ЯҢАЛЫКЛАР

2018 елның 15 гыйнварында Татарстан Республикасы Урман хуҗалыгы министрлыгында Татарстан Республикасы Премьер-министры А.В.Песошин катнашында киңәйтелгән йомгаклау коллегиясе утырышы булачак.

“Урман кишәрлекләрен биреп һәм бирмичә урманнардан файдалану тәртибен камилләштерү өлешендә Россия Федерациясе Урман кодексына үзгәрешләр кертү турында” 2017 елның 29 декабрендәге 471-ФЗ номерлы Федераль законда каралган закон новеллалары үз көченә керде.

Урман кодексына кертелгән төзәтмәләр нигезендә агач материалы әзерләү өчен урман кишәрлегенең аренда шартнамәсен төзү буенча өстәмә ысул – конкурс кертелә, шулай ук урман кишәрлекләренең аренда шартнамәләрен һәм урман утыртмаларын сату-алу шартнамәләрен төзү хокукына аукцион оештыру тәртибе камилләштерелә.

Шул ук вакытта беренче мәртәбә Урман кодексында урман сатуларын (конкурсларны һәм аукционнарны) оештыруның һәм уздыруның заявка принцибы тормышка ашырыла. Ә сәламәт конкуренция шартларын тәэмин итү максатларында хәзер аукционнар бары тик электрон формада һәм дәүләти һәм муниципаль ихтыяҗларны тәэмин итү өчен товарлар, эшләр, хезмәтләр сатып алу өлкәсендә контракт системасы турында Россия Федерациясе законнары нигезендә функцияләүче рәсми мәйданчыкларда гына узачак.

Урман кишәрлекләрен авыл хуҗалыгы алып бару өчен урманнардан файдалану максатларында крестьян (фермер) хуҗалыкларына арендага тапшыру, урманнардан чәер җыю һәм агач булмаган урман ресурслары әзерләү өчен файдалану буенча урман кишәрлекләрен арендага тапшыру, урман утыртмаларын сату-алу шартнамәләре нигезендә кече һәм урта эшкуарлык субъектларына урман утыртмалары сату-алу шартнамәсе төзү – урман аукционын электрон формада уздырмаска мөмкин булган искәрмәле очраклар булып тора.

Урман конкурсларына килгәндә, вәкаләтле органга аны уздыру турында гариза белән милекчелек хокукында яисә башка төрле законлы нигездә агач материалыннан эшләнмәләр һәм агач материалы эшкәртүдән калган, төрләре Россия Федерациясе Хөкүмәте тарафыннан Икътисад эшчәнлеге төрләре буенча россиякүләм продукция классификаторы, Евразия икътисад союзы Тышкы икътисад эшчәнлегенең товар номенклатурасы нигезендә билгеләнә торган башка төрле продукция җитештерү өчен билгеләнгән урман эшкәртү инфраструктурасы объектларына ия булган юридик зат, шәхси эшкуар мөрәҗәгать итәргә хокуклы.

Бу вакытта мөрәҗәгать итүчегә документлар нигезендә агач материалы эшкәртү объектларының техник сыйфатламаларын, параметрларын һәм булган куәтләрне тулысынча эшкә җигү өчен билгеле бер төргә (токымга) һәм сортимент составына караган агач материалына өстәмә ихтыяҗ булуын нигезләүне расларга кирәк.

471-ФЗ нигезләмәләрен үтәү һәм урман конкурсларын тормышка ашыру өчен биш норматив хокукый акт эшләү зарур, аның икесе Россия Федерациясе Хөкүмәте тарафыннан расланачак: гаризаны карау тәртибе һәм өстәмә ихтыяҗны һәм Россия Федерациясе субъекты территориясендә урман кишәрлекләре булу-булмавын бәяләү методикасы, шулай ук конкурста катнашучыларның конкурс тәкъдимнәрен бәяләү тәртибе һәм критерийлары.

Тиешле норматив хокукый актларның проектларын әзерләү эше Россия Табигать министрлыгы тарафыннан Федераль урман хуҗалыгы агентлыгы белән берлектә башлап җибәрелгән инде.

Карала торган федераль законның тагын бер яңалыгы булып закон дәрәҗәсендә урманнар турындагы мәгълүматның ачык булуы кебек әһәмиятле урман сәясәте принципларын раслау тора. Әйтик урманнар турында мәгълүмат уртак файдаланудагы мәгълүмат булып санала, әгәр гамәлдәге законнарда башкача каралмаса, гражданнарның һәм юридик затларның аннан файдалана алу мөмкинлеге чикләнә алмый. Урманнар

турында мәгълүмат урманнардан файдалану, аларны саклау, яклау һәм яңадан җитештерү өлкәсендә вәкаләтләрне гамәлгә ашыручы дәүләт хакимияте органнарының һәм җирле үзидарә органнарының рәсми сайтларында урнаштырыла. Урманнар турында мәгълүматларның составы һәм эчтәлеге вәкаләтле башкарма хакимият органы, ягъни Россия Табигать министрлыгы боерыгы белән билгеләнә.

Россия Федерациясе Премьер-министры Дмитрий Медведев Янгынга каршы режим кагыйдәләренә үзгәрешләрне раслады. 2017 елның 30 декабрендә имзаланган 1717 номерлы карар белән Янгынга каршы режим кагыйдәләренә үзгәрешләр кертелде, шуның нәтиҗәсендә торак пунктлары, гражданнарның яшелчәчелек, бакчачылык һәм дача коммерциясез берләшмәләре чикләрендә урнашкан җир кишәрлекләренең хокук ияләре өчен җир кишәрлекләрендә даими рәвештә чүп-чарны җыештыру һәм үләннәрне чабу буенча зарури таләпләр билгеләнә. Шулай ук үләнле үсемлекләргә ут төртү, учаклар ягу, автомобиль юлларының аерып чыгарылган полосалары чикләрендә һәм юл яны полосаларында, тимер юлларның, юл үткәргечләрнең һәм азык-төлек үткәргечләрнең саклык зоналарында чыбык-чабык яндыру тыела.

Кертелгән үзгәрешләр нигезендә тимер юлларның аерып чыгарылган полосалары чикләрендә һәм саклык зоналарында, автомобиль юлларының аерып чыгарылган полосалары чикләрендә һәм юл яны полосаларында башаклы культуралар үстерү тыела.

Билгеләнгәнчә, авыл хуҗалыгы билгеләнешендәге җирләрнең хокук ияләре авыл хуҗалыгы биләмәләрен чүп үләннәреннән яклау, печәнлекләрдә үләннең вакытында чабылуы буенча чаралар күрергә бурычлы.

Тимер юлларның аерып чыгарылган полосаларын һәм саклык зоналарын карап тоту тәртибе билгеләнә, бу тәртиптә аларны ауган агачлардан, кисенте калдыкларыннан һәм куаклыктан, янучан башка калдыклардан чистрату күздә тотыла. Кыр шартларында стационар рәвештә урнаштырылган урып-җыю агрегатларын, автомобильләрне авыл хуҗалыгы продукциясен җыйганда эксплуатацияләү барышында янгын куркынычсызлыгы чаралары билгеләнә.

Кабул ителгән үзгәрешләр торак пунктларында янгын куркынычсызлыгын әһәмиятле дәрәҗәдә арттыру һәм утның урман фонды җирләренә күчү мөмкинлеген минимальләштерү мөмкинлеген бирәчәк.

Түләүсез юридик ярдәм күрсәтү системасын камилләштерү максатларында Татарстан Республикасы Урман хуҗалыгы министрлыгы Бүгенге көннән 2018 елның 10 мартына кадәр онлайн режимында сораштыру уздыра – анкета җаваплары ала. Әлеге анкетаны түбәндәге сылтама аша тутырырга мөмкин: http://minleshoz.tatarstan.ru/rus/opros-obshchestvennogo-mneniya-anketirovanie-2449257.htm

РФ Табигать ресурслары һәм экология министрлыгының “Урманнардан файдалану турында хисапка кертелә торган мәгълүматлар исемлеген, урманнардан файдалану турында хисап формасын һәм аны тапшыру тәртибен, шулай ук урманнардан файдалану турында электрон рәвештә хисап тапшыру форматына карата таләпләр раслау турында” 2017 елның 21 августындагы 451 номерлы боерыгы үз көченә керүгә бәйле рәвештә, Урманнардан файдалану турында хисап урманнардан файдаланучы гражданнар, шул исәптән шәхси эшкуарлар, юридик затлар тарафыннан ай саен, хисап аеннан соң килүче айның унынчы көненнән соңга калмыйча тапшырылырга тиеш (урманнардан агач материалы әзерләү максатларында файдаланганда, шулай ук урман утыртмалары киселә торган бүтән максатларда урманнардан файдалану очрагында). Урманнардан файдаланганда урман утыртмалары киселмәгән очракларда хисап ел саен, хисап елыннан соң килүче елның 10 гыйнварыннан соңга калмыйча, тапшырылырга тиеш.

Урман утыртмаларын сату-алу шартнамәләре нигезендә үз ихтыяҗлары өчен агач материалы әзерләүче гражданнар урман әзерләү эшләрен тәмамлау йомгаклары буенча елга бер мәртәбә, хисап аеннан соң килүче айның унынчы көненнән соңга калмыйча, тапшырырга тиеш.

Россия Табигать министрлыгының “Урманнардан файдалану турында хисап тапшыру тәртибен һәм аның формасын, урманнардан файдалану турында хисапны электрон рәвештә тапшыру форматына карата таләпләр билгеләү турында” 2014 елның 25 декабрендәге 573 номерлы боерыгы көчен югалткан дип танылды.

Хисап формалары Татарстан Республикасы Урман хуҗалыгы министрлыгы сайтында урнаштырылды. Хисапларның формаларын тутыру һәм аларны тапшыру буенча консультацияне 8 (843) 221-37-26 телефоны буенча алырга мөмкин.

2017 елның июнь-июль айларында мәктәп урманчылыклары әгъзалары өчен профильле смена һәм “Орленок” россиякүләм балалар үзәге базасында Россиякүләм мәктәп урманчылыклары съездын уздыру йомгаклары буенча һәм Россия Федерациясе Хөкүмәте Рәисе урынбасары А.Г. Хлопонин йөкләмәсен (2017 елның 11 июлендәге № АХ-П9-4475) үтәү максатында Россия Табигать министрлыгы тарафыннан, Россия Мәгариф министрлыгы һәм Рослесхоз белән берлектә, 2018-2027 елларга мәктәп урманчылыклары хәрәкәтен үстерү буенча Чаралар планы (алга таба – План) эшләнде.

Хәзерге вакытта План үтәү өчен мәнфәгатьле федераль башкарма хакимият органнарына һәм Россия Федерациясе субъектлары дәүләт хакимияте органнарына җиткерелде (Россия Федерациясе Хөкүмәтенең 2017 елның 14 декабрендәге № АХ-П9-8369 йөкләмәсе).

Чаралар планын тормышка ашыру Россия Федерациясе территориясендә эшләүче мәктәп урманчылыкларының сыйфатлы эш дәрәҗәсен арттыруга һәм аларның санын күбәйтүгә, үсеп килүче буын арасында урман һөнәрләрен популярлаштыруга, экология культурасы һәм яшьләрдә илнең урман байлыкларына сакчыл мөнәсәбәт формалаштыруга юнәлдерелгән.

Әлеге документ шулай ук Россия Федерациясе субъектлары башкарма хакимият органнары эшен дә системага салырга булышачак, хәзерге вакытта бу эш бик таркау башкарыла, һәм Россия Федерациясендә мәктәп урманчылыклары хәрәкәтен үстерүдә төп юнәлешләрне билгеләячәк. 2018-2027 елларга мәктәп урманчылыклары хәрәкәтен үстерү буенча Чаралар планы

2017 елда Татарстан Республикасы дәүләт бюджет учреждениеләре тарафыннан урман питомникларында җитештерү культурасын арттыру һәм утырту материалы чыгаруны күбәйтү буенча эш башкарылды. Фән казанышларын, алдынгы технологияләрне киң җәелдерү һәм хезмәтне оештыру нигезендә ведомство буйсынуындагы учреждениеләрнең урман культурасы бригадалары утырту материалы үстергәндә югары күрсәткечләргә иреште, үстерелә торган токымнарның ассортиментын киңәйтте һәм мәйдан берәмлегеннән планнан арттырып уңыш алды.

Утырту материалы үстергәндә җитештерүдә ирешкән күрсәткечләр өчен “Минзәлә урман хуҗалыгы” ДБУ Усинск җитештерү кишәрлегенең даими урман питомнигына “Татарстан Республикасының югары культуралы урман питомнигы” исеме бирелде. Шулай ук, өч ел дәвамында “Саба өйрәнү-тәҗрибә урман хуҗалыгы” ДБУ Урман селекция-орлыкчылык үзәге дә теплица шартларында утырту материалы җитештерү буенча үзенең лидерлык позициясен калдырмый.

Яңа ел бәйрәмнәре чорында ылыслы яшь агачларны саклау максатларында Татарстан Республикасы Урман хуҗалыгы министрлыгы тарафыннан Татарстан Республикасы буенча Эчке эшләр министрлыгы белән берлектә “Чыршы” ведомствоара оператив-профилактика чарасы уздырыла.

Әлеге чара кысаларында плантацияләрдә һәм питомникларда чыршылар әзерләү һәм әзерләнгәннәрен алып чыгу эше тикшереп торыла.

Урманчылыклардагы белгечләрдән мобиль патруль төркемнәре төзелә.

Ылыслы утыртмалар өстенлек итүче урман кишәрлекләрендә системалы рәвештә патруль эше тәэмин ителә.

Массакүләм мәгълүмат чараларында һәм мәктәпләрдә урманны саклау һәм аңа карата сакчыл караш турында, шулай ук яңа ел бәйрәмнәрендә ылыслы яшь агачларны юкка чыгаруның ярамаганлыгы турында аңлату эшләре алып барыла.

Быел республика буенча урманнарны патрульләү буенча 109 мобиль төркем төзелде, урман утыртмаларын яңа ел чыршылары өчен законсыз кисүнең 5 факты ачыкланды. Урман законнары бозылу нәтиҗәсендә урманнарга китерелгән зыян күләме 9500 сум тәшкил итте.

Яңа ел чыршыларын сатып алганда белә торып законсыз әзерләнгән агач материалын сатып алу, саклау, ташу яисә саткан өчен гражданнарга биш мең сум күләмендә; вазыйфаи затларга илле мең сум күләмендә; юридик затларга дүрт йөз мең сумнан башлап җиде йөз мең сумга кадәр административ штраф салынырга мөмкин булын истән чыгармаска кирәк.

Татарстан Республикасы Урман хуҗалыгы министрлыгы Россия Федерациясе Урман кодексында билгеләнгән еллык хисаплылыкны кабул итү эшен башлап җибәрде

Россия Федерациясе Урман кодексының 26 статьясы нигезендә урман кишәрлекләре арендага яисә даими (вакыты чикләнмичә) файдалануга тапшырылган затларга җир кишәрлегеннән файдалануга керешер алдыннан Татарстан Республикасы Урман хуҗалыгы министрлыгына урман декларациясе (урманнарны үзләштерү проекты нигезендә урманнардан файдалану турында гариза) тапшырырга кирәк.

Урман декларациясе ел саен урманнардан файдалану буенча күздә тотылган срок башланырга кимендә ун көн калганчы тапшырыла. Урман декларациясенең гамәлдә булу вакыты – урманнардан файдалана башлауның күздә тотылган чоры башланганнан соң иң күбе 12 ай.

Билгеләнгән тәртиптә урман декларациясен тапшырмыйча урман кишәрлегеннән файдалану административ хокук бозу булып тора.

Урман декларациясенең формасы, шулай ук аны тутыру һәм тапшыру тәртибе, урман декларациясенең электрон форматына карата таләпләр Россия Федерациясе Табигать ресурслары һәм экология министрлыгының 16.01.2015 № 17 боерыгы белән расланды.

Россия Федерациясе Урман кодексының 49, 60, 60.11 һәм 66 кодекслары нигезендә урманнардан файдалану турында хисап (алынган урман ресурслары күләме, аларның товар структурасы турында мәгълүмат, башка мәгълүмат), урманнарны янгыннан саклау турында хисап, урманнарны яклау турында хисап, урманнарны яңадан җитештерү һәм урман үрчетү турында хисап урманнардан файдаланучы гражданнар, юридик затлар тарафыннан, вәкаләтләренә туры китереп, дәүләт хакимияте органнарына, җирле үзидарә органнарына тапшырыла.

Урманнардан файдалану турында хисап урманнардан файдаланучы гражданнар, шул исәптән шәхси эшкуарлар, юридик затлар тарафыннан ай саен, хисап тапшырылган айдан соңгы айның унынчы көненнән соңга калмыйча тапшырыла (агач материалы әзерләү максатларында урманнардан файдаланганда, шулай ук урман утыртмалары кисүне күздә тоткан башка төрле максатларда урманнардан файдалану очрагында). Урманнардан файдалану очрагында урман утыртмалары киселмәсә, хисап ел саен, хисап елыннан соң килүче елның унынчы гыйнварыннан соңга калмыйча тапшырыла.

Урманнардан файдалану турында хисап формасы һәм аны тапшыру тәртибе, шулай ук урманнардан файдалану турында электрон формадагы хисап форматына карата таләпләр Россия Федерациясе Табигать ресурслары һәм экология министрлыгының 25.12.2014 № 573 боерыгы белән расланды.

Урманнарны янгыннан саклау турында хисап РФ Урман кодексы нигезендә урманнардан файдаланучы, шулай ук урманнарны саклау чараларын гамәлгә ашыручы гражданнар, шул исәптән шәхси эшкуарлар,

юридик затлар тарафыннан квартал саен, хисап чорыннан соң килүче айның унынчы көненнән соңга калмыйча тапшырыла. Әгәр урманнарны үзләштерү проектында, урман хуҗалыгы регламентында хисап кварталында урманнарны саклау чаралары каралмаса, хисап чорыннан соң килүче елның унынчы гыйнварыннан соңга калмыйча, ел саен тапшырыла.

Урманнарны яклау турында хисап РФ Урман кодексы нигезендә урманнардан файдаланучы, шулай ук урманнарны яклау чараларын гамәлгә ашыручы гражданнар, шул исәптән шәхси эшкуарлар, юридик затлар тарафыннан квартал саен хисап чорыннан соң килүче айның унынчы көненнән соңга калмыйча тапшырыла. Әгәр урманнарны үзләштерү проектында, урман хуҗалыгы регламентында хисап кварталында урманнарны яклау чаралары каралмаса, хисап чорыннан соң килүче елның унынчы гыйнварыннан соңга калмыйча, ел саен тапшырыла.

Урманнарны янгыннан саклау турында хисап формасы һәм урманнарны яклау турында хисап формасы, шулай ук аларны тапшыру тәртипләре Россия Федерациясе Табигать ресурслары һәм экология министрлыгының 09.03.2017 № 78 боерыгы белән расланды.

Урманнарны яңадан җитештерү һәм урман үрчетү турында хисап урманнарны яңадан җитештерү һәм урман үрчетү белән шөгыльләнүче гражданнар, шул исәптән шәхси эшкуарлар, юридик затлар тарафыннан квартал саен, хисап чорыннан соң килүче айның унынчы көненнән соңга калмыйча тапшырыла. Әгәр урманнарны үзләштерү проектында, урман хуҗалыгы регламентында ел дәвамында урманнарны яңадан җитештерү һәм урман үрчетү чараларын уздыру күздә тотылмаса, хисап ел саен, хисап елыннан соң килүче елның унынчы гыйнварыннан соңга калмыйча тапшырыла.

Урманнарны яңадан җитештерү һәм урман үрчетү турында хисап формасы, аны тапшыру тәртибе Россия Федерациясе Табигать ресурслары һәм экология министрлыгының 20.01.2015 № 28 боерыгы белән расланды.

Хисапларның һәм урман декларациясенең формасы Татарстан Республикасы Урман хуҗалыгы министрлыгы сайтында урнаштырылды. 8 (843) 221-37-26 телефоны аша хисапларны һәм урман декларациясен тутыру һәм аларны тапшыру буенча консультация алырга мөмкин.

Татарстан Республикасы Урман хуҗалыгы министрлыгы урманнардан файдаланучыларга Россия Федерациясенең гамәлдәге урман законнары таләпләрен үтәү буенча кирәкле һәм җитәрлек чараларны күрергә, шул исәптән хисапларны һәм урман декларацияләрен вакытында һәм билгеләнгән формада тапшырырга, шулай ук билгеләнгән тәртиптә һәм билгеләнгән формада урман декларацияләрен тапшырмыйча, урман кишәрлекләреннән файдалануга юл куймаска чакыра.

Урманнардан урман кишәрлегенең аренда шартнамәсе, урман кишәрлегеннән даими (вакыты чикләнмичә) файдалану шартнамәсе шартларын бозып файдалану Административ хокук бозулар турында Россия Федерациясе кодексының 8.25 статьясының 4 өлеше буенча административ

җаваплылыкка тарту өчен сәбәп була. Гражданнар өчен административ штрафлар күләме сигез йөз сумнан ике мең сумга кадәр; вазыйфаи затлар өчен биш мең сумнан ун мең сумга кадәр; юридик затлар өчен кырык мең сумнан сиксән мең сумга кадәр тәшкил итә.

Татарстан Республикасы Урман хуҗалыгы министрлыгы Минзәлә, Мамадыш һәм Арча урманчылыкларының урман фонды территориясендә урнашкан урман утыртмаларын сату-алу шартнамәсен төзүгә кече һәм урта эшкуарлык субъектларына хокук сату буенча аукцион йомгаклары турында хәбәр итә. Чара 2017 елның 19 декабрендә булып узды.

2, 5, 14, 15, 16, 19 номерлы лотлар буенча аукцион узган дип танылды. Аукционда җиңүчеләр белән аукцион йомгаклары турында беркетмәләр имзалана һәм беркетмәгә имза салган көннән соңгы ун эш көне эчендә кече һәм урта эшкуарлык субъектларына урман утыртмалары сату-алу шартнамәләре төзеләчәк.

1, 3, 4, 6-13, 17 номерлы лотлар буенча аукцион узмаган дип танылды (Россия Федерациясе Урман кодексының 80 статьясының 7 пунктының 1 пунктчасы). Аукционның бердәнбер катнашучысы белән аукцион йомгаклары турында беркетмәләр имзалана һәм аукцион нәтиҗәләре турында мәгълүмат “Интернет” мәгълүмат-телекоммуникация челтәрендәге Россия Федерациясе рәсми сайтында басылып чыкканнан соң ун эш көне эчендә кече һәм урта эшкуарлык субъектларына урман утыртмалары сату-алу шартнамәләре төзеләчәк.

18, 20 номерлы лотлар буенча аукцион заявкалар булмау сәбәпле узмаган дип танылды.