Рослесхоз: урман патологиясе мониторингын уздыру тәртибе тулыландырылды
Федераль урман хуҗалыгы агентлыгы урман патологиясе мониторингын үткәрүдәге үзгәрешләр турында хәбәр итә.
Документ нигезендә, дәүләт урман патологиясе мониторингы җир өсте яки дистанцион методлар ярдәмендә генә түгел, ә шулай ук лаборатор тикшеренүләр ярдәмендә дә тормышка ашырылырга мөмкин. Аерым алганда, урман утыртмаларының санитария торышын бәяләгәндә хәзер ДНК-диагностика методын кулланырга мөмкин.
«Тикшеренүләр уздыру өчен кирәкле хокукый нигез булдыру аны куллануны киңәйтергә мөмкинлек бирәчәк. Бу күзәтүләр кысаларында алынган мәгълүматларның дөреслеген арттырырга – аерым алганда, зарарлы организмнарның төрләрен төгәлрәк билгеләргә, аларның популяциясе торышын бәяләргә мөмкинлек бирәчәк», – дип билгеләп үтте Рослесхоз җитәкчесе урынбасары Алексей Венглинский.
Белешмә өчен:
* Россия Федерациясе Табигать ресурслары һәм экология министрлыгының «Дәүләт урман патологиясе мониторингын гамәлгә ашыру тәртибенә үзгәрешләр кертү турында» 177 номерлы боерыгы.
Федераль урман хуҗалыгы агентлыгы матбугат хезмәте