2022 елда Татарстанда урман үсемлекләре орлыкларының иминият фонды яңартылачак

2022 елның 2 феврале, чәршәмбе

2022 елда Татарстан Республикасында урман үсемлекләре орлыкларының иминият фонды яңартылачак. Барлыгы 55 кг орлык әзерләү планлаштырыла.

Исегезгә төшерик, мондый фондларга корткычлар белән зарарланмаган һәм патоген микрофлорасы булмаган, башлыча даими урман-орлык базасы объектларында, югары продуктив утыртмаларда әзерләнгән, үсеш алу энергиясе югары күрсәткечләргә ия 1 нче класс сыйфатына караган орлыклар салына.

Татарстан Республикасы урман үсемлекләре орлыкларының иминият фонды Саба муниципаль районының Лесхоз бистәсендә урнашкан. Хәзерге вакытта фондта 314,5 кг ылыслы токым орлыгы бар, шул исәптән 185,5 кг – нарат, 115 кг – чыршы, 14 кг – карагай орлыгы.