Чирмешән урман хуҗалыгында урман хасил итүче төп токымнар орлыкларын әзерләү планын арттырып үтәделәр

2026 елның 13 гыйнвары, сишәмбе

2025 елда «Чирмешән урман хуҗалыгы» ТР ДБУ хезмәткәрләре урман хасил итүче төп токымнарның орлыкларын әзерләү буенча киң күләмле эшләр башкарган. Барлыгы 915 кг орлык җыелган, бу 145 кг билгеләнгән планнан 6 тапкырга артыграк.

Иң күп орлык имәнгә туры килә – 700 кг. Шулай ук 100 кг каен орлыгы, 100 кг корычагач орлыгы һәм 15 кг нарат орлыгы җыелган.

Җыелган орлык материалы урман хуҗалыгы питомнигында сыйфатлы утырту материалын үстерү өчен кулланылачак.

Исегезгә төшерәбез, урман үсемлекләре орлыкларын әзерләү «Экологик иминлек» илкүләм проектының «Урманнарны саклау» федераль проектын гамәлгә ашыру кысаларында төп бурычларның берсе булып тора.