ЯҢАЛЫКЛАР

Хөрмәтле урманчылар, урман хуҗалыгы хезмәтчәннәре!

Ихлас күңелдән Сезне Урман хезмәткәрләре көне белән тәбрик итәм!

Урман – бәһасе булмаган, үзенә карата сакчыл караш һәм үзеннән тиешенчә файдалануны таләп итә торган байлыгыбыз ул безнең.

Урманнарны саклау, яклау һәм үстерү мәсьәләләренең елдан-ел тагын да зуррак әһәмияткә ия була баруын без барыбыз да аңлыйбыз. Аларны хәл итү өчен яңадан-яңа алымнар таләп ителә. Урман тармагында эшләүче кешеләр урман хуҗалыгын камилләштерүгә багышланган программаларны эшлиләр. Урманчылар – лаеклы мактауга һәм хөрмәткә ия булган, үз эшләренә искиткеч тугрылыклы булуларын чын мәгънәсендә күрсәтеп, үзләренең һөнәри бурычларын үтәүче, югары квалификацияле белгечләр алар. Безнең барыбыз өчен дә урман үзагач һәм муллык чыганагы гына түгел әле. Ул тормышыбызның, мәдәниятебезнең, тарихыбызның аерылгысыз бер өлеше, экологик иминлек нигезе дә. Без, урманчылар, Татарстан һәм Россия хакына урман байлыкларын саклау һәм үрчетү өчен мөмкин булганның барысын да эшлибез.

Вакыт бер урында гына тормый. Татарстан инновацион үсеш юлыннан бара. Монда ТР Президенты Рөстәм Миңнехановның өлеше зур. Аның ярдәме белән Саба районында ябык тамыр системасы белән утырту материалы үстерү буенча Европадагы иң эре селекция-орлыкчылык комплексы эшләп килә. Урман фондында һәм а/х формированиеләре җирләрендә яңа урман утыртмалары булдырылды. Урман әзерләү эшләре заманча технологияләр белән алып барыла. 23 янгын-химия станциясе урманнарны янгыннардан саклый. Республикада инде 6 ел рәттән урман янгыннарына юл куелмый. Уртак көч белән, без урман тармагын һәм урман хуҗалыгында эшләүченең абруен үстерү буенча иң яхшы идеяләрне тормышка ашыра алырбыз, дип ышанам. Шушы бәйрәм көнендә республикабызның һәм Россия Федерациясенең яшел байлыгына зур өлеш керткәнегез һәм аның турында кайгыртканыгыз өчен Сезгә рәхмәтемне һәм хөрмәтемне белдерәм. Тармак ветераннарына – әле дә хезмәт итүчеләргә һәм лаеклы ялда булучыларга аерым рәхмәт сүзләре. Сезнең белемнәр һәм намуслы хезмәтегез аркасында без урманчыларның гореф-гадәтләрен саклыйбыз, бу исә урман хуҗалыгын уңышлы үстерүгә ярдәм итә.

Ихлас күңелдән урман тармагында эшләүче барлык хезмәткәрләргә һөнәри уңышлар һәм хезмәтләренең күркәм куанычлар китерүен телим.

Сезгә һәм сезнең якыннарыгызга ныклы сәламәтлек, сабырлык, ныклык, тынычлык, изгелек телим, гөрләп чәчәк атыгыз, имин булыгыз! Иртәгәсе көнегез тотрыклы һәм ышанычлы булсын!

 Татарстан Республикасы урман хуҗалыгы министры А.Ә. Нәзиров

2016 елда Урман хезмәткәрләре көненә 50 яшь тула! Революциягә кадәр, урман белән бәйле булган һәркем, Происхождение (Изнесение) Честных Древ Животворящего Креста Господня православия бәйрәмен “Урманчы көне” дип саный, бу бәйрәмне Рус Православиесе Чиркәве борынгы стиль буенча 1 августта яки яңа стиль буенча 14 августта билгеләп үтә. Урманчылар өчен бәйрәмнең тарихы 1862 елда Санкт-Петербург янәшәсендәге Лисино-Корпус бистәсендә башланып китә, анда югарыда аталган бәйрәм хөрмәтенә Россия Урман департаменты храмы торгызыла. Чиркәү Белем бирү урманчылыгы ихтыяҗлары өчен төзелә. Бирегә бәйрәмнәрдә Урманчылар корпусында хезмәт итүчеләр килә.

1898 елда Россиядә урманга бәйле тагын бер бәйрәм барлыкка килә, ул фактта Урманчы көнен алмаштыра. Аны Агач утыртулар көне итеп атыйлар. Беренче мәртәбә мондый көннәрне Урман департаментының йөз еллык юбилеена багышланган бәйрәм алдыннан үткәрәләр. Бу көнне билгеләп үтүнең максаты үсеп килүче буында табигать карата мәхәббәт тәрбияләүдән, балаларны һәм өлкәннәрне урман һәм аның кешеләргә китергән файдасы белән таныштырудан, планетадагы урманнарны саклау зарурлыгы хакында аңлатудан гыйбарәт була.

Революциядән соң, 1920 елда, Мәскәүнең Сокольниктагы Яшь табигать сөючеләр станциясе агач утырту көннәрен билгеләп үтүгә нигез сала. 1922 елдан башлап аны Урман көне алмаштыра. 1926 елда “Урманчы” журналында болай диелә: “Итоги ряда лет с полной очевидностью выявили жизненность нашего нового революционного праздника – Дня леса… Нужно продолжить эту работу по её углублению и расширению, нужно, чтобы этот праздник, наконец, вошел не только в сознание широких масс трудового населения, но чтобы оно его само знало, само понимало о нём, само готовилось к нему. О значении Дня леса не приходится говорить: оно громадно”.

1966 елның 13 августында СССР Югары Советы Президиумының Урман хезмәткәре көнен гамәлгә кую турындагы Указы кабул ителә. “Урман хезмәткәре көнен хезмәт җиңүләре, яңа урманнарга нигез салулар, мемориаль парклар һәм скверлар төзеп билгеләргә кирәк. Урман хезмәткәре көне – ул халыкара бәйрәм. Миллионнарча кешеләргә урманнарыбызның язмышлары бик мөһим. Урманчыларга халык өчен, кыйммәтле урман биләмәләрен һәм табигый ядкәрдәрне күрсәтеп, экскурсияләр оештырырга, урман хуҗалыгын үсештә булуын чагылдыручы күргәзмәләр әзерләргә, лекцияләр, әңгәмәләр үткәрергә, урман турындагы белемнәрне һәм урман хуҗалыгындагы казанышларны киң күләмдә басма матбугатта, радио һәм кино аша пропагандаларга кирәк”, – дигән сүзләр белән 50 ел элек урман хезмәткәрләре “Урман хуҗалыгы” журналында һөнәри бәйрәм булдыруга мөрәҗәгать итә.

1980 елда, СССР Югары Советы Президумының 01.10.1980 № 3018-Х Указы нигезендә сентябрьнең өченче якшәмбесен бәйрәм итү билгеләнә, шулай ук әлеге Указ нигезендә бәйрәмнең заманча аталышы да ачыклана – Урман хезмәткәрләре көне.

2016 елның 20 сентябрендә Урман хуҗалыгы министрлыгы үзенең һөнәри бәйрәмен – 50 еллык юбилей датасын – Урман хезмәткәрләре көнен билгеләп үтә. Бәйрәм уңаеннан С.Сәйдәшев исемендәге ДЗКЗ бинасы янында 14.30 сәгатьтә 32 урман хуҗалыгы директорына яңа автомобиль ачкычларын тапшыру тантанасы булачак. 15.00 сәгатьтә “Казан” ММҮ бинасында бәйрәм концерты узачак, анда Татарстан урман хуҗалыгындагы иң яхшы хезмәткәрләргә  бүләкләр тапшырылачак.

“Лубян урман-техника көллияте” ДБҺБУ стадионында Урман хезмәткәрләре көненә багышланган тантаналы чара булды. Көллият хезмәткәрләре мактау грамоталары, ә урман хуҗалыгы ветераннары кыйммәтле бүләкләр белән бүләкләнде. Бүләкләүләрдән соң көллият стадионында көллият студентлары арасында спорт ярышлары узды. Спорт урман тармагында эшләүчеләрнең тормышында аерылгысыз бер өлеше булып тора. Аларга күп энергия таләп ителә, аларның барлык тормышы – хәрәкәттә, шуңа күрә, урманчыларның сәламәтлеген ныгыту максатларында, көн саен спорт белән шөгыльләнү зарур. Катнашучы барлык студентларга, спорт ярышларында җиңүчеләргә кыйммәтле призлар тапшырылды.

Республиканың “Татарстанның чиста урманнары” табигатьне саклау акциясе Татарстан Республикасы Урман хуҗалыгы министрлыгы инициативасы буенча үткәрелә торган әһәмиятле һәм күләмле чараларның берсе. Ул инде гореф-гадәткә әйләнде һәм ел саен ике этапта – халык арасында зур популярлык казанып, язын һәм көзге чорда үткәрелә.

2016 елның 15 сентябрендә “Татарстанның чиста урманнары” акциясенең көзге этабы башланды. Урман хуҗалыгы белгечләре, бакча-дача ширкәтләре һәм урман кишәрлекләре арендаторлары вәкилләре белән берлектә, урманнарны каты көнкүреш калдыкларыннан чистарту, коры-сарыдан һәм ауган агачлардан җыештыру чараларын күрәчәкләр. Ел саен акциядә республикадагы барлык ведомстволарның һәм министрлыкларның хезмәткәрләре, ВУЗлар, урта һәм махсус белем бирү учреждениеләре актив катнаша.

Быел, акциянең язгы этабында табигать сакчылары 1127,1 м3 каты көнкүреш калдыкларын җыеп алдылар һәм чыгардылар. Автомобиль юллары һәм федераль һәм төбәк әһәмиятендәге трассалар буйларыннан “Урманчылык” ДКУ белгечләре һәм дәүләт табигый тыюлыклары хакимиятләре тарафыннан 800 кубометр коры-сары һәм ауган агач җыеп алынды.  

Табигатьне саклау чараларының максаты – Татарстан урманнарында иминлекле санитар-экологик мохит тудыру.

“Чишмәләр” (“Родники”) проекты кысаларында “Идел буе урманчылыгы” ДКУның Свияжски кишәрлеге урманчылыгындагы 55 кварталында Яр буе Морквашы авыл җирлегенең “Аучы” (“Охотничий”) чишмәсе торгызылды һәм төзекләндерелде.

“Чишмәләр” проектының кыйммәте шунда ки, ул кешеләрдә патриотизм белән рухи башлангычны, холыкның иң яхшы сыйфатларын үстерә. Үз Ватаныңа карата мәхәббәт хисләре аны тагын да ямьлерәк итәргә, аның тарихы, гореф-гадәтләре турында мөмкин кадәр күбрәк белергә теләүдән башлана. Ә рухилыкны торгызуга нәкъ менә үзеңнең туган җиреңдәге чишмәләрне төзекләндерү кебек изге гамәлләр булыша.

9-11 сентябрь көннәрендә Болгар шәһәрендә (ТР, Спас районы) “Умартачылык. Инфо 2016” IX халыкара умартачылар корылтае булып узды. ТР Урман хуҗалыгы министрлыгыннан форумда Тимур Галиев – аренда мөнәсәбәтләре бүлеге башлыгы катнашты. “Кызыл Йолдыз урман хуҗалыгы” ДБУдан умартачы Николай Ефремов катнашты.

Корылтай кысаларында анда катнашучылар тәҗрибә уртаклаштылар, шушы тармакның актуаль мәсьәләләре һәм проблемалары хакында сөйләштеләр. Россиянең һәм чит илләрнең әйдәп баручы умартачылары докладлар белән чыгышлар ясадылар. Моннан тыш, күргәзмә оештырылган иде, анда корылтайда катнашучылар умартачылар өчен инвентарь җитештерүчеләрдән тәкъдим ителүче алдынгы технологияләрне күзәтә алдылар.

Николай Ефремов бал конкурсында катнашты. Аның тест уза торган продукты тәм сыйфатлары буенча жюридан югары бәя алды.

Менделеевск кишәрлеге урманчылыгы территориясендә “Алабуга урманчылыгы” ДКУ белгечләре тарафыннан төзелеш калдыкларыннан санкцияләнмәгән чүплек урыны ачыкланды һәм юкка чыгарылды. Татарстанның урман хуҗалыгы хезмәткәрләре көн саен республикадагы яшел байлыкларның чисталыгы сагында тора. Урман инспекторлары урман биләмәләрендә һәм махсус сакланучы табигый территорияләрдә законсыз чүплек урнаштыру урыннарын ачыклау һәм бетерү максатларында даими рәвештә рейдлар үткәреп торалар.

Узган шимбәдә республиканың Саба муниципаль районында Саба урман хуҗалыгының урман тармагында эшләүчеләр  арасында урман буенча күп төрле ярышлар узды. “Һөнәрендә иң яхшысы” исеменә лаек булу өчен 150 конкурсант (урман мастерлары, кишәрлек урманчылыклары, егерьлар, умартачылар, урман эшкәртү комплексында эшләүчеләр) көч сынашты. Чараны булачак бәйрәмгә – Урман хезмәткәрләре көненә багышладылар. Тантаналы ачылыш чарасында ТР урман хуҗалыгы министры урынбасары Гомәров Рәис Кәлимулла улы белән Саба муниципаль районы башлыгы Миңнеханов Рәис Нургали улы катнашты. Урман хуҗалыгындагы 13 алдынгы хезмәткәргә алар түбәндәге бүләкләрне тапшырдылар: “Рослесхозның мактау грамотасы”, “ТР Урман хуҗалыгы министрлыгының мактау грамотасы” белән “Саба муниципаль районы мактау грамотасы”.

 Команда ярышларында җиңүчеләр:

 1 урын – агач эшкәртү комплексында эшләүчеләр;

 2  урын – Урман селекция-орлыкчылык үзәге хезмәткәрләре;

 3 урын – ЯХС хезмәткәрләре

Катнашучы кишәрлек урманчылары арасында 1 урында – Гыйлаҗиев Фәрит Тәлгат улы (Корса урманчылыгы); 2 урында – Гарәфетдинов Рашат Мөхәммәтдин улы (Мишәбаш урманчылыгы); 3 урында – Газизов  Нәгыйм Вәли улы (Сабабаш урманчылыгы).

2016 елның 5 сентябреннән башлап 11 сентябренә кадәр Татарстан Республикасында “Яхшылык атнасы” уза. Әлеге көннәрдә ярдәмгә мохтаҗ булган кешеләргә булышлык итүгә юнәлдерелгән төрле-төрле чаралар булачак. Татарстанлыларның күбесе акциягә кушылды инде. “Әгерҗе урманчылыгы” ДКУ белгечләре дә читтә калмады.

Урманчылык һәм урман хуҗалыгы хезмәткәрләренең көче белән Әгерҗе шәһәрендәге 4 санлы балалар бакчасы МБББУ балалары өчен урамда йөрү мәйданчыгына күләгә әвеслеге төзекләндерелде. Пиломатериал урман арендаторы “Кампромлес” ҖЧҖ тарафыннан бүлеп бирелде. Балалар бакчасы коллективы урманчылыкның һәм урман хуҗалыгының җитәкчесенә, коллективына ярдәмгә чыннан да мохтаҗ булучыларга ярдәм иткәннәре өчен ихлас рәхмәтен белдерде. Яхшылык эшләргә ашыгыгыз!