Казанның “Вахитов” паркында 400 яңа агач утыртылды

2018 елның 6 октябре, шимбә

“Бердәм урман утырту көне” табигать саклау акциясе кысаларында бүген Казанның Түбән һәм Урта Кабан күлләре арасында урнашкан “Вахитов” паркында 400 данә күләмендә Европа чыршысы, вак яфраклы юкә һәм гади миләш утыртылды. Акциягә Татарстан Республикасы Президенты Аппараты, Татарстан Республикасы Министрлар Кабинеты, Татарстан Республикасы Дәүләт Советы дәүләт граждан хезмәткәрләре һәм эшчеләре дә теләктәшлек белдерде. Чара Россия Федерациясендә Ихтыяри зат (волонтер) елы кысаларында, шулай ук урманга карата сакчыл караш тәрбияләү, урман ресурсларын саклау, торгызу һәм ишәйтү мәсьәләләренә игътибар җәлеп итү максатларында уздырылды.