Россия Кошларны саклау берлеге социаль челтәрләрдә «Песнәк көне» экологик бәйрәменә багышланган марафон уздыра
Россия Кошларны саклау берлеге социаль челтәрләрдә «Песнәк көне» экологик бәйрәменә багышланган марафон уздыра. Марафонның максаты – катнашучыларга кышкы чорда кошларны тукландыруның әһәмияте, аларның рационы һәм үзенчәлекләре турында сөйләү.
Тулырак мәгълүматны биредә белергә мөмкин: https://www.instagram.com/russian.birds һәм https://instagram.com/ulitkamarta?igshid=rei14ny2y335.
Белешмә өчен. «Песнәк көне» экологик бәйрәме Россия Федерациясендә ел саен 12 ноябрьдә билгеләп үтелә.
Бу көнне илнең төрле торак пунктларында яшәүчеләр «кышкы кунаклар» – Россия төбәкләрендә кышлауга калучы кошлар: песнәк, купшы чыпчыклар, карабүрекләр, күкшәләр, чечетлар, урман чыпчыклары белән очрашуга әзерләнә. Алар бу кошлар өчен азык, шул исәптән «песнәк ризыклары» да: тозсыз туңмай, кабак, көнбагыш орлыклары әзерли, җимлекләр ясап элә.