Бүген Татарстан Республикасы урман хуҗалыгы министры Равил Кузюров һәм аның урынбасары Рәис Гомәров Әтнә муниципаль районындагы агач эшкәртүче кече предприятиеләрдә булдылар. Алар Олы Әтнә авылында шәхси эшкуарлар Рәшит Абдуллаҗановның һәм Ключи-Сап авылындагы Илшат Миллиҗановның эше белән танышты.
Очрашу кысаларында урман сәнәгатенә кагылышлы проблемалар һәм аның перспективалары, Татарстан Республикасында агач материалын әзерләү һәм эшкәртү мәсьәләләре турында сөйләшү булды.