ТР Урман хуҗалыгы министрлыгында һөнәри берлекнең «Дуслар даирәсендә яңгыравыклы җәй» шигырь укучылар конкурсында җиңүчеләрне бүләкләделәр

2026 елның 1 июне, дүшәмбе

Бүген Татарстан Республикасы Урман хуҗалыгы министрлыгында һөнәри берлекнең «Дуслар даирәсендә яңгыравыклы җәй» шигырь укучылар конкурсына йомгак ясалды. Конкурс 2026 елның 15-31 маенда Министрлыкның беренчел һөнәри берлек оешмасы тарафыннан үткәрелде.

Иҗади бәйгедә Министрлык һәм аның карамагындагы учреждениеләр хезмәткәрләре – һөнәри берлек әгъзаларының 4 яшьтән 15 яшькә кадәрге балалары катнашты. Конкурска җәйге чор, каникул, балачак, тынычлык һәм дуслык темаларына шигырьләр, проза һәм әӘкият өзекләре укыла торган видеороликлар кабул ителде.