14 нче лицейның мәктәп яны лагеренда тәрбияләнүчеләр Татарстан Республикасы Урманны саклау үзәгенең эше белән таныштылар
«Рослесозащита» ФБУ филиалы Татарстан Республикасы Урманны саклау үзәгендә Зеленодольск районының 14 нче лицей мәктәп яны лагеренда тәрбияләнүчеләр өчен экскурсия булды. Учреждение эшчәнлеге юнәлешләре турында филиал директоры урынбасары Венера Ефременкова сөйләде.
Балалар дәүләт урман патологиясе мониторингы һәм урманнарны яңадан торгызу дәүләт мониторингы, урман утыртмаларының санитария һәм урман патологиясе торышына йогынты ясый торган факторлар турында белделәр. Урман корткычларын һәм авыруларын ачыклау һәм таралуына юл куймау ысулларына аерым игътибар бирелде.
Очрашу азагында лагерьда катнашучылар орлык коллекцияләрен һәм урман үсемлекләре орлыкларының чәчү сыйфатларын билгеләү җайланмаларын күрделәр.
Чара үсеп килүче буынның экологик культурасын формалаштыру, урман һәм урман хуҗалыгы турында белемнәрне киңәйтү, шулай ук табигатькә сакчыл караш тәрбияләү максатларында үткәрелде.