Татарстанлылар «Территория иртәгә» халыкара экология телефестивалендә катнаша ала
«Территория иртәгә» халыкара экология телефестивалендә катнашу өчен гаризалар кабул итү дәвам итә. Фестиваль Түбән Новгородта Россия һәм Беларусь Республикасының экологик агарту мәсьәләләрендә хезмәттәшлеге эгидасы астында уздырылачак.
Фестиваль кысаларында видео-эшләр конкурсы узачак. Анда журналистлар, иҗади яшьләр һәм экологик видеоконтентны яратучылар катнаша ала.
Сайлап алу өчен алты номинация бар:
1) «Табигать балалары» – профессиональ булмаган иҗади балалар һәм яшьләр коллективлары эшләре, экология темасына авторлык видео-эшләре;
2) «ЭкоКино» – экология турында сериаллар, документаль һәм нәфис фильмнар;
3) «ЭкоПроект» – экология тематикасына телепрограммалар, телепрограммалар циклы;
4) «ЭкоРепортаж» – мәгълүмати сюжет, очерк, экологик яшәү рәвеше турында репортаж жанрындагы материаллар;
5) «ЭкоРолик» – анимация эшләре, 3 минутка кадәр социаль реклама видеороликлары;
6) «Ак ләкләк» – Беларусь Республикасыннан экологик кино җитештерүчеләргә багышланган махсус номинация.
Конкурста катнашу өчен 2025 елның 1 августына кадәр рәсми сайтта гариза бирергә кирәк: https://территория-завтра.рф/.
Йомгак ясау һәм җиңүчеләрне бүләкләү сентябрьдә булачак.