ЯҢАЛЫКЛАР

"Кәләй урманчылыгы" ДКУ җитәкче-урманчысы Дамир Миндрахманов Урман-Кәләй урта мәктәбендә укучылар өчен урман дәресе уздырды. Балаларга Татарстан Республикасының Көньяк-көнчыгыш урманнары һәм анда тереклек итүче җан ияләре турында сөйләделәр. Асылда, урманнарның әйләнә-тирә мохиткә уңайлы йогынтысы һәм урман биләмәләрен пычраткан очракта тискәре нәтиҗәләре турында бәян ителде. Мондый дәресләрнең максаты – балаларда әйләнә-тирә дөньяга мәхәббәт тәрбияләү, аларны урман байлыкларын бәяли белергә өйрәтү. Яшь табигать сөючеләр, үз чиратында, урманнарга сакчыл караш турында үзләре иҗат иткән шигырьләрне сөйләде. "Кеше һәм табигать – көч! Көч көчне хөрмәт итәргә, җиңәргә түгел, ә татулык белән яшәргә тиеш", – ди укучылар.

Бүген Татарстан Республикасы Урман хуҗалыгы министрлыгына эш визиты белән “Рослесзащита” ФБУ җитәкчесе Олег Токарев килде. Визит кысаларында ул Татарстан Республикасы урман хуҗалыгы министры Равил Кузюров белән очрашты. Очрашу барышында урманнарны зыянлы организмнардан саклау, урманнарда урман патологиясе буенча мониторинг уздыру мәсьәләләре хакында сүз барды. Шулай ук Татарстан урманнарын санитар яклау буенча алга таба планнар билгеләнде.

Ябык тамыр системасы белән утырту материалы җитештерүдә эш тәҗрибәсе белән уртаклашу кысаларында Татарстан Республикасы Урман хуҗалыгы министрлыгы хезмәткәрләреннән торучы эш төркеме Воронеж шәһәренең Урман селекция-орлыкчылык үзәгендә булды. Моннан тыш, Татарстан урманчылары Урман генетикасы, селекция һәм биотехнология буенча россиякүләм фәнни-тикшеренү институты базасындагы микроклональ лаборатория эшчәнлеге белән дә танышты.

Урман генетикасы һәм селекция буенча фәнни-тикшеренү институтына агач үсемлекләренең югары уңдырышлы һәм тотрыклы формаларын сайлап алуда гамәлдәге методларны камилләштерү һәм яңаларын эшләү, урман генетикасы, селекция, орлыкчылык һәм интродукция нигезендә сортлар чыгару һәм үрчетү максатында 1971 елда нигез салына.

"Аксубай урманчылыгы" ДКУ һәм "Аксубай урман хуҗалыгы" ДБУ хезмәткәрләре уртак янгын өйрәнүләрен уздырды. Легенда буенча, урманчылык бинасында янгын барлыкка килә, ялкын кабинетларның берсендә чыга, барлык бина төтен эчендә кала, хезмәткәрләрнең берсе бинада бикләнеп кала. Янгынны сүндерү өчен ирекле янгын дружинасы җәлеп ителә. Ләкин янгынны болай гына сүндереп булмый, янгын часте чакыртыла. Кыска вакыт аралыгында янгын часте хезмәткәрләре килеп җитә, урманчылык хезмәткәре табыла һәм эвакуацияләнә. Шартлы янгынны тулысынча сүндерү өчен 20 минут вакыт уза. Өйрәнүләрдә 1 берәмлек төп янгын махсус техникасы җәлеп ителә, урында 6 кеше хәл итә. "ТР ГХМ хезмәткәрләре белән берлектә уздырылган өйрәнүләр янгыннарны сүндерү өчен оператив чаралар күрү буенча хезмәткәрләрне мобилизацияли. "Экстрен хезмәтләр һәм учреждениеләр хезмәткәрләре арасында үзара багланыш урнаштыру чараның төп максатына әверелде", – ди "Аксубай урманчылыгы" ДКУ җитәкчесе урынбасары Андрей Ильмухин.

Равил Кузюров ведомство буйсынуындагы учреждениеләре җитәкчеләре белән язгы урман-культура чоры йомгаклары, күзәтчелек эшчәнлеге, урманнарның урман-патологик торышы, аукцион документларының сыйфаты турында киңәшмә уздырды. Киңәшмәдә шулай ук урманчылыкларның һәм урман хуҗалыкларының финанс-хуҗалык эшчәнлеге нәтиҗәләре турында да сүз булды.

Утырышта ведомствога буйсынучы учреждениеләр җитәкчеләренең урман культураларын техник кабул итү, агач материалы әзерләү һәм җиткерү нәтиҗәләре турында докладлары тыңланды. Чара азагында министр урман хуҗалыгын алга таба үстерү буенча беренче чиратта башкарылырга тиешле бурычларны билгеләде.

Янгын чыгу куркынычы янаган чорда Татарстанның барча территориясендә дәүләт урман инспекторлары урманнарны тикшереп тора. Асылда, "Аксубай урманчылыгы" ДКУ хезмәткәрләре районның янгын часте белән уртак рейдларга чыга. Алар урманда ял итәргә һәм гөмбә җыярга килүчеләрнең еш була торган урыннарын карый. Янгын чыгу куркынычы янаган чор – урманчылар өчен аеруча киеренке вакыт. Һәр кишәрлек урманчылыгында ихтыяри янгын дружиналары оештырылды. Җитәкче-урманчы урынбасары Андрей Ильмухин, урманны саклау һәм яклау инженеры Анна Убейкина һәм янгын-коткару гарнизоны башлыгы урынбасары Зөлфәт Җиһангиров составындагы патруль агымдагы вәзгыятьне тикшерә, авылларда яшәүчеләр белән очраша, аңлату эшләрен алып бара. Шулай ук урманнан файдалану инженеры Диана Зубарева да урманнарны күзәтү эшендә катнаша. Ул урман хуҗалыгында яшь белгеч булып тора, республикада андыйлар саны елдан-ел арта.

Янгын чыгу куркынычы янаган чорда урманнарда янгын куркынычсызлыгы кагыйдәләрен җитди сакларга кирәк: урман биләмәләрендә һәм кешеләрнең массакүләм ял итү урыннарында, урманнарга тоташып торган урыннарда учак ягарга, тәмәке төпчекләре ташларга ярамый.

Татарстан территориясендә урман законнары бозылуны чикләү максатында "Алабуга урманчылыгы" ДКУ һәм "Биләр урманчылыгы" ДКУ хезмәткәрләре, ТР ЮХИДИ хезмәткәрләре белән берлектә, "Агач ташучы машина" операциясе кысаларында ДПС "Тула1" станционар постында һәм "Кама" КПП агач материалы һәм агач кисү материалларын ташуга рөхсәт документларын тикшерү буенча рейд уздырды.

Рейд барышында агач һәм агач кисү материалларын ташучы 8 транспорт чарасы тикшерелде. Тикшерү нәтиҗәсендә урман законнары бозылуның 1 факты ачыкланды. Административ беркетмә төзелде.

Бүген Татарстан Республикасы Урман хуҗалыгы министрлыгы хезмәткәрләре, “Без – үзебез кылганның нәтиҗәсе” (“Мы то, что мы делаем”) иҗтимагый оешмасы һәм “Дөнья чишмәләре” хәйриячелек фонды вәкилләре Тынычлык бистәсендә булып узган, чүп-чар җыюга багышланган квестта катнашты. Бу – өмәнең яңа форматы, биредә командалар урманны тизлеккә чүптән арындыра. Һәр җыелган чүп капчыгы өчен актиситларга баллар бирелде, җиңүчеләрне кыйммәтле призлар белән бүләкләделәр. Квестта катнашучыларга ди-джейның дәртләндергеч музыкасы астында рус халык уеннары белән көч биреп тордылар. Шулай ук чара азагында анда катнашкан һәркем кыр ашханәсеннән авыз итә алды. Урманчылар бу чарага үзләреннән өлеш кертте, алар чүп җыюда актив катнашты һәм үз мисалында табигатькә ничек итеп сакчыл карарга кирәклеген күрсәтте.

ТР урман хуҗалыгы министры Равил Кузюров “Кама урманчылыгы” ДКУ һәм “Кама урман хуҗалыгы” ДБУ учреждениеләрендә эшләр торышын тикшерде. Сәфәр кысаларында министр урманчылыкта һәм урман хуҗалыгында эшләүче хезмәткәрләре белән киңәшмә уздырды, ул коллективны яңа җитәкче-урманчы Альберт Шамилов белән таныштырды. Чарада Мамадыш муниципаль районы башлыгы Анатолий Иванов та катнашты. Киңәшмәдән соң министр янгынга каршы техниканы, урман питомнигын тикшерде һәм урман культураларын утырту урыннарын карады. Быел Кама урманчылыгында 122 гектарда ылыслы, йомшак яфраклы һәм каты яфраклы токымнардан урман культуралары утыртылган. Министр үзенең кисәтүләрен һәм тәкъдимнәрен җиткерде, шулай ук хезмәткәрләргә башкарыла торган эшләрнең сыйфатына игътибар юнәлтергә кушты.

“Әгерҗе урманчылыгы” ДКУ хезмәткәрләре волонтерлар белән берлектә Әгерҗенең яңа Балалар иҗаты үзәге бинасы территориясен яшелләндерүдә катнашты. Акцияне Халыкара балаларны яклау көненә багышладылар. Чара барышында территория чүп-чардан арындырылды, коры-сарыдан җыештырылды һәм агачлар киселде. Урманчылар ярдәме белән полигонга 15 кубометр каты көнкүреш калдыгы чыгарылды. Билгеләп узарга кирәк, әлеге урын чүп-чар белән нык чүпләнгән иде. Шулай ук акция кысаларында урманчылык хезмәткәрләре 120 яңа агач утыртты. “Һәр кеше яхшы гамәлләр кылырга тиеш, бүген без шәһәрне яшелләндерүдә катнаштык һәм балаларга матур агачлар арасында, чиста территориядә булу шатлыгын бүләк иттек”, – дип билгеләде урманчылар.