Урманнан файдаланучылар өчен мөһим мәгълүмат
Федераль урман хуҗалыгы агентлыгы 2022 елның 1 мартыннан, Россия Федерациясе Табигать ресурслары һәм экология министрлыгының «Складка кертелгән яки складтан чыгарылган агач турында хисапка кертелә торган белешмәләр составын раслау турында» 2021 елның 25 августындагы 590 номерлы боерыгы үз көченә керүе турында хәбәр итә.
Хисапка кертелә торган белешмәләрнең 5 пункты нигезләмәләре нигезендә, складка кертелгән яки складтан чыгарылган агач турында хисапны төзегәндә, «Агач балансы» бүлегендә «Агымдагы күләм турында мәгълүматлар», «Хисап төзегәндә агачның исәпләмә күләме турында мәгълүматлар», «Агачны исемлек буенча тикшереп санаганда хакыйкый агач калдыклары турында мәгълүматлар», «Агач тигезсезлеге турында мәгълүматлар» тутырырга кирәк.
Агачны җыю урыннарын инвентарьлаштыру озак һәм авыр эшчәнлек булып торуга бәйле рәвештә, агач тигезсезлеге турында хисаплар төзүнең мөмкин булмавына бәйле хәлләрне булдырмас өчен, Рослесхоз инвентарьлаштыру үткәрүне алдан оештырырга һәм аны 2022 елның 1 мартыннан да соңга калмыйча тәмамларга тәкъдим итә.