Казанда «ЭКОfest» яшьләр экологик фестивале узачак
2023 елның 12 августында 14:00 сәгатьтән 19:00 сәгатькә кадәр Казан шәһәренең Кремль яр буенда «ЭКОfest» яшьләр экологик фестивале узачак. «ЭКОfest» – интерактив, белем бирү, иҗади һәм күңел ачу мәйданчыклары программасы.
Фестивальнең белем бирү мәйданчыкларында катнашучылар калдыкларның күпме таркалуы, икенчел чималны эшкәртеп нинди продукт алырга мөмкин булуы, әйләнә-тирә мохитне өйрәнү өчен нинди приборлар һәм аларның нинди булуы турында беләчәкләр.
Шулай ук фестивальдә катнашучыларны мавыктыргыч мастер-класслар көтә, алар кибеткә экологияле йөрергә, ЭКОйорт төзү өчен материаллар сайларга, табигатькә минималь йогынты белән сәяхәт итәргә һәм калдыкларны фракцияләргә бүләргә өйрәнәчәк.
«ЭКОfest»та экологик темалар гына түгел, ә төрле сәнгать төрләре дә тәкъдим ителәчәк. Җирле музыкантлар, кавер-төркем, биючеләр һәм чын ораторлар – ТЕД «Табигать һәм Мин» стилендәге Республика яшьләренең ачык чыгышлар конкурсында җиңүчеләр.
Шул ук вакытта яшьләрнең экология фестивалендә экологик нормативларны тапшыру буенча конкурс та узачак. 50 катнашучы, барлык белем бирү мастер-классларын уңышлы узгач, чараны оештыручылардан истәлекле бүләк алу мөмкинлеге бирә торган «Экологист» исеменә ия булачак.
Интеллектуаль көрәштә көч сынарга теләүчеләр өчен «ЭКОкультура» экологик квизы узачак. Квизга әлеге сылтама буенча теркәлергә мөмкин: https://clck.ru/356TZA.
«ЭКОfest» яшьләр экологик фестивалендә катнашу өчен әлеге сылтама буенча теркәлергә мөмкин: https://clck.ru/356Twm. Әлеге форманы тутырган фестивальдә катнашучылар арасында 12 августта фестиваль кысаларында оештыручылардан бүләкләр алачак 10 бәхетле кеше билгеләнәчәк.
Яшьләр экология фестивален Татарстан Республикасының «Чиста булачак» төбәк яшьләр иҗтимагый оешмасы оештыра. Әлеге проект ТР Экология һәм табигать ресурслары министрлыгы һәм Казан шәһәре Кремль яр буе администрациясе ярдәме белән Яшьләр эшләре буенча федераль агентлык грантын кулланып тормышка ашырыла.