Рослесхозда УК ФДМС кулланучыларга техник ярдәм күрсәтү һәм системага ретроспектив белешмәләр кертүне координацияләүнең киңәйтелгән штаб утырышы узды
Бүген Федераль урман хуҗалыгы агентлыгында Урман комплексы федераль дәүләт мәгълүмат системасын кулланучыларга техник ярдәм күрсәтү һәм системага ретроспектив белешмәләр кертүне координацияләүнең киңәйтелгән штаб утырышы узды. Аны Рослесхоз җитәкчесе Иван Советников үткәрде.
Видеоконференция режимында узган чарада урман хуҗалыгы белән идарә итүнең төбәк органнары вәкилләре, шул исәптән Татарстан Республикасыннан – ТР урман хуҗалыгы министры Равил Кузюров, министрның беренче урынбасары Илгизәр Зарипов, ТР Урман хуҗалыгы министрлыгының структур бүлекчәләре җитәкчеләре катнашты.
Иван Советников хәбәр иткәнчә, кайбер төбәкләрдә мәгълүматлар миграциясе буенча уңай динамика күзәтелә.
«Берничә ай дәвамында без регионнарның интеграль рейтингын алып барабыз, анда урманнар турындагы мәгълүматларны йөкләү буенча барлык күрсәткечләр дә исәпкә алына – бу урман кишәрлекләре дә, бүлемтекләр дә, хокук билгели торган документлар да. Һәм бу рейтингта бездә мәгълүматларның миграция процессын акрынайтып кына калмыйча, тулаем алганда аны туктатып, артта калган субъектлар да бар. Алар арасында – Иваново, Ярославль, Мурманск өлкәләре, Алтай Республикасы һәм Красноярск крае. Регионнарга урманнар буенча мәгълүматларны УК ФДМС йөкләүне арттырырга кирәк», – диде ул.
Рослесхоз башлыгы шулай ук урман кишәрлекләрен арендалау шартнамәләрен күчерүнең өстенлекле булуын ассызыклады. Бу дәүләт хезмәтләре күрсәтү өчен төп элемент.
Моннан тыш, урман хуҗалыгы регламентларының йөкләнешенә аерым игътибар бирелде. Әле бу эшкә керешмәгән төбәкләр дә бар. Иван Советников билгеләп үткәнчә, күчерүне тиз арада тәмамларга кирәк.
«Коллегалар, без системаны үстерүгә техник йөкләмә әзерли башлыйбыз, дип өстәргә телим. 24 июньгә кадәр, гамәлдәге закон таләпләрен исәпкә алып, системаны эшләп бетерү буенча тәкъдимнәр җыябыз. Аннары алынган тәкъдимнәргә анализ ясарбыз һәм аларны алга таба эшләп бетерү өчен техник йөкләмәгә кертербез», – дип йомгаклады ул.