Татарстан «Россиянең ел агачы – 2025» конкурсында себер чыршысын тәкъдим итә
«Россия ел агачы – 2025» конкурсы кысаларында www.rosdrevo.ru сайтында тавыш бирү дәвам итә. Бу конкурста Татарстан Республикасын «Озын Алан» дәүләт табигать тыюлыгында үсә торган себер чыршысы тәкъдим итә. Әлеге чыршы 2012 елда «Агач – тере табигать һәйкәле» статусына лаек булган һәм бүгенге көндә аңа инде 138 ел, ә биеклеге 30 метрдан артыграк.
Бу тарихи агач дворян Владимир һәм Елизавета Молоствовлар утары янында урнашкан, анда сугыш геройлары, губернаторлар, музыкантлар, әдәбиятчылар һәм галимнәр килеп йөргән. Молоствовлар Жуковский, Пушкин, Даль, Баратынский, Толстой, Горький һәм Гете белән дус була. Агач үскән ачык урыннан Идел һәм Болгар шәһәре күренеп тора. Анда еш кына туристлар һәм республика халкы кунак була.
Быел тавыш бирү 1 августка кадәр дәвам итәчәк, Татарстан чыршысының конкурс номеры – 9.
Исегезгә төшерәбез, «Россиянең ел агачы» конкурсы 2017 елдан бирле үткәрелә. Бәйгедә Россиянең табигый, мәдәни, тарихи, рухи мирасы булып торган, төрле төбәкләрдә үсә торган табигатьнең гаҗәеп истәлекле булган һәйкәлләре катнаша.