Тармак оешмаларында коллектив җыелышлары дәвам итә
“Идел буе урманчылыгы” ДКИ, “Идел буе урманы” ДБИ хезмәткәрләре җыелышында узган урман хуҗалыгы елы йомгаклары анализланды, оешмаларның эшчәнлеген һәм эш шартларын яхшырту буенча тәкъдимнәр әйтелде. Аннары урман хуҗалыгы хезмәткәрләренә бүләкләр бирелде, иң яхшы җитештерү участоклары билгеләп үтелде. Шулай ук РФ Президентының “Казанда 2013 елда узган XXVII Бөтендөнья җәйге универсиада” истәлекле медальләре тапшырылды.
“Казанда 2013 елда узган XXVII Бөтендөнья җәйге универсиада” истәлекле медаленә “Идел буе урманчылыгы” ДКИ җитәкче-урманчысы Ибраһим Исмәгыйлев, “Идел буе урманы” ДБИ директоры Фәнис Исхаков һәм Чулпан участок урманчылыгының урман белгече Равил Галиуллин лаек булды.
Бүләкләрне Министрлык исеменнән урманнарны яңадан торгызу һәм урман үрчетү бүлеге башлыгы Илгизәр Зарипов тапшырды.