ЯҢАЛЫКЛАР

Министрлык белгечләре Кырым Республикасы Урман һәм ау хуҗалыгы комитетындагы коллегалары белән 2013 елдан бирле хезмәттәшлек итә.

Кырым Россия составына керүнең берьеллыгы алдыннан Министрлыкка Бакчасарай һәм Куйбышев урман хуҗалыклары делегациясе килгән иде. Киңәшмәләр залында “Арча урманчылыгы” дәүләти казна оешмасы һәм “Куйбышев урман хуҗалыгы” дәүләти автоном оешмасы арасында Урманнарны торгызу һәм үрчетү, яшелләндерү, утырту материаллары һәм урман орлыклары бирү өлкәсендә хезмәттәшлек һәм бергә эш итү турында килешүгә кул куелды, ул җитәкче-урманчы Шамил Хәйруллин һәм директор Андрей Волков тарафыннан имзаланды.

Татарстанда булу дәверендә кырымлылар Арча һәм Саба урманчылыкларына барып, III типтагы янгын-химия станциясен, агач эшкәртү участокларын карадылар, мәктәп урманчылыкларын оештыру белән таныштылар.

Бакчасарай урман хуҗалыгы директоры Александр Березинның әйтүенчә: “Без урманчылыкларның һәм урман хуҗалыкларының эш үзенчәлекләре белән якыннан танышырга, кешеләр белән сөйләшергә теләгән идек. Татарстанда безгә юридик яисә башка теләсә нинди урманчылык соравы буенча консультация, киңәш бирәләр, эштә ярдәм итәләр. Урман хуҗалыгын алып баруның кимәле, оешмаларның техник коралланышы һәм урман бистәләренең төзеклеге сокландыра.”

Сабалылыр кунакларга Урман селекция-орлыкчылык үзәгеннән булган элиталы нарат һәм карагай орлыкларын бүләк итте.

Казан шәһәрендәге “Адмирал” сәүдә үзәгендә янгында һәлак булганнар өчен кайгыру белдереп, Урман хуҗалыгы министрлыгының барлык дәүләт оешмаларында Татарстан байраклары түбән төшерелде.

Тиздән яз кошлар тавышына күмелер. Кошлар ел саен, бер дә ялгышмыйча, очып киткән җирләренә кайта.

Беренче булып туган якларына кара каргалар кайта. Аларны юкка гына яз хәбәрчеләре димиләр. Аннары тәкәрлекләр, сыерчыклар, тургайлар, үрдәкләр һәм казлар кайта. Барыннан соңарып кәккүкләр, карлыгачлар һәм башка күчмә кошлар кайтып җитә.

Урманнар, кырлар, болыннар кошларның сөенешеп сайравына күмелә. Шәһәр һәм авылларда, паркларда, бакчаларда, өй яннарында да шул ук хәл күзәтелә.

Кошлар яңа оя кора я вак ботаклар белән искеләрен ямый, чеби чыгарырга әзерләнә. Бу эштә аларга мәктәп урманчылыкларында тәрбияләнүче балалар да булыша.

“Буа урманчылыгы” идарәсенең Төбәк-Чиркәү участок урманчылыгы хезмәткәрләре Ю.И.Листратов һәм В.Н.Листратов Апас урта мәктәбе укучылары белән 11нче кварталга чыгып, хезмәт дәресләрендә ясалган сыерчык ояларын элеп чыктылар. Тиздән аларга кошлар кайтып урнашыр.

15 мартта, якшәмбе көнне, Кукмара районы Лубян бистәсендә, Лубян урман-техник колледжы базасында традицион “Урман чаңгы юлы 2015” спартакиадасы үткәрелә, анда республиканың урман хуҗалыгы эшчәннәре командалары, урманчылык уку йортлары студентлары катнашачак.

Администрация башлыгы Валерий Макаров, Әгерҗе районы хәрби комиссариатының бүлек башлыгы Илгиз Галиев ветераннарга сугыш елларындагы хәрби һәм хезмәт батырлыклары өчен рәхмәт әйтеп, саулык-иминлек теләде. Кичәдә утлар-сулар кичеп кайткан, әммә бүгенгәчә яши алмаган урманчылар – мастер Иван Глухов, инженер Алексей Вахрушев, рамчы Нургаян Моратов, шофер Нәкыйп Баһаветдинов та искә алынды.

Ә урман культуралары мастеры Лидия Васильевна Захарова, экономист Вәсимә Сәетҗановна Шәрипова сугыш елларында, урман хуҗалыгында эшләп кайтканнан соң, госпитальләрдә яралыларны караганнар. Икесенә дә быел 85 яшь тула.

Арча районы Урман хуҗалыгы урта мәктәбе укучыларына “Табигать варислары” мәктәп урманчылыгы шундый башлангыч белән мөрәҗәгать итте. Яз саен мәктәп урманчылыгында тәрбияләнүчеләр ярдәме белән Үрнәк бистәсендә, юл буе урманлыкларында һәм урман кишәрлекләрендә кошлар өчен яңа өйләр куела.

“Табигать варислары” канатлы дуслар өчен инде 25 сыерчык оясы ясады. Бу эш 9 апрельгә кадәр барачак.

“Хокук саклау органнарының урманнан файдалану һәм урман саклау өлкәсендәге җинаятьләрне һәм хокук бозуларны ачыклау һәм кисәтү буенча хезмәттәшлеге турында” дигән темага киңәшмә Идел табигать саклау прокуратурасы катнашында үткәрелә.

Министр Алмас Назыйров республика урманнарында федераль дәүләти урман күзәтчелеген һәм янгын күзәтчелеген башкару, хокук бозуларның динамикасы һәм ачыкланышы, 2013 елның 28 декабрендә расланган “РФ Урман кодексына һәм РФ административ хокук бозулар Кодексына үзгәрешләр кертү турындагы” Федераль законны тормышка ашыру буенча чаралар турында сөйләде.

“Коммунхоз Петропавловск” җәмгыяте хезмәткәрләре һәм директоры Морат Калиев урман питомникларының эшчәнлеге белән кызыксына, Татарстан урман хуҗалыклары белән хезмәттәшлек итәргә әзерлек белдерә. М.Калиевның әйтүенчә, Җиңүнең 70 еллыгы алдыннан “Коммунхоз Петропавловск” шәһәрнең үзәк урам һәм паркларында яшелләндерү эшләре үткәрергә җыена һәм моның өчен сыйфатлы утырту материалына мохтаҗ.

Төньяк Казахстан өлкәсе кунаклары Саба районындагы Урман селекция-орлыкчылык үзәген һәм Шәһәр яны урман хуҗалыгының Өйрәтү-тәҗрибә питомнигын да караячак.

Брифинг ТР Парклар һәм скверлар елына багышланган иде. А.Назыйров үз чыгышында Министрлыкның алдагы эшләрнең күләме турында белешмәләр җыю һәм анализлау буенча муниципаль берәмлекләр белән бергә ничек эшләвен бәян итте. Беренчел белешмәләр буенча, 800 гектар чамасы мәйданда парк һәм скверларны нигезләү һәм төзекләндерү эшләрен башкарырга кирәк. Бу максатта төрле ассортиментлы 500 меңләп утырту материалы, шул исәптән 200 меңнән артык эре үлчәмле материал таләп ителә.

“Безнеңчә, – диде А.Назыйров, – яшелләндерү өчен үз территориябездә үсә торган төп урман токымнарын кулланырга кирәк. Андый токымнарга вак яфраклы юкә, гади миләш, бөдрә каен, күк чыршы, нарат, очлы яфраклы чаган, тирәк, ә куаклардан – сирень, сәрби, барбарис, спирея, гөлҗимеш, япон айвасы, шомырт, балан, урман алмагачы һәм башкалар керә. Бу токымнар яңа шартларга тиз күнегә, тышкы йогынтыларга тиз бирешми. Көньяк илләреннән кертелгән утырту материалларын куллану исә отышлы түгел. Андый агачлар гадәттә начар җирләшә һәм безнең якның шактый кырыс кышына яраклаша алмыйча үлә.”

Брифингта Казан башкарма комитеты җитәкчесе урынбасары – Тышкы төзекләндерү комитеты рәисе Игорь Куляжев, ТР Президенты ярдәмчесе Олеся Балтусова, ТР Президентының парклар һәм скверлар буенча ярдәмчесе Наталья Фишман катнашты.

Җитәкче-урманчы Шамил Хәйруллин Бакчасарай һәм Куйбышев урман хуҗалыгы кунакларын Арча урманчалыгы һәм “Арча урманы” ДБО кишәрлекләре һәм хуҗалык итү объектлары, янгын-химия станциясе белән таныштырды.