ЯҢАЛЫКЛАР

"Әгерҗе урманчылыгы" ДКУ белгечләре "Россия чаңгы юллары-2017" массакүләм чаңгы ярышларында актив катнашты. Чаңгы ярышлары "Орешник" урман паркында узды. Иң әүвәл чабышта катнашучыларның барысы да "ГТО" сайтында теркәлде. Кайбер дулкынлануларга карамастан, чаңгычыларның кәефе бәйрәмчә иде. Язгыча яктырткан кояш һәм музыкаль номерлар күңел көрлеге өстәде.

2017 елның 18 февралендә "Россия чаңгы юллары-2017" ярышлары узды. Урманчылар Юдино поселогының "Локомотив" стадионы мәйданында булып узган массакүләм чаңгы чабышларында катнашты. Барысы да күңел көрлеге һәм шәп кәеф, әйтеп бетергесез уңай эмоцияләр алды.

Бу көнне Татарстанда барлыгы 190 мең тирәсе кеше чаңгыга басты.

16 февральдә Казанның төзелеш көллиятендә Татарстан Республикасы Премьер-министры вазыйфаларын башкаручы А.В. Песошин World Skills Russia төбәк чемпионатында җиңүчеләр белән очрашты.­­­ Чарада "Лубян урман-техника көллияте" ДБҺББУ студентлары катнашты.

 А.В. Песошин 2019 елда Казанда дөньякүләм масштаблы вакыйга – WorldSkills Competition Бөтендөнья эшче һөнәрләр чемпионаты узачагы турында искә төшерде.

"Россия җиңәргә, ә безнең конкурсантлар иң яхшы нәтиҗәләрне күрсәтергә тиеш, – дип ассызыклады ТР Премьер-министры в.б. – Шуңа күрә ил һәм республика җитәкчелеге WorldSkills хәрәкәтенең үсешенә зур игътибар бирә, ә чемпионат хәрәкәтендә илнең 84 субъекты, 60 меңнән артык конкурсант һәм эксперт катнаша."

А.В. Песошин шулай ук 2016 елда Рөстәм Миңнеханов карары нигезендә конкурсантларны халыкара стандартларга әзерләү концепциясенең дә эшләнүе хакында җиткерде: "Бу сезнең һәркайсыгыз республика, ә кайчакта бөтен ил җитәкчелеге арасыннан беренче затларның җентекле игътибары үзәгендә торачак дигән сүз".

Татарстан Республикасы Урман хуҗалыгы министрлыгы белгечләре Казан шәһәренең Киров районы, Юдино поселогында булып узачак "Россия чаңгы юллары-2017" Бөтенроссия массакүләм чаңгы ярышларында катнашачак.

Йөгереш чаңгыларында йөрү – иң кулай һәм үтемле кышкы спорт төрләренең берсе.  Елның кышкы чорында карлы урман аша чаңгыда йөреп кайту үзе ни тора. Чаңгыда йөрү көндәлек мәшәкатьләрне онытырга, кәефне күтәрергә һәм сәламәтлекне ныгытырга булыша.

Күчмә утырыш кысаларында 16 февральдә семинар-киңәшмәдә катнашучылар Нурлат урманчылыгы музеенда булдылар.

Музей 2006 елда булдырылды. Экспозицияләрдә 1936 елның июленнән башлап Октябрь урман-сәнәгать хуҗалыгы (хәзерге вакытта "Нурлат урманчылыгы" ДКУ) барлыкка килү тарихы турында сөйләнә. Музейда нигез салынган көннән бирле Октябрь (хәзерге вакытта Нурлат муниципаль районы) урман хуҗалыгының эшчәнлеге хакында материаллар куелган, алар хәрби һәм сугыштан соңгы елларда предприятиенең вазыйфалау тарихын үз эченә ала. Моннан тыш, җитәкчелек составы, җитештерү уңышлары, предприятиенең урман хуҗалыгында хезмәт куйган гаилә династияләре хакында да мәгълүматлар тупланган. Музейда шулай ук көнкүрештәге борынгы предметлар һәм мәктәп урманчылыгы бүләкләре урын алган.

Экология елы кысаларында "Казан" халыкара аэропортының көтү залында (1А терминалы) Татарстан Республикасы Урман хуҗалыгы министрлыгы белгечләре тарафыннан "Татарстан Республикасының махсус сакланучы табигый территорияләре" темасына күргәзмә оештырылды. Стендларда сирәк очрый торган хайваннарның һәм үсемлекләрнең фотолары күрсәтелгән. Тематик экспозиция экологик мәдәниятне формалаштыруга, үсемлекләр һәм хайваннар дөньясында төрләрнең кимү проблемасына игътибар җәлеп итүгә юнәлдерелгән. Күргәзмә март аена кадәр эшләячәк.

Яшел Үзәндә Татарстан Республикасының эшләүче һәм укучы яшьләре арасында "Профсоюз яшьләре чаңгы юллары - 2017" узды.

Лубян урман-техника көллияте студентлары командасы ярышларда менә дигән итеп чыгыш ясады:

1 урын - Кузнецова Алина, 23 сп төркеме студенткасы

1 урын - Гостева Анастасия, 43 сп төркеме студенты

2 урын - Семенов Александр, 41лх төркеме студенты

2 урын - Николаев Андрей, 41 лх төркеме студенты

3 урын - Козырев Станислав, 13 сп төркеме студенты

3 урын - Зиннәтуллина Ләйлә, 11 лх төркеме студенткасы

1 урын - команда исәпкә алынды.

Ярышларда җиңүчеләрне тәбрик итәбез!

"Кичке Таң" ДТКТ хезмәткәрләре ТР Әгерҗе районының "Кояшкай" балалар бакчасында тәрбияләнүчеләр һәм Кичкетаң урта мәктәбендә укучылар өчен "Кышын кошларны ашатыгыз!" акциясен үткәрде.

Кыш – барча кошлар өчен дә авыр чор. Аларга салкыннарны, бозлавыкларны, оясыз һәм ризыксыз тереклек итүләрне кичерергә туры килә. Кагыйдә буларак, февральдә көчле җилләр еш исә, бураннар чыга һәм һава температурасы түбән була.  Канатлы дусларыбызның популяцияләрен саклап калу өчен аларны ашатып тору зарур. Кыш дәвамында "Кичке Таң" ДТКТ инспекторлары Әгерҗе районының гомуми белем бирү учреждениеләре белән берлектә кошларны ашату эше белән шөгыльләнә. Балалар мондый чараларны оештыруда һәм үткәрүдә бик теләп катнаша: ата-аналары белән берлектә җимлекләр ясыйлар, азык җыялар һәм кошлар өчен "ашханә"ләр оештыралар.

Бүген Нурлат урманчылыгы территориясендә ТР урман хуҗалыгы министрының беренче урынбасары Ә.Н. Бәдертдинов катнашында семинар-киңәшмә уза. Семинарның максаты – урманнардан файдалану, аларны саклау, яклау һәм үстерү буенча урман хуҗалыгы хезмәткәрләре катнашында үткәрелә торган чараларның сыйфатын арттыру. Семинарда "Нурлат урманчылыгы", "Лаеш урманчылыгы", "Әлки урманчылыгы", "Болгар урманчылыгы", "Аксубай урманчылыгы", "Биләр урманчылыгы", "Чирмешән урманчылыгы" дәүләт казна учреждениеләреннән кишәрлек урманчылары, инженерлар, җитәкче урманчыларның урынбасарлары катнаша.

Күчмә киңәшмә кысаларында урманчылар Нурлат районы Мамык авылындагы мәктәпне һәм балалар бакчасын карадылар.

Идел буе федераль округы буенча Урман хуҗалыгы департаменты тарафыннан оештырылган селектор киңәшмәсе видеоконференция рәвешендә узды. Утырышта Экология елын үткәрү кысаларында планлаштырылган чаралар планы, янгын куркынычы янаган чорга әзерлек, урманкорылышы эшләрен башкару турында, шулай ук фәнни-тикшеренү оешмалары белән эшләү хакында сөйләштеләр.