"Ютазы УБМ" МБМУ "Яшел патруль" мәктәп урманчылыгында "Тылсымчы Кыш" фотоконкурсына йомгак ясалды
"Ютазы урта белем бирү мәктәбе"нең "Яшел патруль" мәктәп урманчылыгында "Тылсымчы Кыш" фотоконкурсына йомгак ясалды. Конкурска барлыгы 100 артык эш килгән булган.
Конкурс йомгаклары буенча 1-4 сыйныфларда укучылар арасында беренче урынны Рәминә Егорова, Хәсән Раянов (2б сыйныф), Салават Ямалетдинов (3а), Арслан Шәмсиев, Айгөл Вәлиуллина, Динар Шәмсуллин (3б), Зилә Закирова һәм Элина Тимербаева (4б) яулады. Икенче урында – Раксен Мөхәммәтшина, Зәлинә Гәрәева (2б), Илвина Хөҗҗәтова, Искәндәр Латыйпов, Азалия Гайнетдинова (3б) һәм Данил Шакиров (4а), өченчедә – Денис Мәрдәншин (3б).
5-7 сыйныфларда укучылар арасында беренче урыннарны Нәзир Миңнушин һәм Розалия Тимербаева (7б) яулаган, икенче урында – Марат Садыйков (6б) һәм Инзилә Гәрәева (7б).
8-11 сыйныфларда укучылар арасында Альбина Кадыйрова (8а) җиңү яулаган, икенче урында – Айсылу Ямалетдинова (9б).