ЯҢАЛЫКЛАР
Чарада Татарстан Республикасы урман хуҗалыгы министры Равил Кузюров катнашты. Утырыш барышында “Нурлат урманчылыгы” ДКУ җитәкче-урманчысы Р.М.Галиевның, “Нурлат урман хуҗалыгы” ДБУ директоры С.Н.Елевановның һәм Татарстан Республикасы Урман тармакларында эшләүчеләрнең республика профсоюз комитеты рәисе И.И.Гыймадиевның докладлары тыңланды. Шулай ук чарада Нурлат районы башкарма комитеты җитәкчесе Алмаз Әхмәтшин да катнашты.
Татарстан Республикасы урман хуҗалыгы министры Равил Кузюров бүген “Болгар урманчылыгы” ДКУ базасында коллектив шартнамәләре төзүгә багышланган җыелышта катнашты, биредә “Болгар урманчылыгы” ДКУ, “Болгар урман хуҗалыгы” ДБУ учреждениеләренең узган елгы эшчәнлек йомгакларына анализ ясалды.
Чын йөрәктән Сезне ямьле яз бәйрәме – 8 март – Халыкара хатын-кызлар көне белән тәбрик итәм!
Бүген хатын-кыз эшләмәгән бер генә тармакны да атап булмый, гүзәл затларның могҗизаи елмаюыннан, кайгыртулы кулларыннан һәм битараф кала белмәгән олы йөрәгеннән башка һөнәрне күз алдына китерүе дә авыр. Әлеге матур бәйрәм көнендә ихлас күңелдән Сезгә ныклы сәламәтлек, иксез-чиксез бәхет, җан тынычлыгы, язгы кәеф һәм күңелнең иң түрендәге теләкләрнең тормышка ашуын телим.
Бу көндә тармактагы хатын-кыз ветераннарыбызга намуслы хезмәтегез һәм урман байлыкларын саклау, үрчетү һәм, тулаем алганда, урман хуҗалыгын үстерүгә керткән зур өлешегез өчен аеруча зур рәхмәтемне һәм хөрмәтемне белдерәм! Тормышыгыз гел сөенечле мизгелләрдән генә торсын, яраткан кешеләрегез янәшә булсын!
Сезгә һәм Сезнең якыннарыгызга тынычлык, мәрхәмәт һәм иминлек насыйп булсын!
Татарстан Республикасы урман хуҗалыгы министры Р.Ә.Кузюров
Чарада Татарстан Республикасы урман хуҗалыгы министры Равил Кузюров катнашты. Утырыш барышында "Яшел Үзән урманчылыгы" ДКУ җитәкче-урманчысы И.И.Хәмитовның, "Яшел Үзән урманчылыгы" ДКУ урманны саклау һәм яклау буенча инженеры Н.В.Кладинның, "Яшел Үзән урманчылыгы" ДБУ директоры А.Ю. Әхмәтовның һәм Татарстан Республикасы Урман тармакларында эшләүчеләрнең республика профсоюз комитеты рәисе И.И.Гыймадиевның докладлары тыңланды.
Зал каршында чыгыш ясап, министр ведомство буйсынуындагы учреждениеләр эшендә төп нечкәлекләргә тукталды һәм куелган барлык бурычларның катгый үтәлергә тиешлегенә басым ясады.
Равил Кузюров шулай ук урман хуҗалыгы тармагында эшләүчеләргә 2018 елның 18 мартында булачак Россия Федерациясе Президентын сайлау турында искәртте һәм барысын да актив катнашырга чакырды.
Чара тәмамлангач, министр чарада катнашучы хатын-кызларны 8 март бәйрәме белән котлады һәм аларга сәламәтлек, бәхет, иминлек һәм урман тармагын үстерү юлында уртак уңышлар теләде.
2018 елның 7 мартында Татарстан Республикасы урман хуҗалыгы министры Р.Ә. Кузюров шәхси мәсьәләләр буенча гражданнарны кабул итте.
Бүген Татарстан Республикасы Урман хуҗалыгы министрлыгына генераль директоры Калыч Али Кюрдаш җитәкчелегендә "Кастамону Интегрейтед Вуд Индастри" ҖЧҖ делегациясе килеп китте. Төрек компаниясе вәкилләре белән Равил Кузюров агач эшкәртү заводына агач материалы китертү мәсьәләләре буенча эшлекле киңәшмә уздырды.
Исегезгә төшерик, МДФ плитәләр җитештерүче завод "Алабуга" махсус икътисад зонасы территориясендә 2013 елда гамәлгә кертелде, бу исә файдалануга исәпләнгән диләнкене үзләштерү, урман хуҗалыгында керемне арттыру, агачларны яңарту һәм Татарстан Республикасы урманнарында табигый составны яхшырту өлешендә яхшы ярдәм булды.
Татарстан Республикасы Урман хуҗалыгы министрлыгы каршындагы Иҗтимагый совет вәкилләре катнашында эш киңәшмәсе узды, аның барышында Татарстанның агач эшкәртү предприятиеләре эшчәнлеген тәэмин итү өчен төбәктә булган чимал ресурсларына кагылышлы мәсьәлә каралды.
Татарстан Республикасы урман хуҗалыгы министры Равил Кузюров бүген “Шәһәр яны урманчылыгы” ДКУ базасында коллектив шартнамәләре төзүгә багышланган җыелышта катнашты, биредә “Шәһәр яны урманчылыгы” ДКУ, “Өйрәнү-сынау шәһәр яны урманчылыгы” ДБУ һәм “Урман-янгын үзәге” ДБУ учреждениеләренең узган елгы эшчәнлегенә анализ ясалды. Утырышлар кысасында ведомство буйсынуындагы учреждениеләрнең эшчәнлеген һәм хезмәт шартларын яхшырту буенча тәкъдимнәр тыңланды.
“Шәһәр яны урманчылыгы” ДКУ җитәкче-урманчысы И.Р. Кәшәфиев, “Урман-янгын үзәге” ДБУ директоры А.Ф. Әхмәров, Татарстан Республикасы Урман тармакларында эшләүчеләрнең республика профсоюз комитеты рәисе И.И. Гыймаев, “Өйрәнү-сынау шәһәр яны урманчылыгы” ДБУ директоры урынбасары Х.Г. Нәҗипов докладлар белән чыгыш ясады.
Чыгышы азагында Р.Ә. Кузюров коллективны 18 мартта булачак Россия Федерациясе Президентын сайлауда актив катнашырга чакырды.
Соңыннан урман хуҗалыгы хезмәткәрләрен бүләкләү өлеше булды. Күп еллык намуслы хезмәт һәм Татарстан Республикасы урманнарын саклаган һәм үрчеткән, учреждениенең профсоюз тормышында актив катнашкан өчен Айрат Әхмәров һәм Елена Рзай Урман тармакларында эшләүчеләрнең республика профсоюз комитетының мактау кәгазе белән бүләкләнде.
Утырыш тәмамланганнан соң министр II һәм III типлы янгын-химия станцияләрендә булды, техник җиһазланыш белән танышты, алда торучы янгын куркынычы янаган чорга әзерлек торышын карады. Шулай ук министр Иске Казан һәм Биектау кишәрлеге урманчылыкларында булды һәм Биектаудагы эш участогының урман кисү цехын карады.
Бүген Татарстан Республикасы урман хуҗалыгы министры Р.Ә.Кузюров рәислегендә чираттагы баланс комиссиясе утырышы булды, ул “Урманчылык” ДКУ һәм “Урман хуҗалыгы” ДБУ финанс-хуҗалык эшчәнлеге нәтиҗәләренә багышланды. Киңәшмә барышында республиканың Кайбыч, Чирмешән, Арча һәм Түбән Кама муниципаль районнарында урман хуҗалыгы эшчәнлеген гамәлгә ашыручы ведомство буйсынуындагы учреждениеләрнең 2017 елдагы эш йомгаклары һәм 2018 елга бурычлары каралды.
Баланс комиссиясенең чираттагы утырышы 2018 елның 7 мартында булачак.
Арча мәктәп урманчылыгында урманнарны орлык ярдәмендә торгызу зарурлыгына укучыларның игътибарын җәлеп итү максатында нарат күркәләре җыюга багышланган “Урман уңышы” табигать саклау акциясе узды. Чарада 1-11 сыйныфларда укучылар катнашты. Балалар тырышлыгы белән барлыгы 1848 кг күркә җыеп алынды. Лидерлар исемлегендә: 1 сыйныф (307 кг), 9 сыйныф (190 кг), 7 сыйныф (351 кг). “Нарат күркәләре” – бик тә хуш исле һәм алардан яңа чәер исе килә. Салкын һава торышы нарат орлыкларына яхшы тәэсир итә. Күркәләр ачылмаган, шулай булгач продуктлы дигән сүз. Орлык табу – акрын процесс һәм кул хезмәтен таләп итә. Бер тонна күркәдән иң яхшы дигәндә 10 кг орлык чыга. Язын җыеп алынган күркә орлыклары берничә елдан соң яңа нарат урманы утырту өчен питомникларга чәчелә”, – дип билгеләде мәктәп урманчылыгы урманчысы Ш.Шиһабиев.