ТР мәктәп урманчылыкларының «Урманны бергә саклыйк» VIII слетының икенче көнендә бай программа булды
Бүген «Лубян урман-техник көллияте» ДБҺБУ базасында ТР мәктәп урманчылыкларының «Урманны бергә саклыйк» VIII слеты кысаларында төрле белем бирү программалары һәм мастер-класслар оештырылды.
«Рослесинфорг» ФДБУ Казан филиалы экспертлары укучыларга «Таксатор» һөнәре, «Рослесозащита» ФБУ филиалы – Татарстан Республикасы Урманны саклау үзәге – урманнарны корткычлардан һәм авырулардан яклау буенча башкарыла торган эшләр, «ВНИИЛМ» ФБУ филиалы Көнчыгыш-Европа УСС – урман тармагындагы соңгы фәнни тикшеренүләрнең нәтиҗәләре, «Татнефть» ГАҖ – БМОның тотрыклы үсеше максатларында һәм гамәлгә ашырылучы «Мәктәп биолабораторияләре» проекты, «Түбән Кама нефтехим» ГАҖ белгечләре пластик эшкәртү үзенчәлекләре турында сөйләде.
Укучылар шулай ук урман янгыннарын сүндерү, үсемлекләрне клонлаштыру, дару үләннәрен киптерү, нәфис бизәкләр ясау, брелоклар ясау буенча мастер-классларда катнаштылар. Аларны Азнакай, Әлмәт, Арча, Алабуга, Зеленодольск, Кызыл Йолдыз, Түбән Кама, Саба урманчылыклары, «Навык Лаб» укытучылар клубы (Казан ш.) һәм «Лубян урман-техник көллияте» ДБҺБУ укытучылары оештырды.
Икенче көн азагында музыкаль-күңел ачу программасы булды. Укучылар төрле җырлар, биюләр, шигырьләр укудан торган номерларын тәкъдим иттеләр.
«Мин слетта беренче тапкыр катнашам һәм чараларны оештыруга һәм уздыруга бик шатмын, – дип сөйләде «Адымнар – Алабуга» полилингваль белем бирү комплексының «Рябинушка» мәктәп урманчылыгында тәрбияләнүче Кәрим Әхмәтов. – Барысы да: конкурслар да, мастер-класслар да, белем бирү программалары да ошады. Шулай ук монда волонтерлар да бик яхшы, алар барысын да аңлаешлы һәм үтемле итеп аңлаталар. Монда табигать тә гаҗәеп, урман да тылсымлы. Мин һичшиксез яңадан килергә теләр идем».