ТР Урман хуҗалыгы министрлыгында янгын куркынычы сезонына әзерлек башланды
Россия Федерациясе Хөкүмәтенең “Россия Федерациясе субъекты территориясендә урман янгыннарын сүндерүнең җыелма планын эшләү кагыйдәләрен раслау турындагы” № 378 18 май 2011 ел карарына ярашлы рәвештә, ТР Урман хуҗалыгы министрлыгы белгечләре Татарстан Республикасы территориясендә 2014 елның янгын куркынычлы сезонында урман янгыннарын сүндерүнең җыелма планы проектын төзеп, килештерү өчен Идел буе федераль округының Урман хуҗалыгы департаментына тапшырдылар.
2014 елның янгын куркынычлы сезонында Татарстан территориясендә урман янгыннарын сүндерү планнарына ярашлы рәвештә, Министрлык оешмаларыннан, ТР буенча Россия МЧС баш идарәсе тармакларыннан, муниципаль оешмалардан җәлеп ителгән урман янгыны формированиеләренең көч һәм чаралары билгеләнде, алар республиканың урман фондындагы янгыннарны кисәтү, табу һәм сүндерү өстендә эшләячәкләр.