тикшерүенә әзерләнә, тикшерү вакытында үз-үзен тоту, инспектор сораган документларны тәкъдим итү  алгоритмын ала. Шулай ук эшкуарлар алынган консультациянең сыйфаты турында бәяләмә калдырырга мөмкин, бу цифрлы сервисның нәтиҗәлелеген күтәрергә мөмкинлек бирәчәк.