ЯҢАЛЫКЛАР
Мәскәүдә Эколог көненә багышланган тантаналы чара үткәреләчәк. Аның кысаларында “Экологик культура. Тынычлык һәм татулык” Халыкара проектында җиңүчеләр бүләкләнәчәк. “Биологик төрлелекне саклау һәм ландшафтларны тергезү” номинациясендә биологик төрлелек бүлегенең башкаручы киңәшчесе Индира Томаеваның “Татарстан Республикасы дәүләти табигать тыюлыклары базасында экологик аң-белем бирү” проекты халыкара жюри карары белән иң яхшы дип табылган һәм Гран-при алачак.
Июньдә “Укыту-методика үзәге” ФБИ, Урман хуҗалыгы федераль агентлыгы боерыгы белән расланган Мәктәп урманчылыкларын үстерү хәрәкәте программасын тормышка ашыру кысаларында, Россия Федерациясе мәктәп урманчылыкларының читтән торып катнашлы смотр-конкурсын үткәрә. Конкурс турында Кагыйдәләр Укыту-методика үзәгенең www.fgumc.ru сайтында бирелгән.
2012 елгы смотр-конкурс йомгаклары буенча Россиянең иң яхшы мәктәп урманчылыклары арасында Мамадыш урманчылыгының Олыяз лицеендагы мәктәп урманчылыгы билгеләп үтелгән иде.
Операция барышында, 25 апрельдән 3 июньгә кадәр, табигать саклау службалары республика сулыкларында актив патрульлек иттеләр. Татарстан табигать тыюлыклары инспекторлары “Уылдык чәчү-2013” операциясен үткәргәндә 155 бозучыны ачыкладылар, 101 беркетмә төзелде, ТР буенча Эчке Эшләр министрлыгына 14 материал тапшырылды, браконьерлардан 55 җәтмә, 21 “экран”, 14 башка төр законсыз балык тоту коралы йолып алынды, 103 мең сумлык штрафлар салынды.
Университет төзелүгә 210 ел тулуга багышланган тантаналар программасы кысаларында “Агач эшкәртүнең заманча мәсьәләләре” Халыкара фәнни-гамәли конференциясе уза. Конференциядә агач эшкәртүнең актуаль мәсьәләләре буенча фикер алышу, һөнәри осталык алмашу, илләр арасында хезмәттәшлек урнаштыру күздә тотыла.
Урман тармагы буенча дөньяда иң борынгы югары уку йорты булган әлеге университет лидер һәм заман таләпләренә җавап бирерлек сыйфатлы һөнәри белем бирүнең ышанычлы гаранты репутациясен яулап алды. Ул урман җәмәгатьчелегенә Россиядә җәһәт үсеш кичерүче фәнни үзәк буларак билгеле.
Татарстан Республикасы белән Санкт-Петербург урман-техника университеты арасында хезмәттәшлек шактый бай тарихка ия. Әлеге югары уку йорты белән татар халкының билгеле уллары, күренекле галим-урманчылар, Россия Табигый фәннәр академиясе академигы, профессор, авыл хуҗалыгы фәннәре докторы Ф.В Әгълиуллин һәм профессор, авыл хуҗалыгы фәннәре докторы В.В.Загреев исемнәре бәйле.
Бүгенге көндә урман-техника университеты галимнәре һәм белгечләре Татарстан Республикасы урман хуҗалыгы комплексын фәнни тәэмин итүдә гамәли ярдәм күрсәтә, Татарстан белгечләренең Финляндиягә стажировкага баруы да Санкт-Петербург университеты ярдәме белән оештырылды.Урман фондында агач утырту эшләре беткәннән соң ук, Тәтеш урманчылыгы хезмәткәрләре “Татарстанның чиста урманнары” табигатьне саклау акциясен уздырды. Алар рәсми булмаган чүплекләрне һәм урман каршындагы, юл буйларындагы чүплекләрне чистартты, шулай ук милли бәйрәмебез Сабантуй булачак территорияләрне рәткә китерде.
Саба урманчылыгы чигендә делегацияне Татарстан Республикасы урман хуҗалыгы министры Наил Мәһдиев каршы алды. Шуннан соң, министрлык эшләре белән идарә итүче Гадел Галиуллин һәм Саба урманчылыгы җитәкчесе-урманчы Васил Гыйззәтуллин Финляндия Республикасы Авыл һәм урман хуҗалыгы министрлыгы Урман хуҗалыгы департаменты генераль директоры Юха Ояланы Саба урманчылыгы урман хуҗалыгы комплексы объектлары – елына элиталы ябык тамыр системалы 12 миллион үсенте җитештерә торган Татарстан Республикасы Урман селекция-орлыкчылык үзәге, өченче типтагы янгын-химия станциясе белән таныштырды. Юха Ояла әфәнде Россия һәм Татарстанның атказанган урманчысы Нургали Миңнеханов һәйкәленә чәчәк куйды һәм урманчылык дендробакчасында истәлекле туя агачлары аллеясына нигез салды.