«ВНИИЛМ» ФБУ урман янгыннарына каршы көрәшү өчен концентрат уйлап тапкан
«Бөтенроссия урманчылык һәм урман хуҗалыгын механизацияләү фәнни-тикшеренү институты» ФБУ урман янгыннарына каршы көрәшү өчен антипирен үзлекләренә ия булган «ФР-Лес 01» (ОС) янгын сүндерү составы концентратын эшләгән.
Бу состав урманда янучан материалларны уратып ала һәм шул рәвешле янгынны тоткарлый. Аның белән урман янгыннарына аеруча дучар булырга мөмкин булган урман кишәрлекләре эшкәртеләчәк дип планлаштырыла. Флора һәм фаунага бу состав зыян китерми. Тиешле сертификатлар инде төзүчеләрдә бар.
Бу атнада Брянск өлкәсенең Навлинск районында концентратның табигатьтә сынаулары үткәрелгән.
Галимнәр алдында хәзер берничә бурыч тора: эшкәртү һәм методика өлкәләрен, кыр шартларында кулланганда чараның күләмен һәм концентрациясен билгеләргә кирәк.