11 гыйнвар – Тыюлыклар һәм милли парклар көне
Бүген, 11 гыйнварда, Россия Федерациясендә Тыюлыклар һәм милли парклар көне дигән рәсми бәйрәм билгеләп үтелә. Әлеге датаны 1997 елда Кыргый табигатьне саклау үзәге һәм Бөтендөнья кыргый табигать фонды гамәлгә куйган. Бәйрәмнең максаты – җәмәгатьчелек игътибарын экология проблемаларына җәлеп итү, табигатькә сакчыл караш тәрбияләү.
Бу дата очраклы гына сайланмаган, бу көнне 1917 елда беренче Баргузинский дәүләт табигать тыюлыгы булдырылган.
Тыюлыклар һәм милли парклар – алар махсус саклана торган табигый территорияләр (МСТТ). Алар кыргый табигатьне һәм хайваннар дөньясын һәлакәттән саклау өчен кирәк.
Россиядә федераль, төбәк һәм җирле әһәмияттәге 13 меңгә якын МСТТ бар: 102 дәүләт табигать тыюлыгы, 51 милли парк, 67 дәүләт табигать заказнигы эшләп килә.