ЯҢАЛЫКЛАР

“Спас” тыюлыгы белгечләре һәм “Средневолжрыбвод” ФДБИ ихтиологлары Спас районы Өчкүл авылында урнашкан, табигать һәйкәле булган Чиста, Исемсез, Атаман күлләрендә балыкларны һәм башка су хайваннарын кислород җитмәүдән коткару чаралары үткәрде. Моторлы боз кискеч белән 60 бәке ясалды, кабат туңмасын өчен аларга салам тутырылды.

Татарстан Урман хуҗалыгы министрлыгы вакантлы дәүләти контроль һәм күзәтчелек бүлеге башлыгы вазифасын биләүгә конкурс үткәрә.

Конкурста катнашу өчен документлар 2015 елның 4-24 мартында кабул ителә.

Документлар Казан ш., Ямашев пр., 37а й., 411 каб., дәүләти служба һәм кадрлар секторы адресына кабул ителә, телефоннары: 221-37-23, 221-37-24.

Татарстан Урман хуҗалыгы министрлыгы Министрлыкның кадрлар резервына экономика, дәүләт заказын урнаштыру һәм административ түләүләр бүлегенең башкаручы консультанты вазифасы буенча кертелүгә конкурс игълан итә.

Документлар Казан ш., Ямашев пр., 37а й., 411 каб., дәүләти служба һәм кадрлар секторы адресына кабул ителә, телефоннары: 221-37-23, 221-37-24.

2015 елның 2-3 мартында Татарстан Президенты Рөстәм Миңнеханов җитәкчелегендәге республика делегациясе визит белән Кыргыз Республикасында булды. Визитның көн тәрти­бенә индустрия һәм мәдәният объектлары карау, шул исәптән Кыргызстан хөкүмәте каршындагы Әйләнә-тирәлекне саклау һәм урман хуҗалыгы дәүләт агентлыгының эше белән танышу кертелгән иде. Очрашу барышында урман хуҗалыгы өлкәсендә хезмәттәшлек турында беркетмәгә кул куелды.

ТР Урман хуҗалыгы министрлыгы белгечләре Россия Табигать министрлыгы оештырган, 2015 елның 26 февралендә булып узган “Россия Федерациясендә экологик туризмны үстерүнең стратегик элементы буларак аеруча саклаулы табигать территорияләре” халыкара Интернет конференциясе эшендә катнашты.

Бу турыда Россия Табигать министрлыгының Әйләнә-тирәлекне саклау өлкәсендә дәүләт политикасы һәм идарәсе департаменты директоры Дмитрий Беланович шул конференциянең пленар утырышында ясаган чыгышында аерып әйтте. Арытаба исә: “Россия җәмәгатьчелеге тыюлыкларның һәм милли паркларның биологик төрлелекне саклауда гына түгел, төбәкләрнең социаль-экономик үсешендә дә зур роль уйнавын аңларга тиеш. Бу исә аеруча саклаулы табигать территорияләрен милли байлык объектлары буларак нәтиҗәле иҗтимагый яклауны тәэмин итәчәк”, – дип белдерде.

Конференция чараларында РФның Калининградтан алып Магаданга, Сочидан алып Архангельскига кадәрге 45 субъектыннан 50 докладчы, Исландиядән, Шотландиядән һәм АКШтан килгән алдынгы экологик туризм экспертлары катнашты. Аларда Россиядә экологик туризмның үстерүнең хәлиткеч мәсьәләләре каралды, инфраструктура, маркетинг, информатика буенча практик чишелешләр тәкъдим ителде. Конференцияне 1500дән артык кеше тыңлады.

“Яшел Россия” экологик җәмәгатьчелек хәрәкәте “Җиңү урманы” махсус проектын иң актив һәм кызыклы яктыртуга бөтенроссия конкурсы игълан итте. Аның бер максаты – журналистларның патриотик һәм экологик тематиканы һәм “Җиңү урманы” проектын яктырту буенча актив позициясен хуплау. Тулырак белешмәләр – Конкурсның пресс-релизында.

Урман хуҗалыгы федераль агентлыгы боерыгы белән “Бөгелмә урманы” дәүләти бюджет оешмасының Петровка урман хуҗалыгы участогының урман мастеры Любовь Васильевна Хикмәтова күпьеллык намуслы хезмәтләре, Россиянең урман байлыкларын бәрәкәтлек куллану, саклау һәм арттыру бурычларын чишүгә керткән зур шәхси өлеше өчен Рослесхозның Мактау грамотасы белән бүләкләнде.

Әтнә районында узган конференциядә республиканың 9 районыннан 140тан артык укучы, галимнәр, язучылар, журналистлар, мәдәниятчеләр, ТР Дәүләт Советы депутатлары, Бөтендөнья Татар Конгрессы вәкилләре катнашты.

Конференциянең эше 5 секциядә алып барылды. Тыюлык белгечләре экология секциясенең жюри составында катнаштылар, анда экология буенча докладлар тыңланды. “Ашыт” тыюлыгы администрациясе конференциядә актив катнашучыларга дипломнар һәм истәлекле бүләкләр тапшырды.

“Яңарыш” республика фонды төзелүнең 5 еллыгына багышланган бәйрәм чаралары кысаларында ТР дәүләт киңәшчесе, “Яңарыш” фондының попечительләр советы рәисе Минтимер Шәймиев “Спас” дәүләти табигать тыюлыгы инспекторлары белән очрашты.

Урман төзү дәүләти урман политикасының мөһим буыны булып тора. Ул урманнарны өйрәнү һәм аларның торышын исәпкә алу, республиканың бөтен урман комплексын арытаба үстерү өчен кирәк.

Министрлыкта дәүләти урман реестры, урманнардан файдалану һәм урман төзү бүлегеннән, “Рослесинфорг” федераль предприятиесеннән белгечләр катнашында киңәшмә уздырылды. Анда Тәтеш, Буа, Норлат, Алабуга һәм Лаеш урманчылыкларында урман төзү эшләрен башкару йомгаклары тикшерелде.