ЯҢАЛЫКЛАР

Федерация Советының аграр һәм азык-төлек политикасы һәм табигатьтән файдалану комитеты утырышында урман хуҗалыгын үстерү мәсьәләләре, 2030 елга кадәрге чорда Россия Федерациясендә урманнарны куллану, саклау һәм яңадан торгызу өлкәсендәге дәүләт политикасы нигезләрен тормышка ашыру планы каралды. Утырышта катнашучылар Россия урман ресурсларын саклау, арттыру, аларның нәтиҗәлелеген күтәрү буенча профильле министрлыкларга киңәшләр дә әзерләделәр.

Республикабызның дәүләти табигать тыюлыклары белгечләре балалар бакчаларында һәм мәктәпләрдә ел буе тематик чыгышлар һәм дәресләр үткәрде. “Чисталык дәресе”ндә укучылар аңына әйләнә-тирә дөньябызга сак караш иңдерелде. Шөгыльләр интеллектуаль уен һәм викторина формасында узды, балалар табигать һәм хайваннар дөньясы, чишмәләрне төзекләндерү, агачлар утырту турындагы сорауларга җавап бирделәр.

Акция канатлы дусларга кыш көне кулдан килгәнчә ярдәм итәргә, табигатькә сак һәм игелекле караш иңдерергә теләүче балаларны, ата-аналарны, педагогларны һәм экологларны берләштерә.

“Кышын кошлар ашат!” акциясен Азнакай шәһәр гимназиясендә “Чатыр тау” дәүләт тыюлыгы инспекторлары үткәрде, анда кече яшьтәге мәктәп балалары катнашты. Балалар өчен лекция укылды, викторина үткәрелде, кошлар турында видеофильм күрсәтелде. Аннары олылар һәм балалар шәһәр урамнарына алдан әзерләнгән җимлекләрне эләргә чыктылар.

“Зөя буйлары” тыюлыгы белгече Л.Н.Сафина Буа шәһәре Лицей-интернаты (сәләтле балалар мәктәбе) укучылары һәм балалар бакчасында тәрбияләнүчеләр өчен “Кышкы табигать” дигән лекция укыды. – “Урман йомшак кар юрганы астында тыныч кына йоклый кебек. Анда кыш көне җәнлекләр һәм кошлар ничек яшиләр соң? Ниндиләр алар?” – Балалар шундый викторина сорауларына җавап бирделәр, урманга һәм анда яшәүчеләргә тыюлык белгечләренең ничек ярдәм итүе, табигатьнең кышкы тынлыгын ничек саклавы, мәһабәт пошиларны һәм безнең якта кышларга калган кошларны ничек ашатуы турында белделәр.

Агымдагы елның 20 декабрендә Комитет “Урман комплексының нәтиҗәлелеген күтәрү турында” түгәрәк өстәл үткәрә, анда РФ Федераль Җыелышы Федерация Советының “РФ урман хуҗалыгын реформалау буенча чаралар турындагы” карарын үтәү һәм “2013 – 2020 елларда урман хуҗалыгын үстерү” дәүләт программасын тормышка ашыру мәсьәләләре каралачак.

“Кышын кошлар ашатыгыз” табигать саклау акциясе барышында алар кошлар өчен җимлекләр әзерләп, үз йортлары янына һәм мәктәп территориясенә элеп чыктылар. Бу игелекле эшне мәктәп укытучылары Л.Р.Маннанова, Д.В.Гаффарова, Р.Н.Гыйниятуллин оештырды. Чарага “Ашыт” дәүләт тыюлыгы белгечләре дә кушылды: алар кошларның урманга файдасы, канатлы дуслар өчен нинди җимнәрнең яраклырак булуы турында сөйләделәр.

Республикабыз башкаласына ТР Урман хуҗалыгы министрлыгына караган берничә оешмадан берьюлы Яңа ел чыршылары китерелә. Аларны ярминкәләрдә һәм чыршы базарларында саталар. Урманчылар быел барлыгы 24 мең нарат һәм чыршы, делянкаларда әзерләнгән 39.5 тонна ылыслы ботаклар сатарга ниятли. 3.5 мең агач инде сатылган.

Экономик хезмәттәшлек буенча Россия-Финляндия хөкүмәт-ара комиссиясенең Тотрыклы урман хуҗалыгы буенча эш төркеменең чираттагы утырышында министр Н.Мәһдиев Татарстанның экономик куәте, урман хуҗалыгының инновацион проектлары турында сөйләде һәм Татарстан Республикасында Берләшкән Милләтләр Оешмасының Европа экономик комитетының (БМО ЕЭК) урман хуҗалыгы комиссиясенең сессиясен үткәрергә тәкъдим итте.

Тыюлык белгечләре өчен аеруча саклаулы табигый территорияләрне саклауның хокукый аспектлары, җәнлек һәм кошларның биологиясе, урман үсемлекләренең төп авыруларын һәм корткычларын тану нигезләре турында лекцияләр курсы укылды. Шөгыльләрдән тыш, Идел-Кама дәүләти табигый биосфера тыюлыгының дендро-бакчасына һәм музеена экскурсия үткәрелде. Һәр бүлекне үткәннән соң тест ясалды.

Белгечләр барысы да укыту планын үзләштереп, квалификация күтәрү турында дәүләти нигездәге таныклык алды.

Россия Федерациясе Президенты Владимир Путин йөкләмәсе буенча 2013 елның 12 декабреннән башлап ел саен, Конституция көнендә, илнең барлык дәүләт оешмаларында Бөтенроссия гражданнарны кабул итү көне үткәрелә башлый.

Бу көнгә Татарстан Республикасы Урман хуҗалыгы министрлыгында VipNet махсус программа продуктын һәм гражданнарны кабул итүче затларның автоматлаштырылган эш урыннарын урнаштыру төгәлләнде. Министрлык эшчәнлегенә бәйле мәсьәләләр буенча кабулияткә язылу (843) 221-37-02 телефоны буенча.