ЯҢАЛЫКЛАР

Татарстан Республикасы урман хуҗалыгы министры "Тәтеш урманчылыгы" ДКУ һәм "Тәтеш урман хуҗалыгы" ДБУ учреждениеләрендә эш сәфәре белән булды. Равил Кузюров урманчылык контораларын һәм урман хуҗалыгының эш кишәрлекләрен карады.
Министр "Тәтеш урманчылыгы" ДКУ урман фондында язгы урман торгызу эшләре барышында утыртылган урман культураларына махсус игътибар юнәлтте. Асылда, Равил Кузюров 0,8 гектарда сабаклы имәннең урман культураларын карады. 2018 елда "Тәтеш урманчылыгы" ДКУ урман фондында барлыгы 24 гектарда урман культуралары утыртылды.

Равил Кузюров шулай ук урман питомнигын карады, хәзерге вакытта биредә сабаклы имән, гади нарат, кызыл тал, Гибрид-38 тирәге, гади чыршы, Себер карагачы, сары сәрви агачы, корычагач, гади миләш, гади балан, иенке каеннар үсә.

Урманчылыкны караганнан соң Равил Кузюров "Тәтеш урманчылыгы" ДКУ һәм "Тәтеш урман хуҗалыгы" ДБУ хезмәткәрләре белән киңәшмә уздырды. Татарстан Республикасы урман хуҗалыгы министры башкарыла торган урман хуҗалыгы эшләренең нәтиҗәлелеге өлешендә активлашырга кушты.
 

Урман хуҗалыгы хезмәткәрләре "Татарстанның чиста урманнары" акциясе кысаларында Түбән Кама урманчылыгында урман кишәрлеген тәртипкә китерде. Татарстан Республикасы Урман хуҗалыгы министрлыгы уздыра торган акциягә шәһәрнең битараф булмаган кешеләре дә кушылды. Түбән Кама урманын чистарту эшендә муниципаль учреждениеләрнең хезмәткәрләре, укытучылар, студентлар, көллиятләрдә укучылар, пенсионерлар һәм волонтерлар катнашты. Җәмгысе 160 тирәсе кеше тырышлык күрсәтте. 25 кубометр күләмендә көнкүреш калдыгы җыелды һәм чыгарылды. Акция кысаларында шулай ук каты көнкүреш калдыкларын санкцияләнмәгән рәвештә урнаштырылуын ачыклау һәм чикләү буенча 3 рейд уздырылды. Ачыкланган фактлар буенча административ эш кузгатылды.

Урманнарда санитар куркынычсызлык кагыйдәләрен бозган өчен штраф 500 сумнан 10 000 сумга кадәр тәшкил итә. Әгәр мондый гамәлләр яклаучы урманнарда, махсус якланучы урман кишәрлекләрендә, урман-паркларның яшел поясында башкарылган булса – штраф 5000 сумнан 500 000 сумгача тәшкил итәчәк. "Татарстанның чиста урманнары" акциясе 25 июньгә кадәр дәвам итәчәк.

Татарстан Республикасында агачлар утыртуның язгы сезоны тәмамланды, урманчылар аны урман-культура сезоны дип йөртә. Әлеге сезон кысаларында 20 миллион данә күләмендә 4000 гектар мәйданда урман культуралары утыртылды. Татарстанның урман фонды гади нарат, Европа чыршысы, Себер карагачы, сабаклы имән һәм өянке каен кебек агачлар белән тулыланды.

Хәзерге вакытта яклаучы урман утыртмаларына нигез салу эшләре төгәлләнеп килә. Быел аларны утырту планы 1813 га тәшкил итә. Моннан тыш, урман питомникларында 16,0 гектарда урман орлыкларын чәчү эше дә тәмамланды. Агач утырту эше көзен дәвам иттереләчәк.

Бүген Су спорты төрләре сараенда Татарстан Йөзү федерациясенең хисап-сайланма конференциясе булды, аның барышында Татарстан Республикасы урман хуҗалыгы министры Равил Кузюров иҗтимагый оешманың яңа президенты итеп сайланды. Моңарчы әлеге вазыйфаны ТР җир һәм мөлкәт мөнәсәбәтләре министры Азат Хамаев биләгән иде.

Дүшәмбе, 28 май көнне, Равил Кузюров җитәкче сыйфатында Йөзү федерациясенең беренче киңәшмәсен уздырырга планлаштыра.

Урманнарда янгын чыгуның югары куркынычлылык дәрәҗәсе билгеләнүгә бәйле рәвештә Татарстан Республикасы территориясендә урманнарга даими рәвештә авиапатруль эше уздырыла. Урманнарда янгыннарны һәм янгын куркнычсызлыгы кагыйдәләре таләпләре бозылу очракларын ачыклау максатында очкыч белән тикшерү эше АН-2 самолетында махсус эшләнгән маршрутлар буенча башкарыла. Авиация ярдәмендә тикшерү барышында авыл хуҗалыгы билгеләнешендәге җирләрдә 15 төтен ноктасы ачыкланды. Аларның төгәл координаталары билгеләнде, бу хакта кичекмәстән диспетчерлык идарәсенең төбәк пунктына хәбәр ителде.

Авыл хуҗалыгы билгеләнешендәге җирләрдә иң күп янып китү очраклары Татарстан Республикасының Чистай, Минзәлә, Мөслим муниципаль районнарында билгеләнде.

Быел авиация ярдәмендә тикшерү нәтиҗәсендә гамәлдәге урман законнарын бозу очраклары да ачыкланды, гаепле затларга карата административ хокук бозулар турында эшләр кузгатылды.

"Лубян урман-техника көллияте" ДБҺББУ һәм Татарстан Республикасы Урман хуҗалыгы министрлыгы хезмәткәрләре, мәктәпләрдә укучылар һәм аларның ата-аналары белән һөнәри юнәлеш алуны уздыру максатларында, Нурлат районында булды. Чара #ӘЙДӘУРМАНЧЫБУЛЫРГА! шигаре белән узды. Урманчылар агитбригадасы белән очрашуда 200 тирәсе кеше катнашты. Командага Татарстан Республикасы урман хуҗалыгы министрының беренче урынбасары Әмир Бәдертдинов җитәкчелек итте. 

Урман тармагы хезмәткәрләре Урман хуҗалыгы министрлыгы турында фильм презентацияләде һәм урманчы һөнәренә илтүче барлык баскычлар турында, Лубян урман-техника көллиятендә белем алу өстенлекләре һәм әлеге уку йортын тәмамлап чыгучыларга булган ихтыяҗ турында сөйләде. Ул – Татарстанда дипломлы, урман эшенең төрле-төрле тармакларына кирәкле белгечләрне укытып чыгара торган бердәнбер урта һөнәри белем бирү йорты.

#ӘЙДӘУРМАНЧЫБУЛЫРГА акциясе Татарстан Республикасы Урман хуҗалыгы министрлыгы тарафыннан уздырыла. Аның максаты – яшьләрне урманчылар рәтенә җәлеп итү.

Татарстан Республикасы урман хуҗалыгы министры Равил Кузюров "Зәй урманчылыгы" ДКУ һәм "Зәй урман хуҗалыгы" ДБУ учреждениеләрен тикшерде. Эш сәфәре барышында Равил Кузюров урман хуҗалыгының эш урыннарын, агач эшкәртү цехын карады, биредәге хезмәткәрләр белән аралашты. Шулай ук 2 нче типлы янгын-химия станциясе һәм урман питомнигы белән танышты. Питомникны карауда Зәй муниципаль районы башлыгы Рәзиф Кәримов та катнашты. Татарстанның урман хуҗалыгы министры урман питомнигын карап тотуның нәтиҗәлелегенә аеруча зур игътибар юнәлтте һәм хезмәткәрләргә уңышлы хезмәт итүләрен теләде. Хәзерге вакытта "Зәй урман хуҗалыгы" ДБУ җирләрендә урман хасил итүче Европа чыршысы, Себер карагачы, гади нарат кебек төп токымнарның 500 меңгә якын чәчкене үсә.

Министр шулай ук Болгар һәм Өргәнчә кишәрлеге урманчылыкларында сайланма санитар кисү кишәрлекләрен карады. Соңыннан Равил Кузюров урманчылык, урман хуҗалыгы хезмәткәрләре, шулай ук "Урман транспорт компаниясе" АҖ вәкилләре белән эш киңәшмәсе уздырды. Министр алар эшчәнлегенә бәя бирде һәм алга таба перспектива өчен бурычлар билгеләде.

Татарстан Республикасы урман хуҗалыгы министры Равил Кузюров, марафондагы башка катнашучылар исәбендә, 3 чакрымлы дистанцияне йөгереп узды.

Бүген Татарстан башкаласындагы Меңьеллык мәйданында Татарстандагы спорт календаренда иң зур чабышка – Казан марафоны-2018 чарасына старт бирелде. Массакүләм чабышта Татарстан Республикасы Президенты Рөстәм Миңнеханов, "Матч-ТВ" спорт телеканалы генераль продюсеры Тина Канделаки, шулай ук Татарстан Республикасы министрлыклары һәм ведомстволары җитәкчеләре катнашты. Урман хуҗалыгы министрлыгы хезмәткәрләре шулай ук акциягә теләктәшлек күрсәтте.
30 еллык тарихы булган турнирга өч ел элек яңача импульс бирелә һәм ул хәзер яңа форматта татарстанлыларны гына түгел, төрле илләрдәге спортчыларны да җәлеп итә. 3 чакрымлы дистанциядән тыш, 10, 21,1 һәм 42,2 чакрымлы аралыкларга да чабышлар каралган. Быел илнең 28 иленнән 10 меңгә якын кеше Казан марафонында катнашу теләген белдергән.

Урман хуҗалыгы министры "Идел буе урманчылыгы" ДКУ, "Идел буе урман хуҗалыгы" ДБУ эшчәнлеген тикшерде.

Тикшерү барышында министр урманчылыкның эш биналарын, Свияжск кишәрлеге урманчылыгында санитар кисү кишәрлекләрен, 2018 елгы яр-балка утыртмаларын карады. Министр шулай ук Теньково кишәрлеге урманчылыгының эше һәм агач кисү буенча эш цехлары белән дә танышты. Урманчылыкны караганнан соң Равил Кузюров өч истәлекле агач утыртты.

Равил Кузюров Идел буе урманчылыгы хезмәткәрләре игътибарын башкарыла торган эшләрнең сыйфатына юнәлтте. 

Соңрак Татарстан Республикасы урман хуҗалыгы министры "Кайбыч урманчылыгы" ДКУ һәм "Кайбыч урман хуҗалыгы" ДБУ эше белән танышты. Равил Кузюров агач әзерләү буенча Амкадор комплексыннан файдаланып, аркылы кисүләрдә агач материалы әзерлеген, Кайбыч урманчылыгының эш биналарын, янгынга каршы ЯХС-3 техникасы күрсәтелгән гаражны, урман питомнигын һәм барча Россиягә данлыклы булган Кайбыч имәнлекләрен карады.

Кайбыч имәнлекләре Татарстанда иң яхшысы булып санала. Бу генетик яктан иң яхшы урман, мәйданы 700 га артып китә. Имәннәрнең яше – 80-120 ел. Генетик резерватның төп максаты – яхшыртылган үзлекле орлыклар әзерләү. Министр әлеге проектны федераль дәрәҗәдә саклау һәм үстерү эшенең әһәмиятле булуын билгеләде.

Хәзерге вакытта урман питомнигында 3 миллионнан артык төп урман хасил итүче токым чәчкеннәре үсә, инде киләсе елда шуларның 300 меңе Татарстанның урман фондын тулыландырачак.

Министр шулай ук "ТРда урман утыртмаларын саклау һәм оптимальләштерү" Россия-алман проектының гамәлгә ашырылу барышын да тикшерде. Равил Кузюров "Нельдер түгәрәге" методикасы буенча утыртылган имән-юкә утыртмаларын карады. Әлеге проект Татарстан Республикасы Урман хуҗалыгы министрлыгының махсус тикшерүендә тора.

Соңыннан министр Кайбыч урманчылыгы һәм Кайбыч урман хуҗалыгы хезмәткәрләре белән киңәшмә уздырды, биредә шулай ук Кайбыч районы башлыгы Альберт Рәхмәтуллин да катнашты.

Министр хезмәткәрләрнең игътибарын урман питомнигының сыйфатына һәм керемле булу дәрәҗәсенә юнәлтте, питомникны хәзерге икътисадый чынбарлыкка яраклаштыру зарурлыгы булуын искәртте.

“Ютазы УБМ” МБМУ “Яшел патруль” мәктәп урманчылыгы укучылары чишмә территориясен каты көнкүреш калдыкларыннан чистартты. Болар – пластик шешә, полиэтилен пакетлар, азык-төлек төргәкләре. Балалар үз мисалында әйләнә-тирәлеккә ничек карарга кирәклеген күрсәтте. “Һәр кеше табигать саклауга үзеннән өлеш кертергә тиеш”, – дип исәпли яшь урманчылар. Акция барышында мәктәп укучылары 10 капчык чүп җыйды, ул каты көнкүреш калдыклары полигонына озатылды.

Соңрак яшь урманчылар халык арасында агитация уздырды һәм янгын куркынычы чорында урманнарда үз-үзеңне тоту кагыйдәләре турында листовкалар таратты. Алар шулай ук халыкка талпан энцефалитыннан профилактика турында да сөйләде.