Министрлыкта УК ФДМС мәгълүматлар йөкләү мәсьәләләрен карадылар
Бүген Министрлыкта ТР урман хуҗалыгы министрының беренче урынбасары Илгизәр Зарипов рәислегендә эш киңәшмәсе булды. Чарада министр урынбасары Рәис Гомәров, Министрлыкның структур бүлекчәләре җитәкчеләре һәм белгечләре, урманчылыклардагы җитәкче-урманчылар, республика урман хуҗалыклары директорлары катнашты.
Көн тәртибендәге төп мәсьәләләрнең берсе – Урман комплексының федераль дәүләт мәгълүмат системасына ретроспектив мәгълүматлар кертү. Илгизәр Зарипов ведомство буйсынуындагы учреждениеләр җитәкчеләренә бу юнәлештә эшне активлаштырырга кушты.
«Мәгълүматларны УК ФДМС кертү – урман хуҗалыгының нәтиҗәлелеген арттыру өчен мөһим этапларның берсе, системаны мөмкин кадәр тулы һәм сыйфатлы итеп тутыруны тәэмин итәргә кирәк», – диде ул.
Моннан тыш, киңәшмәдә катнашучылар «Лубян урман-техник көллияте» ДБҺБУ кабул итү кампаниясенең барышы, шулай ук Идел буе хәрби казак җәмгыятенең Татарстан округ казак җәмгыяте белән хезмәттәшлек перспективалары турында фикер алыштылар.