ЯҢАЛЫКЛАР
Чатыр тау кишәрлеге урманчылыгы хезмәткәрләре Азнакай шәһәренең 1 санлы УГБМ МБМУ мәктәп урманчылыгында укучылар белән очрашты. Укучылар белән "2017 елга бурычлар хакында сөйләшү: кошлар өчен җимлекләр ясау; урманда янгынга каршы куркынычсызлык; урман культурасы эшләренә әзерлек" темасына әңгәмә үткәрелде. 2016 елдагы нәтиҗәле эшчәнлекне билгеләп үтү сыйфатында укучыларга "Лесной дозор" китабы тапшырылды. Шулай ук, очрашу кысаларында, укучылар музейда булдылар, анда Азнакай урман хуҗалыгының тарихы һәм урманчыларның хезмәт кораллары белән таныштылар.
мм
Татарстан Республикасы Урман хуҗалыгы министрлыгында кече һәм урта эшмәкәрлек субъектларына урман утыртмаларын сату-алу шартнамәсен төзүгә хокук сату буенча аукцион үткәрелде. Аукционга барлыгы 4: Нурлат, Кызыл Йолдыз, Кәләй һәм Минзәлә урманчылыкларыннан 84 лот куелган иде.
Татарстан Республикасы Урман хуҗалыгы министрлыгы комиссиясенә 29 лот буенча 10 заявка керде. 27 лот буенча аукцион үтмәгән дип танылды (РФ Урман кодексының 80 статьясының 7 пунктындагы 1 пунктчасы).
Аукционның бердәнбер катнашучысы белән беркетмә имзалана һәм 1 елга кадәр урман утыртмаларын сату-алу шартнамәсе төзелә.
Торглар нәтиҗәсендә барлыгы гомуми 1175195,99 сумлык 21878,06 куб метр агач сатылды.
Кече һәм урта бизнес субъектларының урман утыртмаларын сату-алу буенча хокук сатуга аукционда катнашуы урманнардан файдалануның нәтиҗәсен арттыруга һәм хисап диләнкесен тагын да файдалырак үзләштерүгә ярдәм итә.
Экология һәм МСТТ елы кысаларында "Бим УБМ" МБМУ өлкән сыйныфларында "Татарстан Республикасының махсус сакланучы табигый территорияләре" темасына дәресләр үткәрелде. Укыту барышында мәктәп укучылары әйләнә-тирә мохитне саклау өлкәсендәге белемнәрен тирәнәйттеләр, туган төбәкләрендәге табигатьнең үзенчәлекләре, Кызыл китапның әһәмияте, табигатьне саклау зарурлыгы хакында белделәр. "Кичке Таң" ДТКТ башлыгы Әһли Фәйзуллин укучыларга дәүләт табигый тыюлыкларының һәм табигать һәйкәлләренең эшчәнлек максатлары һәм бурычлары хакында сөйләде. Балалар административ штрафларга, табигатьне саклау органнарына эшкә урнашуга, конкурсларга һ.б. бәйле мәсьәләләр белән кызыксындылар. Очрашу нәтиҗәсендә иң актив катнашучыларга календарьлар һәм буклетлар рәвешендә истәлекле бүләкләр тапшырылды.
Экологик үсеш, экологик тәрбия һәм үсеп килүче буынга мәгълүмат җиткерү мәсьәләләре буенча җәмәгатьчелек игътибарын җәлеп итү максатларында Федераль урман хуҗалыгы агентлыгы 2017 елның июнь ае ахырында – июль ае башында (7 смена) Краснодар краенда "Орленок" Россиякүләм балалар үзәге" ФДБМУ базасында мәктәп урманчылыклары әгъзалары өчен профильле смена үткәрә.
Сменаның озынлыгы – 3 атна. Профильле сменада канташучыларның яше – 10 яшьтән 17 яшькә кадәр.
Профильле сменада катнашучыларны яшәтү һәм тукландыру кабул итүчеләр тарафыннан гамәлгә ашырылачак. Юл бәясе командировкаланучы тараф ягыннан түләнә.
Профильле смена кысаларында укыту программасы мәктәп укучыларын тәҗрибәдә өйрәтү белән берлектә Рослесхоз буйсынуындагы оешмаларның белгечләре тарафыннан үткәрелүче теоретик белем бирүләрне, урманнарны саклау, яклау һәм урман торгызу буенча мастер-классларны, эшлекле уеннарны үз эченә алачак. Тематик смена тәмамланыр алдыннан Россиякүләм мәктәп урманчылыклары корылтае (слеты) булачак.
Профильле сменага балаларны укыту өчен сайлап алу "Иң яхшы мәктәп урманчылыгы" Россиякүләм читтән торып карау-конкурсы нәтиҗәләре буенча сайлап алынган иң яхшы мәктәп урманчылыклары вәкилләре, "Подрост" Россиякүләм юниорлык урман конкурсында һәм аталган конкурсның төбәк этапларында җиңүчеләр һәм призерлар, шулай ук мәктәп урманчылыкларының төбәк слетларында җиңүчеләр һәм призерлар арасыннан гамәлгә ашырылачак.
9 февральдә Тәтеш авыл хуҗалыгы техникумындагы студентлар төркеме “Озын Алан” ДТКТ булдылар. Тыюлык хезмәткәрләре белән берлектә “Елизавета” чишмәсен һәм аңа илтә торган баскыч басмаларын кардан һәм боз катламыннан чистарту чаралары үткәрелде. Хезмәт десантының актив эшеннән соң тыюлык территориясендә лекция-экскурсия үткәрелде. Татарстан Республикасында экология һәм иҗтимагый киңлекләр елына багышланган чараның максаты яшьләрне республикадагы тыюлыклы табигать почмакларын саклауга, Татарстанның табигый мирасы язмышына һәм аның кыйммәтенә җәлеп итүдән гыйбарәт иде. Чара азагында тематик конкурслар һәм бергәләп чәй эчүләр оештырылды.
Урманнардан файдалану, аларны саклау, яклау һәм үрчетү буенча үткәрелә торган чараларның сыйфатын арттыру максатларында Лубянда күчмә семинар булды. Утырышта Татарстан Республикасы урман хуҗалыгы министрының беренче урынбасары Әмир Бәдертдинов катнашты. Семинарның беренче өлешендә урманнарда федераль дәүләт күзәтчелеген гамәлгә ашыру һәм урман законнарын бозган өчен административ җаваплылыкка тарту тәртибе хакында сүз барды. Юридик бүлекнең әйдәүче консультанты Надежда Савченко белән дәүләт контроле һәм күзәтчелеге бүлеге башлыгы Нияз Таҗмиев шушы темага докладлар белән чыгыш ясады. Дәүләт урман реестры, урманнардан файдалану һәм урман корылышы бүлеге башлыгы Алексей Мосунов гражданнарга шәхси ихтыяҗлары өчен урман утыртмаларын бирү тәртибе хакында, шулай ук дәүләт урман реестрын алып бару тәртибе һәм үзагач әзерләү буенча яңа кагыйдәләр турында сөйләде.
Семинар эшендә “Рослесинфорг” ФДБУ Казан филиалы вәкиле “Урманнарны саклау, яклау, үстерү, урманнардан җир өсте ысуллары белән файдалану чараларын бәяләү өлешендә урманнарны дәүләти инвентарьлаштыруны үткәрү хакында” темасына доклад белән чыгыш ясады.
Семинарның икенче өлеше урман торгызу һәм урман патологиясе тикшеренүләре мәсьәләләренә, шулай ук урман кишәрлекләрен файдалануга тапшыру темасына багышланды.
Татарстан Республикасының Урман хуҗалыгы министрлыгында урман фонды җирләрендәге урман кишәрлекләренә карата Россия Федерациясе милекчелек хокукын дәүләт кадастр исәбенә алуга комачау итә торган проблемаларга багышланган киңәшмә үткәрелде. Утырышта шулай ук урман җирләрен федераль мөлкәткә кайтарып бирү буенча кызыксынган дәүләт органнарының һәм прокуратура органнарының суд-дәгъва эшендә үзара хезмәттәшлек итү мәсьәләләре хакында да фикер алыштылар.
Киңәшмәдә катнаштылар: Идел буе федераль округы буенча Урман хуҗалыгы департаменты, "Рослесинфорг" ФДБУ, "Рослесинфорг" ФДБУнең Казан филиалы һәм "Мослеспроект" филиалы, Росимущество территориаль идарәсе, Росреестр идарәсе, ТР буенча "Федераль кадастр палатасы" ФДБУ, урманчылыклар дәүләт казна учреждениеләре.
"Ашыт" ДТКТ белгечләре тарафыннан Арча районы Яңа Кырлай урта мәктәбенең 7 сыйныфында укучылар өчен "Мавыктыргыч кошлар дөньясы" исемле кызыклы викторина уздырылды. Чара барышында балалар биремнәрне үтәде, кошларның тереклек эшчәнлеге, аларга карата сакчыл мөнәсәбәт, кышкы чорда канатлы дусларга кирәкле ярдәм чаралары турында яхшы белгәнлекләрен күрсәттеләр. Тыюлык белгечләре укучыларга "Тукай-Кырлай урманы" табигать һәйкәле территориясендә яшәүче һәм Кызыл китапка кертелгән кошлар турында тәгаенләбрәк сөйләделәр. Татарстан Республикасында Махсус сакланучы табигый территорияләр елына багышланган чараларны үткәрүгә карата басым ясалды.
Экология дәресе тәмамлангач викторинада актив катнашучыларга истәлекле дипломнар һәм бүләкләр тапшырылды.
Бүген Татарстан Республикасы урман хуҗалыгы министры А.А. Нәзиров белән Тыва Республикасының Урман хуҗалыгы буенча дәүләт комитеты рәисе А.Т. Бараан урман мөнәсәбәтләре өлкәсендә хезмәттәшлек итү турында килешүгә имза салдылар.
Килешүдә дәүләт урман күзәтчелеген гамәлгә ашыру, урманнарны янгыннардан саклау, урманнардан файдалануны оештыру буенча методик, оештыру, консультатив ярдәм күрсәтүгә юнәлдерелгән уртак чаралар карала.
Чараның тантаналы өлешендә тывалы хезмәттәшләр Татарстан урманчыларына кунакчыллыгы һәм тәҗрибә уртаклашканы өчен рәхмәтләрен җиткерде һәм дәвамлы хезмәттәшлекне үстерү хакында кызыксынуларын белдерде.
Татарстан Республикасы Дәүләт Советы Экология, табигатьтән файдалану, агросәнәгать һәм азык-төлек сәясәте буенча комитетының "Татарстан Республикасында 2017 елны Экология елы буларак игълан итүгә бәйле рәвештә планлаштырылучы чаралар хакында" темасына утырышы булды. Чарада ТР ДС депутатлары, министрлыкларның һәм ведомстволарның, шулай ук массакүләм мәгълүмат чаралары вәкилләре катнашты.
Уртак утырыш барышында берничә мәсьәлә каралды, шул исәптән ТР Урман хуҗалыгы министрлыгы юнәлеше буенча да. Экология елы кысаларында урманчыларга 2,5 мең гектар территориядә урман торгызу эшләрен үткәрергә, шулай ук Татарстан Республикасының барлык территориясендә урман утырту эшләре белән шөгыльләнергә туры киләчәк.