ЯҢАЛЫКЛАР

 “Авиаурмансагы” быел Төзелгән көненнән башлап 85 еллыгын бәйрәм итә. Ул 1931 елның 7 июлендә оеша, ул чакта Горьков өлкәсендә По-2 очкычында урман янгыннарын ачыклау максатында беренче очыш ясала. “Авиаурмансагы”ның төп максаты – авыр үтеп керә торган һәм бик ерак урнашкан территорияләрдәге урман янгыннарын ачыклау һәм сүндерү. Россия урман фондының мәйданы 1,1 млрд. га тәшкил итә, ә җир өсте күзәтчелеге нибары 88 млн. га җирне колачлый, территориянең калган өлеше – бары тик авиация һәм космос ярдәмендә генә күзәтелергә мөмкин.

Бүгенге көндә күзәтүче очучыларның саны 300 кеше тәшкил итә, ә парашютчы-янгын сүндерүчеләр белән десантчы-янгын сүндерүчеләр саны 3,5 мең тирәсе кеше. Авиаурман сагының федераль резерв саны – 700 кеше. Киләсе елда Федераль резерв санын 1000 кешегә кадәр җиткерү күздә тотыла.

2011 елдан башлап 2015 елга кадәрге чорда  Россия Авиаурмансагының летчик-күзәтүчеләре тарафыннан урман фонды җирләрендә барлыкка килгән барлык янгыннарның 40%ы ачыкланды, бу исә 28 мең берәмлектән артык. Парашютчы-янгын сүндерүчеләр һәм десантчы-янгын сүндерүчеләр көче белән 19 мең тирәсе урман янгыны сүндерелде, бу барлыкка килгән барлык урман янгыннарының 30%ыннан артык. Авыр үтеп керә торган районнарда барлыкка килгән 9,4 мең янгын очрагы бары тик парашютчы-янгын сүндерүчеләр белән десантчы-янгын сүндерүчеләр көче белән юкка чыгарылды. Алар тарафыннан шулай ук 16,5 меңнән артык сикерү һәм 120 меңнән артык мәртәбә янгынга төшү гамәлләре башкарылды.

  Соңгы 5 елда Авиаурмансагы авиаянгын сүндерүчеләре тарафыннан торак пунктларга һәм икътисад объектларына бер генә янгын да җәелдерелмәде. Ялкынның 204 торак пунктка һәм икътисад объектына, шул исәптән электр тапшыру буенча зур линияләргә, аэропортларга, нефть саклыкханәләренә һәм башка стратегик һәм потенциаль-куркыныч объектларга ялкын күчү очраклары туктатылды. Быел 15,5 мең кеше яши торган 12 торак пункты уттан коткарылды.

XVII гасыр азагында,  Воронеж верфендә 1685 елда хәрби-диңгез флоты төзелә башлагач, Россия дәүләте урманнарын таныту, урманнан файдалануны регламентлау, урман законнарын язу зарурлыгы килеп туа.

Инде 1702 елда Бөек Петр елга ярлары буйлап урманнан файдалануга карата дәүләт тарафыннан җитди җайга салуны кертә, тыюлыклы урманнарны таныту боерыгын бирә. Кораб агачлыкларын яклау өчен урман сагы һәм махсус дәүләт вальдмейстерлар хезмәте булдырыла.

1723 елда Петр I тарафыннан “Инструкция обер-вальдмейстеру” – урман турында элек бастырылган күпчелек указларны берләштрүче һәм тәгаенләүче һәм урманнан даими һәм арыктырмыйча файдалану принцибына нигез салган документ имзалана.

Патша Павел  I заманында Урман департаменты төзелә, анда бөтен түрәләрне, форстмейстерларны һәм вальдмейстерларны билгелиләр. Шул рәвешле 1798 елда урманнар белән идарә итү вазифасы махсус вәкаләт бирелгән дәүләт органына йөкләнә.

1986 елның 19 июнендә патша Николай I тарафыннан “Положение о новом устройстве лесной части” раслана, ул губерналарны округларга, урманчылыкларга, урман кишәрлекләренә һәм дистанцияләргә бүлүне күздә тота. Россия территориясендә хәзерге мәгънәсендә урман хуҗалыгы барлыкка килә. Патша тарафыннан күрсәтелгән “Нигезләмәләр” эчетәлеге буенча урманчылыкка карата “форштмейстер” куллануга китерә.

1839 елда “губерна урман идарәсенең һәм белем бирү буенча урман биналарының барлык түрәләре, ягъни даими урман сагы” “Урманчылар корпусы” исемендәге бер составка берләштерелә.

1843 елның 18 гыйнварында 1811 елда Финанс министрлыгы составында үзенең “аерым яшәвен” туктаткан Урман департаменты 1837 елда булдырылган Дәүләт милекләре министрлыгы составында гамәлгә куела. Урман департаментын директор – Урманчылар корпусы генералы җитәкли.

Урманчылар корпусының 80 еллык тарихында урманнар белән идарә итүнең һәм аларны саклауны оештыруның төз системасы төзелә. Урманчылар әлеге системаның нигезен тәшкил итәләр.

1918 елның 27 маенда “Урманнар турында” ЮСКҮ декреты кабул ителә, 1923 елның 1 августында РСФСР Урман кодексы гамәлгә керә. 1939 елның  26 августында СССР Дәүләт урман сагы турында нигезләмә раслана. Документ әлеге хезмәтнең төп бурычларын билгели: “СССР урман байлыкларын саклау һәм алга таба үстерү өчен көрәшү; урман янгыннары, урман караклыклары һәм урманнарны юк итү очраклары белән көрәшү; аларга карата кисәтү чараларын үткәрү; урманнардан файдалану кагыйдәләренең үтәлешен күзәтү; зарарлы бөҗәкләрнең һәм урман чирләренең таралуына карата кисәтү чараларын үткәрү”.

1947 елның апрелендә Дәүләт урман сагы базасында берләшмәле-республикалы Урман хуҗалыгы министрлыгы төзелә. Урман ведомствосы мөстәкыйльлек ала. СССР Урман хуҗалыгының эше барлык фонд тотучылардан урман фондын кабул итүдән башлана.

Җирдәге урман сагын көчәйтү таләп ителә. Дәүләт урман сагы хезмәте каршысында урманчыларның һәм сакчыларның санын 149 мең кешегә кадәр җиткерү бурычы куела. Аларны кисү коралы белән коралландыру кирәк була, авыл хуҗалыгы буенча салым ташламасы һәм эшләгән еллар өчен өстәмә түләүләрне билгеләү, махсус исемнәр кертү, кием рәвешен билгеләү таләп ителә. Ләкин 1953 елның март ае уртасында СССР бетерелә, ә урман хуҗалыгы системасы Авыл хуҗалыгы министрлыгына тапшырыла.

1965 ел азагында, СССР МС Дәүләт урман хуҗалыгы комитеты төзелгәч, ә РСФСР Дәүләт урман хуҗалыгы РСФСР Урман хуҗалыгы министрлыгы итеп үзгәртелгәч, урман хуҗалыгы үзенең бәйсез идарәсенә кайта.

1966 елның 21-23 июлендә  Свердлауда вәкиллекле Россиякүләм урманчылар киңәшмәсе була. Аның эшендә барлык өлкәләрнең идарәләреннән һәм РСФСР автомонияле республикалары урман хуҗалыгы министрлыкларыннан 1110 делегат, шул исәптән 670 урманчы катнаша. 1966 елгы Россиякүләм урманчылар киңәшмәсе карап тикшерелгән мәсьәләләрнең күләме, тирәнлеге һәм әһәмияте, урман тармагындагы барлык өлкәләрне колачлап алу даирәсе буенча аның алдагы дистә елларга үсеш алуына көчле  импульс бирә. Нәкъ менә шул елны урман тармагы үзенең һөнәри бәйрәменә – Урман хезмәткәрләре көненә лаек була.

2016 ел башына булган мәгълүматларга караганда, урманнар ил территориясенең 46,4%ын биләп торалар. Хәзерге вакытта Россиянең урман хуҗалыгында 1779 урманчы һәм 3580 кишәрлек урманчысы хезмәт куя, алар Россия фондының 1146,8 миллион га җире белән эш итә. Уртача, һәр урманчыга 200 меңнән артык гектар урман фонды туры килә.

Татарстан Республикасының Урман хуҗалыгы министры А.Ә. Нәзиров җитәкчелегендәге делегация тематик мәйданчыкларда булды, анда тармактагы актуаль мәсьәләләр хакында сөйләштеләр. Барлыгы алты түгәрәк өстәл булды, алар шушы темаларга багышланды: “2030 елга кадәр урман комплексын үстерү стратегиясен әзерләү буенча эш төркеменең киңәйтелгән утырышы”, “Урман сәнәгате комплексын үстерүгә булышлык”, “Урманнарны зыянлы организмнардан яклауны җайга салуны камилләштерү өлешендә РФ Урман кодексына үзгәрешләр кертү хакында” № 455-ФЗ Федераль законны куллану проблемалары”, “Урман фонды җирләрендә дәүләт урман күзәтчелеген башкару”, “№415-ФЗ Федераль законны тормышка ашыру тәҗрибәсе”.  Чаралар кысасында Россия урманчылары бергәлегенең VI корылтае узды, анда бергәлек Рәисен сайладылар һәм яңа Устав кабул иттеләр.

Программа кысаларында урманчылар тарафыннан күргәзмә оештырылды. Федераль урман хуҗалыгы агентлыгы җитәкчесе И.В.Валентик күргәзмәне караганнан соң Татарстан урманчыларының әзерлек буенча югары дәрәҗәдә булуларын билгеләп үтте. Күргәзмәдә “Саба өйрәнү-тәҗрибә урман хуҗалыгы” ДБУ урман селекция-орлыкчылык үзәгендә үстерелә торган утырту материаллыннан “ТАТАРСТАН” экспозициясе тәкъдим ителде.

Эш көне азагында Россиякүләм киңәшмә булды, ул Урман хезмәткәрләре көненең 50 еллык юбилеена багышланды, аның кысаларында И.В.Валентик белән мактаулы кунаклар урман тармагы хезмәткәрләрен котладылар. Иң яхшы хезмәткәрләргә бүләкләр тапшырылды. Шунысын билгеләп үтәргә кирәк, быел урман хуҗалыгы хезмәткәрләре берничә датаны бәйрәм итә. Бу – урманчы вазифасына 190 ел тулу, Авиаурмансагының 85 еллыгы һәм Урман хезмәткәрләре көненең 50 еллыгы.

Татар урман сынау станциясе – хәзерге вакытта “Урманчылык һәм урман хуҗалыгын механикалаштыру буенча Россиякүләм фәнни-тикшеренү институты” федераль дәүләт учреждениесе филиалы “Көнчыгыш-Европа урман сынау станциясе”  үзенең максаты итеп урман хуҗалыгы мәсьәләләрен фәнни һәм гамәли яктан эшләүне күздә тоткан “Татарстан” урман сынау станциясе буларак 1926 елның 1 октябрендә оештырыла. Ул чакта аның бурычлары түбәндәгеләрдән гыйбарәт була: Татариянең урманнары торышын һәм җитештерүчәнлеген тикшерү, урман хуҗалыгы техникасы белән төрле алымнарны өйрәнү, урман сынау учреждениеләрендәге барлык тикшеренү эшләрен өйрәнү, системалаштыру һәм белешмәгә туплау. 1932 елда станция Гомумберләшмәле фәнни-тикшеренү агроурманмелиоратив институтына (ВНИАЛМИ) тапшырыла, ә 1936 елдан башлап хәзергәчә ул “ВНИИЛМ” ФБУ структур бүлекчәсе булып санала.

Салкыннар белән җылыту сезоны башлану аркасында, шулай ук саклыкханәләрдә һәм диләнкеләрдә әзерләнгән утынлык агач күләмен үз вакытында урнаштыру максатларында Татарстан Республикасы урман хуҗалыклары хезмәткәрләре гражданнарны, учреждениеләрне, оешмаларны һәм башка затларны әзер урман продукциясе – утын белән тәэмин итү буенча чаралар күрәчәк.

Урман хезмәткәрләре көненә багышланган тантаналы чарада тармактагы иң яхшы хезмәткәрләргә бүләкләр тапшырылды:

“Урман хуҗалыгының мактаулы хезмәткәре” ведомствоның күкрәк үзгәлек билгесе

Зыятдинов Вакъкас Гайфетдин улы – ТР “Арча урман хуҗалыгы” ДБУ урман әзерләү-эшкәртү кишәрлеге башлыгы;

Федераль урман хуҗалыгы агентлыгының мактау грамотасы

Хәйруллин Шамил Мәхмүт улы – “Арча урманчылыгы” ДКУ җитәкчесе -урманчысы;

Рәхмәтуллина Рәшидә Рәшит кызы – “Сабан өйрәнү-тәҗрибә урман хуҗалыгы” ДБУ агач эшкәртү комплексының ятьмә цехы операторы;

Николаев Юрий  Ильич - “Арча урманчылыгы” ДКУ Сурнар кишәрлеге урманчылыгы урманчысы;

Мөхәммәтшин Илдус Газизҗан улы – “Мамадыш урман хуҗалыгы” ДБУ директоры;

Закирова Гүзәлия Идәрис кызы – “Арча урманчылыгы” ДКУ баш бухгалтеры;

Федераль урман хуҗалыгы агентлыгы рәхмәте

Булатова Чулпан Гарәфетдин кызы – Татарстан Республикасы Урман хуҗалыгы министрлыгының финанслар, бухгалтерлык исәбе һәм контроле бүлеге башлыгы;

Газизуллин Рамил Габделбәр улы – Саба муниципаль районының “Саба урман сәнәгате хуҗалыгы” ҖЧҖнең автобус йөртүчесе;

Низамиева Кәүсәрия Хатыйп кызы – “Арча урман хуҗалыгы” ДБУ Сурнар җитештерү кишәрлеге урманчысы;

Томаева Индира Фәйзрахман кызы – ТР Урман хуҗалыгы министрлыгының биотөрлелек бүлегенең әйдәп баручы киңәшчесе;

Газизов Руслан Аудит улы – “Саба өйрәнү-тәҗрибә урман хуҗалыгы” ДБУ урман селекция-орлыкчылык үзәге директоры;

“Татарстан Республикасының атказанган урманчысы” мактаулы исеме

Минһаҗев Рөстәм Фатыйх улы – “Саба урманчылыгы” ДКУ урман торгызу инженеры;

Шәйхетдинов Рамил Кәримулла улы – Татарстан Республикасы Урман хуҗалыгы министрлыгының дәүләт контроле һәм күзәтчелеге бүлегенең әйдәп баручы киңәшчесе;

Татарстан Республикасы Президентының рәхмәте

Низамиев Айрат Әлиф улы – Татарстан Республикасы Урман хуҗалыгы министрлыгының мөлкәт белән идарә итү, техник үсеш һәм хезмәт сагы бүлеге башлыгы урынбасары;

Татарстан Республикасы Президентының Рәхмәт хаты

“Лубян урман-техника көллияте” ДҺББУ коллективы;

Татарстан Республикасының “Данлы хезмәте өчен” медале

Ярмөхәммәтова Фәһимә Миңнерәкыйп кызы – “Шәһәр яны урманчылыгы” ДКУ инженеры;

Татарстан Республикасы Министрлар Кабинетының Рәхмәт хаты

Хәбиров Нияз Габделъясир улы – ТР Урман хуҗалыгы министрлыгының биотөрлелек бүлеге башлыгы;

Сафин Дамир Нурлыгәт улы – “Саба өйрәнү-тәҗрибә урман хуҗалыгы”  ДБУ инженер-механигы;

Татарстан Республикасы Урман хуҗалыгы министрлыгының Мактау грамотасы

Нигъмәтуллина Фәүзия Шогаеп кызы – Татарстан Республикасы Урман хуҗалыгы министрлыгының финанслар, бухгалтерлык исәбе һәм контроле бүлеге башлыгы урынбасары;

Иванов Валерий Николаевич – “Саба өйрәнү-тәҗрибә урман хуҗалыгы”  ДБУ  харвестер йөртүчесе;

Габделхаков Раил Наил улы – “Кама урманчылыгы” ДКУ җитәкчесе-урманчысы урынбасары;

Исмәгыйлов Рөстәм Ринат улы – “Идел буе урманчылыгы” ДКУ җитәкчесе-урманчысы урынбасары;

Кондратьев Валерий Михайлович – “Саба өйрәнү-тәҗрибә урман хуҗалыгы”  ДБУ  форвардер операторы;

Алексеев Олег Николаевич – “Нурлат урман хуҗалыгы”ның урман аударучысы;

Габдрахимова Әлминә Ришат кызы – “Әлмәт урман хуҗалыгы” ДБУ баш икътисадчысы;

Еливанов Спартак Николаевич – “Нурлат урман хуҗалыгы” ТР ДБУ директоры;

Месут Челикташ – “Кастамону Интегрейтед Вуд Индастри” ҖЧҖ үзагач сатып алулар бүлеге башлыгы.

Урман хезмәткәрләре көнен бәйрәм итүгә багышланган тантаналы кичәдә Татарстан Республикасы Премьер-министрының беренче урынбасары А.В.Песошин; Дәүләт Думасы депутаты Ф.С.Сибагатулин; ТР Дәүләт Советының Экология, табигатьтән файдалану, агросәнәгать һәм азык-төлек сәясәте буенча комитеты рәисе Т.Г. Һадиев; Татарстан Республикасының Урман хуҗалыгы министры А.Ә. Нәзиров; Татарстан Республикасының Экология һәм табигый ресурслар министры Ф.С.Габделганиев; Россия ГХМ Татарстан Республикасы буенча Баш идарәсе башлыгы урынбасары Р.Н. Мотыйгуллин катнашты.

А.В.Песошин билгеләп үткәнчә, Татарстан Республикасының урман хуҗалыгы актив үсештә. Тармакка алдынгы технологияләр кертелә, зур күләмле проектлар тормышка ашырыла. Ул Татарстанның яшел байлыклары турында кайгыртучы һәм бу өлкәгә зур өлеш кертүче урманчыларга зур хөрмәтен һәм рәхмәтен белдерде.

ТР Урман хуҗалыгы министры А.Ә.Нәзиров үзенең чыгышында болай диде: “Урманчы һөнәре бүген дә ихтыяҗлы һәм актуаль, урман хуҗалыгына киләчәге булган, алга таба үз эшләренең остасына әвереләчәк энергияле яшьләр кирәк. Хәзерге вакытта урман тармагы зур үзгәрешләр кичерә. Җитди техник инновацияле модернизацияләү башланды. Татарстан урманнары Республика Җитәкчелегенең, шәхсән Президент Рөстәм Миңнехановның игътибары үзәгендә. Без Рөстәм Нургали улының ярдәмен һәм теләктәшлеген даими тоеп яшибез, шуның өчен аңа зур рәхмәтлебез! Хөрмәтле урманчылар, ихлас күңелдән сезгә һәм туганнарыгызга, якыннарыгызга сәламәтлек, иминлек, уңышлар һәм республика өчен нәтиҗәле хезмәт итүегезне телим”.

Чара кысаларында урман тармагының иң яхшы хезмәткәрләренә бүләкләр тапшырылды.

2016 елның 20 сентябрендә Татарстан урманчылары Урман хезмәткәрләре көненә 50 ел тулуны билгеләп үттеләр. Казан Рыштуасы каршындагы мәйданда Татарстан Республикасы Премьер–министры Илдар Халиков урманчыларны котлады һәм урман хуҗалыклары директорларына яңа 32 автомобиль ачкычларын тапшырды. Бүләкләү тантанасында РФ Дәүләт Думасы депутаты Ф.С. Сибагатуллин, Татарстан Республикасының Урман хуҗалыгы министры А.Ә.Нәзиров, Татарстан Республикасының Экология һәм табигый ресурслар министры Ф.С. Габделганиев катнашты.

ТР Хөкүмәте рәисе билгеләп үткәнчә, “Соңгы елларда урман хуҗалыгы хезмәткәрләре тарафыннан урманнарны саклау һәм урман хуҗалыгын үстерү буенча бик зур эшләр башкарылды. Асылда, бер генә зур янгынга да юл куелмады”. Шулай ук Илдар Халиков ел азагына кадәр урманчылар өчен тагын 28 берәмлек техника сатып алу турында планлаштырылуын да әйтте.

Хөрмәтле Россиянең урман тармагы хезмәткәрләре!

Ихлас күңелдән Сезне һөнәри бәйрәмегез белән тәбрик итәм!

Россия – дөньяның иң зур урман державасы, урман безнең милли казанышыбыз ул. Бер үк вакытта атмосфера һавасы да, биологик төрлелекне саклау да, күпләр өчен урман – яшәү чыганагы өчен зарури шарт та булып тора.

Бөтен планетаның тотрыклы үсешен саклау, дөньяви климат системасының тотрыклылыгын тәэмин итү өчен Россия урманнарының керткән өлеше бик зур. Мин ышанам, урман ресурсларының потенциалы Россия икътисадында әле тулысынча үз ихтыяҗчыларын табып бетермәгән, Россиянең урман байлыклары хәзергегә караганда күбрәк бирергә тиеш. Бер үк вакытта без сезнең белән урманнарны янгыннардан, чирләрдән һәм законсыз кисүләрдән саклау өчен хәлдән килгәннең барысын да эшләргә, илкүләм казанышыбызны саклар өчен Россия урманнарын торгызырга тиешбез.

Урман хуҗалыгында, урман сәнәгате комплексында эшләүчеләргә, тармак ветераннарына хезмәтләрендә уңышлар, эшләрендә Россиянең урман байлыкларын саклауны һәм үрчетүне телим.

Сезгә һәм Сезнең якыннарыгызга ныклы сәламәтлек, бәхет һәм иминлек телим!

 Россия Федерациясе Табигый ресурслар һәм экология министры                                                      Сергей Донской

Хөрмәтле дуслар! Мөхтәрәм хезмәттәшләр! 

Ихлас күңелдән, Федераль урман хуҗалыгы агентлыгы колеективы исеменнән һәм шәхсән үземнән сезне һөнәри бәйрәмегез – Урман хезмәткәрләре көне белән тәбрик итәм! 

Бүген, Экология елы уңаеннан, Россиядәге урман байлыкларын саклау һәм үрчетү мәсьәләләре һәрвакыттагыча актуаль һәм сезнең югары квалификациягез аркасында, үз вазифаларыгызга намуслы мөнәсәбәтегез һәм урманга булган мәхәббәтегез ярдәмендә безгә илнең урман байлыкларын саклау һәм үрчетү мөмкинлеге барлыкка килә. 

Менә ярты гасыр инде Россиядә Урман хезмәткәрләре көнен бәйрәм итәләр һәм әлеге сан безнең өчен бик тә әһәмиятле – ул гореф-гадәтләрнең буыннан-буынга күчеп, сакланганлыгы турында сөйли. Илле ел рәттән әлеге көндә урманчылар җыела, үз эшләренә нәтиҗә ясыйлар, лаеклы булганнарына бүләкләр тапшырыла. Урманчы – ул бит һөнәр генә түгел әле, фикерләү рәвеше дә, тормыш стиле дә.

“Урманнар турында кайгырту – ул бүгенге көн турында кайгыртып кына калмыйча, киләчәк буыннар турында да уйлану, урман байлыкларыннан рациональ файдалану, аларны саклау һәм үрчетү – дәүләт бурычларының иң әһәмиятлесе” – Россия урман хуҗалыгының барча тарихында бу төп тезис булып килде. 

Быел безгә күп нәрсәне эшләве мөмкин булды – әһәмиятле булган, урман янгыннарына һәм урманнарны законсыз кисүләргә карата безнең көрәш чараларын җәелдерү мөмкинлеген бирә торган федераль законнар кабул ителде, үзагачны исәпкә алу буенча БДАМС системасы гамәлгә кертелде. 

Катлаулы һава шартларына карамастан, урманнардагы янгын чыгу вәзгыяте узган ел белән чагыштырмача яхшыра бара. Авиаурмансагының федераль резерв саны арта, урман янгыннары белән көрәштә элек гамәлдә булган вәкаләтләр кайтарыла һәм яңалары булдырыла. 

Россиянең урман хуҗалыгы бер урында тормый – илнең икътисадында катлаулы булган кризис чорына карамастан без үсәбез, киңәябез. Монда безгә җәмәгатьчелекнең урман тармагына булган югары игътибары, урман проблемаларын хәл итүдә иҗтимагый оешмаларның һәм битараф булмаган гражданнарның катнашуы ярдәм итә. Аларның инициативасы белән без берсүзсез хуплаган яңа норматив актлар кабул ителде.

Урман хуҗалыгын үстерү бер үк вакытта тармактагы икътисади нәтиҗәлелекне арттыруга һәм урманнарны саклау, урман торгызу һәм урманнарны янгыннардан саклау буенча эшнең нәтиҗәсен арттыруга да юнәлдерелә. 

Урманнарны саклау һәм урман сәнәгате тармагының нәтиҗәсен арттыру мәсьәләләрендә сезнең намуслы хезмәтегез, куйган максатларыгызга тугры калуыгыз өчен тирән хөрмәтемне белдерәсем килә.

Мин ышанам, уртак көчләребезне берләштереп, без Россиянең табигый байлыкларын киләчәк буыннар өчен саклый алачакбыз.

Табигый ресурслар һәм экология министры урынбасары – Федераль урман хуҗалыгы агентлыгы җитәкчесе Иван Валентик