ЯҢАЛЫКЛАР
“Һәр кошчыкка – сарай” дигән девиз астында “Озын Алан” тыюлыгы белгечләре 2нче Тәтеш урта мәктәбе укучылары өчен Халыкара кошлар көненә багышланган дәрес үткәрделәр. Тыюлык башлыгы Василий Никитин һәм белгеч Татьяна Никитина балаларны Татарстанда яши торган кошлар белән таныштырды, аларның табигатькә китергән файдалары, ни өчен аларны сакларга кирәклек турында сөйләде. Балалар кызыксынып тыңладылар, сораулар бирделәр, кошлар турындагы үз күзәтүләре белән уртаклаштылар.
Дәрес азагында мәктәп балалары тыюлыкка ата-аналары белән бергә ясаган кош ояларын бүләк иттеләр. В.П.Никитин аларга кош оялары өчен рәхмәт әйтте һәм барысына да кошлар турында плакатлар бүләк итте, класска “Һәр кошчыкка – үз йорты” табигать саклау акциясендә катнашканы өчен Мактау грамотасы тапшырды.
Бүләк ителгән барлык кош оялары тыюлык территориясендә эленә.
Министрлык җитәкчеләре һәм башлыклары, ТР Президенты Аппаратының Дәүләти хезмәткәрләр һәм кадрлар департаменты вәкиле, бәйсез экспертлар тәшкил иткән комиссия белгечләрнең норматив хокукый һәм вазифа белемнәре кимәлен билгели. Аттестация нәтиҗәләре буенча ТР Урман хуҗалыгы министрлыгының кадрлар резервы формалаштырылачак.
Канатлы дуслар өчен уңайлы өйләр алдан әзерләнгән иде. Аларны мәктәп балалары 21 мартта үткәрелгән Урман дәресләрендә ясады. Хәзер исә тыюлык инспекторлары, снегоходларда урман эчләренә кереп, сыерчык ояларын тыюлык территориясендә үскән агачларга эләләр.
2014 елгы ТР Дәүләти гражданлык хезмәткәрләре спартакиадасы кысаларында ТР Урман хуҗалыгы министрлыгы командасы ТР Юстиция министрлыгы һәм Дәүләт Советы командалары белән волейбол ярышында очрашты. Министрлык командасы ике көндәшне дә берсүзсез җиңеп, төркемдә беренче урыннан плей-офф стадиясенә чыкты. Волейбол ярышларының 1/8 финалында безнең команданың алдагы көндәше – ТР Спорт министрлыгы командасы. Уен 12 апрельдә була.