Урман хезмәткәрләре көне алдыннан ТР Урман хуҗалыгы министрлыгы һәм ведомство буйсынуындагы учреждениеләр хезмәткәрләре урман тармагы ветераннарына бүләкләр тапшырды
ТР Урман хуҗалыгы министрлыгы һәм аның карамагындагы оешмалар хезмәткәрләре урман тармагы ветераннарын якынлашып килүче һөнәри бәйрәмнәре – Урман хезмәткәрләре көне белән котладылар. Бүләкләр тапшырганда белгечләр ветераннарга фидакарь хезмәтләре һәм урман комплексын үстерүгә керткән өлешләре өчен рәхмәт белдерделәр, аларга ныклы сәламәтлек, бәхет, иминлек һәм озын гомер теләделәр.
Исегезгә төшерәбез, Россиядә Урман хезмәткәрләре көне сентябрьнең өченче якшәмбесендә билгеләп үтелә. Быел ул 20 сентябрьгә туры килә.
Хәзерге вакытта Татарстан Республикасының урман тармагы 2,5 меңнән артык кешене берләштерә. Урман хуҗалыгы белгечләре урманнарны саклау һәм үрчетү өчен көн саен мөмкин булганның барысын да эшлиләр. Аларның тырыш һәм фидакарь хезмәте нәтиҗәсендә меңләгән гектар урман утыртыла, сыйфатлы утырту материалы үстерелә, урманнар янгыннардан, законсыз кисүдән, шулай ук корткычлар һөҗүменнән саклана.