ЯҢАЛЫКЛАР
ТР Урман планының гамәлдәге вакыты узуга һәм республикадагы урман секторы эшчәнлеген 10 елга алдан планлаштыру зарурлыгына бәйле рәвештә, 2018 елның 18 апрелендә Министрлык һәм "Рослесинфорг" ФДБУ белән ике арада дәүләт контракты төзелде. Бүген әлеге документ хакында фикер алыштылар, анда ТР Урман хуҗалыгы министрлыгы хезмәткәрләре, Рослесинфорг белгечләре, шулай ук башка ведомстволардан белгечләр катнашты.
Урман планы Татарстан Республикасы территориясендә урманны планлаштыруга бәйле төп документ булып тора. Бүгенге киңәшмәнең максаты урман планының яңа составы һәм мәнфәгатьле барлык ведомстволар һәм оешмалар арасында аны эшләгәндә оператив багланышларда тору хакында сөйләшүдән гыйбарәт иде.
Зәй муниципаль районы территориясендә урман янгыннарын сүндерү һәм гадәттән тыш хәлләрне бетерү буенча көчләрне һәм чараларны җәелдерү буенча ТР ГХМ белән берлектә команда-штаб өйрәнүләре узды. Формированиеләрнең даими әзерлектә булуын тикшерүгә багышланган гамәли чаралар үткәрелде.
Бу вакытта "Зәй урман хуҗалыгы" ДБУ минераллаштырылган полосалар ясарга кереште. Әлеге полосалар, янгынга каршы барьер урнаштыру өчен, урман буйлап ясала.
Шулай ук Буа һәм Әлмәт урманчылыклары территориясендә дә урман янгыннарын локальләштерү һәм бетерү буенча уртак өйрәнүләр узды.
Бүген Татарстан Республикасы Урман хуҗалыгы министрлыгы чакыруы нигезендә ТР Урман селекция-орлыкчылык үзәгендә Йошкар-Оладан Идел буе дәүләт университеты хезмәткәрләре “урман хирургиясе” – үсентеләрне кисү һәм ялгау эше буенча мастер-класс уздырды.
Соңгы елларда Татарстанда урман культураларының генетикасы өстендә эшләүне торгызу өчен күп нәрсә эшләнә. Әлеге мастер-класс урман культуралары чоры башлануы кысаларында уздырылды.
“Агачларга прививка ясау эше бик катлаулы. Идел буе дәүләт университеты мөгаллимнәре гомер буе шушы юнәлештә эшләгән, шуңа күрә дә әлеге эшнең барлык нечкәлекләрен дә беләләр. Без аларны белемнәре белән уртаклашсын өчен махсус чакырып китердек”, – дип сөйләде ТР Урман хуҗалыгы министрлыгының урманнарны торгызу һәм үрчетү бүлеге башлыгы Тимур Галиев.
500 данә күләмендәге ылыслы яхшыртылган үсентеләрне Арчада, Сабада һәм Кайбычта махсус плантацияләргә утырту планлаштырыла. Күп еллык эш тәҗрибәсе һәм фәнни тикшеренүләр күрсәткәнчә, прививкаланган плантацияләр орлыктан үстерелгән утырту материалына караганда күпкә кыйммәтлерәк була.
Агачларга шушы рәвешле прививка ясау эше дөньяда инде күптән гамәлгә ашырыла, Татарстанда хәтта шул рәвешле булдырылган урман-орлык плантацияләре дә бар. Татарстанның Урман хуҗалыгы министрлыгы әлеге юнәлештә актив эшли.
“Хәзерге вакытта Урман-орлык үзәгенә яхшыртылган үзлекле орлыклар кирәк, бүгенге көндә гамәлдәге плантацияләр 25-40 кг орлык җыю мөмкинлеген бирә. Әмма без бу күләмне арттырырга әзер, шушы максатларда өстәмә плантацияләр булдырыла да инде”, – дип билгеләде Татарстан Республикасы урман хуҗалыгы министрының беренче урынбасары Әмир Бәдертдинов.
Татарстан Республикасының Саба районындагы Лесхоз бистәсендә урнашкан Урман селекция-орлыкчылык үзәгендә бүген шулай ук Рослесхоз вәкилләре дә булып китте, алар үзәк эше белән танышты. Ел саен биредә ябык тамыр системасы белән 12 миллион кәлшә үстерелә. Федераль ведомство вәкилләре Татарстан урманчылары эшен югары бәяләде.
Бүген Федераль урман хуҗалыгы агентлыгы вәкилләре Татарстанның Саба районындагы Лесхоз бистәсендә урнашкан Урман селекция-орлыкчылык үзәгендә булдылар. Сәфәр танышу холкында булды.
Федераль ведомство вәкилләре Татарстан урманчыларының эшен югары бәяләде. Урман селекция-орлыкчылык үзәге Россиядә иң яхшылардан санала. Ел саен биредә ябык тамыр системасы белән 12 миллион кәлшә җитештерелә.
Татарстан Республикасының Урман селекция-орлыкчылык үзәге инновацияле комплекс булып тора, ябык тамыр системасы белән утырту материалы һәм сыйфатлары яхшыртылган урман орлыклары җитештерү буенча заманча технологияләрне үз эченә ала. Әлеге комплекс Европадагы иң зур автоматлаштырылган урман селекция-орлыкчылык үзәге булып санала, ВСС АВ (Швеция) компаниясенең заманча җайланмалары белән тәэмин ителгән.
Бүген республика урманчылыкларында, асылда, Минзәләдә: Актаныш һәм Усинск кишәрлеге урманчылыкларында утырту материалын казуга керештеләр. Чәчкеннәр шушы көннәрдә урман культуралары мәйданнарына, вакытлыча саклау өчен кар өемнәренә һәм алга таба кар инде тулысынча эреп беткән көньяк тау битләренә утырту өчен озатылачак.
ТР Урман хуҗалыгы министрлыгы мәгълүматларына караганда, 2018 елда республиканың урман питомникларында 27 миллионнан артык стандарт утырту материалы җитештерелгән. Нигездә болар – урман хасил итә торган токымнар, әйтик нарат, чыршы, тирәк, карагай, имән һәм каен.
Урман культураларына һәм яклаучы урман утыртмаларына нигез салу өчен бу – җитәрлек күләм. Язгы урман культуралары чорында 7 миллионнан артык стандарт утырту материалы утырту планлаштырыла.
Министрлыкка буйсына торган учреждениеләрдә урман фондында урман культуралары утырту буенча әзерлек эшләре алып барыла. Әйтик "Буа урман хуҗалыгы ДБУ питомнигында, "Буа урманчылыгы" ДКУ территориясендә хәзерге вакытта, тамырландыру максатында, Гибрид-38 тирәгенең сапларын утырту эше алып барыла. Мондый тирәк саплары киләсе елда яклаучы агачлар утыртыла торган кишәрлекләргә утыртылачак. Тирәкнең куәтле тамыр системасы эрозиягә каршы яр-балка утыртмалары булдыру өчен бик кулай.
Бүген Татарстан Республикасы Урман хуҗалыгы министрлыгы белгечләре ЛесЕГАИС, агач материалын өстәмә исәпкә алу, хокукый кырдагы технологияләргә багышланган тармак семинарында катнашты.
Урман мөнәсәбәтләре өлкәсендәге федераль һәм региональ хакимият органнары, эчке эшләр һәм башка ведомство органнары вәкилләре системада эшләүнең төп принциплары турында, иң еш очрый торган, урманнан файдаланучылар, сатучылар һәм агач ташучылар тарафыннан җибәрелүче хаталар турында, 415-ФЗ һәм ЛесЕГИАС карата планлаштырылган яңалыклар һәм үзгәрешләр турында сөйләште.
Яңалыкларның берсе: Россия Федерациясе Икътисадый үсеш министрлыгы аңлатмалары нигезендә, 16.10.10 төренә караган барлык пиломатериаллар юнылган да, юнылмаган да, киселгән дә, киселмәгән дә, киптерелгән дә, табигый рәвештә дымлы да була ала. Шпал һәм тимер юл борысыннан кала, агач кисүдән алынган беренчел продукция ярымфабрикат булып тора, алга таба аннан кулланучылар өчен продукция эшләнә.
Дүрт ел дәвамында республикада беренче мәртәбә урман культуралары генетикасы буенча эш торгызылды. Бүген, 18 апрельдә, Татарстанның селекция-орлыкчылык үзәгендә, урман культуралары чорына әзерлек кысаларында, уникаль технологияне гамәлгә ашырыла – үсентеләргә прививка ясалачак, бу гамәл агачларның генетик үзлекләрен күпкә яхшыртырга булыша. "Урман хирурглары" нарат, чыршы һәм имән агачларына "операция" ясый. Мастер-класста ТР Урман хуҗалыгы министрлыгы хезмәткәрләре катнаша.
Агачларга прививка ясау эше үзе бик катлаулы һәм гади генә түгел. Әлеге чараны агачларга карата хәтта хирургия эше дип тә чагыштырырга була. Ләкин, күп еллык эш тәҗрибәсе һәм фәнни тикшеренүләр күрсәткәнчә, прививка ясалган плантацияләр орлыктан үрчетелгән утырту материалы белән чагыштырганда күпкә кыйммәтлерәк.
Татарстан Республикасы урман хуҗалыгы министры Равил Кузюров бүген ТР Министрлар Кабинетында булып узган брифингта ел саен урман янгыннарын сүндерү һәм гадәттән тыш хәл нәтиҗәләрен юкка чыгару буенча 2018 елның 28 апрелендә "Нурлат урманчылыгы" ДКУ учреждениесендә тактик-махсус өйрәнүләрнең планлаштырылуы турында сөйләде. Өйрәнүләр кысасында урман биләмәләрендә янгынга каршы торышны күзәтү буенча пилотсыз оча торган аппарат эшен күрсәтү планлаштырыла.
Татарстан Республикасы урман хуҗалыгы министры Равил Кузюров ТР Министрлар Кабинетында үз докладын статистикадан башлады. Ел башыннан бирле Россия Федерациясе территориясендә инде 252 мең гектар мәйданда 660 урман янгыны барлыкка килгән.
16 апрель буенча урман янгыннарының күпчелек өлеше Амур өлкәсенә туры килә – 161 данә, 177 меңнән артык гектар янган. Анда, урман янгыннарына бәйле рәвештә, гадәттән тыш хәл режимы кертелгән. Приморск краенда 30 меңнән артык гектарда 148 янгын очрагы теркәлгән, Байкал аръягында – 9 меңнән артык гектарда 200 очрак.
Министр 15 апрельдә Татарстанда янгын чыгу куркынычы янаган чор башлануы турында сөйләде. Равил Кузюров шулай ук әлеге чорга урманчыларның тулысынча әзер булуы хакында да билгеләп узды. Урман-янгын формированиеләре саны 343 кеше, 310 берәмлек техника тәшкил итә. Республика территориясендә 23 янгын-химия станциясе эшли, шуларның 18е –II типлы ЯХС һәм 5се – III типлы ЯХС. Янгын сүндерү буенча 150 мобиль төркем формалаштырылган.
Министр билгеләп узганча, 90% очракта урманда барлыкка килгән янгыннарда кешеләр гаепле. Янып китү очрагы янгын куркынычсызлыгы буенча гап-гади кагыйдәләрне үтәмәү аркасында барлыкка килә. Янгыннарның күпчелеге дача сезоны һәм май бәйрәмнәре башлануга бәйле рәвештә чыга.
Равил Кузюров урман янгыннарын булдырмауга юнәлдерелгән профилактика чаралары турында сөйләде һәм штрафлар турында да искә төшерде.
Урманнарда янгын куркынычсызлыгы кагыйдәләрен бозу кисәтү алуга яисә гражданнарга 1 мең 500 сумнан 3 мең сумга кадәр; вазыйфаи затларга 10 мең сумнан 20 мең сумга кадәр; юридик затларга 50 мең сумнан 200 мең сумга кадәр административ штраф салынуга китерә.
Урманнарда махсус янгын куркынычы янаган режим шартларында янгын куркынычсызлыгы кагыйдәләрен бозу гражданнарга 5 мең сумнан 5 мең сумга кадәр; вазыйфаи затларга 20 мең сумнан 40 мең сумга кадәр; юридик затларга 300 мең сумнан 500 мең сумга кадәр административ штраф салынуга китерә.