Көллияттәге укытучылар һәм студентлар  “Көзге яхшылык атнасы – яхшы гамәлләр эстафетасы” дигән Иреклелек акциясендә катнаша. Көллият китапханәсендә узган “Бергә эшләрбез” экология дәресендә студентлар чыгышлар ясады һәм анда фикер алышулар булды, аның барышында планетаны көнкүреш калдыклары белән чүпләү буенча коткы салучы очраклар турында сөйләштеләр.  Әйтик, мисал өчен, пластик калдыклары, төрә торган пленка табигый шартларда таркалмый, ә яндырганда атмосферага күп күләмле пычраткыч матдәләр бүлеп чыгара.

Акция кысаларында эрудитларның һәм китап укучыларның конкурслары, “Чәчәкле калейдоскоп” булды.

Слетта Әгерҗе районыннан 11 команда көч сынашты. “Әгерҗе урманчылыгы” ДКУ коллективы слетта актив катнашты. Урманчылыкның һәм Гадәттән тыш хәлләр министрлыгының берләштерелгән “Урман-янгын командасы” туристлык маршрутын узып, кулинария бәйгесендә, спорт ярышларында һәм турист җыры конкурсында көч сынашты. Команданың спорт рухына хәтта кыска вакытлы яңгыр да комачау итә алмады. “Урман-янгын командасы” 4 урынга лаек булды.

Харис Мусин 7-11 сентябрь көннәрендә Дурбан ш. (КАР) ачылачак һәм узачак корылтайдагы Россиянең рәсми делегациясе составына керә. Дөньякүләм урман бергәлеге өчен урман корылтайлары үткәрү иң әһәмиятле халыкара вакыйгаларның берсе булып тора, аларда кешелекнең урманнарга һәм урман хуҗалыгын алып баруга бәйле төп проблемалары карала.

         Чаралар барышында Россиянең Урман хуҗалыгы министрлыгы “Россия урманнары: хәзер һәм киләчәк” темасына “түгәрәк өстәл” оештырачак, анда Харис Мусин республиканың урман хуҗалыгын үстерү турында доклад белән чыгыш ясаячак.

Урам торак массив янәшәсендә урнашкан, анда яшәүчеләр һәм бирегә килеп ял итүчеләр янәшәдәге урыннарны чүплеккә әверелдергән. Өмәнең оештыручылары – “Татарстан Республикасында иреклелекне үстерү үзәге” РМОО ТР Урман хуҗалыгы министрлыгына өмә үткәрүдә ярдәм итүне сорап мөрәҗәгать итте, чара 5 сентябрьдә узды.

         Нәтиҗәдә урман кишәрлегендә 27 капчык чүп, аерым савытларга 4 капчык пыяла һәм 3 капчык пластик савытлар җыелды.

Узган атнада, 2015 елның 7 сентябре иртәсенә карата, Татарстан Республикасы урман фонды җирләрендә янгыннар теркәлмәде. 

ТР урман хуҗалыгы министры Алмас Нәзиров исеменнән студентларны һәм көллият укытучыларын эшләр белән идарә итүче Николай Золотов һәм дәүләт хезмәте һәм кадрлар мәсьәләсе буенча сектор җитәкчесе Айрат Әхмәров сәламләде.

         Яңа уку елына багышланган тантаналы линейкада көллият директоры Афанасий Данилов беренче курсларга урман хуҗалыгы техникумының тарихы турында сөйләде һәм соңгы елларда Лубян көллиятендә урман хуҗалыгы өчен белгечләр әзерләү буенча күп нәрсә эшләнгәнлеге турында искәртте. Әйтик, белем бирү бинасының матди-техник базасы нык яхшырган, белем бирү процессын модернизацияләү программасы гамәлгә ашырыла, заманча җиһазлар һәм предмет кабинетлары кайтарыла, студентлар тормышы өчен көнкүреш шартлары яхшырган.

         Көллияттәге иң яхшы укытучыларга, урман тармагына белгечләр әзерләүдә нәтиҗәле эшләгән өчен, ТР Урман хуҗалыгы министрлыгының Мактау грамоталары тапшырылды.

Казан авыл хуҗалыгы һәм урманчылык институты 1922 елда гамәлгә куела. Күп кенә үзгәртеп корулардан соң, 2007 елда анда урман хуҗалыгы һәм экология факультеты торгызыла. Шул вакыттан бирле вуз Урман хуҗалыгы министрлыгы белән актив хезмәттәшлек итә башлый. Биредә урман тармагы өчен булачак белгечләр әзерләнә, урман хуҗалыгы өчен фәнни-тикшеренү эшләре буенча төп темалар эшләнә.

         “Белем алу – теләсә кайсы кеше эшчәнлегендә нигез булып тора. Бу нигез ныграк булган саен, кешенең тормышта да, һөнәрендә дә үз урынын табу дәрәҗәсе югарырак була”, – диде Рәис Гомәров, студентларга мөрәҗәгать итеп. Ул студентларга һәм укытучыларга укуда уңышлар, якты һәм кызыклы студент тормышы теләде.

1 сентябрь – Белем көнендә районның 35 белем бирү оешмасында яңа уку елына багышланган тантаналы линейкалар узды. Райондагы 594 бала өчен беренче уку елы башланып китте.

         Быел үз укучыларын унынчы тапкыр каршы алучы гимназия дә бу көнне бәйрәмчә үткәрде. Быел мәктәптә район җитәкчелеге һәм “ТатРИТЭКнефть” шефлары ярдәмендә ремонт үткәрелгән, автомашиналар өчен парковка ясалган, светофор урнаштырылган. Гимназиядә укучыларны һәм мөгаллимнәр коллективын бәйрәм белән котлау һәм аларның сөенечен уртаклашыр өчен район башлыгы Равил Кузюров, ТР урман хуҗалыгы министрының беренче урынбасары Харис Мусин, “ТатРИТЭКнефть” ТҖП директоры урынбасары, баш геолог Николай Нефедовлар килгән иде.

         Чарада катнашкан район кураторы Харис Мусин Республика Президенты вазифаларын башкаручы Рөстәм Миңнеханов мөрәҗәгатен дә укып узды.

         Гимназиядәге Белем көне агачлар утырту акциясе белән дәвам итте. Бу көнне район башлыгы Равил Кузюров һәм Харис Мусин, беренче һәм 11 сыйныф укучылары белән берлектә, Канададан кайтартылган лжетсуга агачларын утыртты.

         (Нурлат муниципаль районы сайты материаллары нигезендә).

Авыл җирлегендә урнашкан паркны, Җир Хартиясе Аллеясын, “Җиңү урманы” агачлыклары үскән урыннарны, урман массивларын, сулыкларның ярларын чистартуда мәктәп укучысыннан алып, төрле яшьтәге, табигатькә карата битараф булмаган җирле халык катнашты. Өмәне башлар алдыннан дәүләт тыюлыгы башлыгы, ТР атказанган экологы Әһли Фәйзуллин анда катнашучыларга мөрәҗәгать итеп, монда җыелган һәркемне “экологик бердәмлек” берләштерә һәм туган якны төзекләндерү мәсьәләсе һәркем өчен мөһим, дип ассызыклады.

Россия күләмендәге “Яшел Россия” экологик өмәсенә багышланган “Кичке таң” тыюлыгындагы өмә концерт белән тәмамланды, анда татар һәм удмурт фольклор коллективлары чыгыш ясады. Чарада иң актив катнашканнарга бүләкләр тапшырылды.

Татарстан Республикасында урман кисүчеләрнең Россия чемпионаты 18-19 сентябрь көннәрендә Россиянең Урман сәнәгатьчеләре һәм урман экспортерлары берлеге инициативасы буенча үткәрелә.  Алданрак узган россиякүләм ярышларның нәтиҗәләре күрсәткәнчә, урман кисүчеләрнең профессиональлек дәрәҗәсе артканнан арта бара. Россия осталарының әзерлек дәрәҗәсе шушы төр техник спорт өлкәсендә чагыштырырлык кына түгел, ә белгечләр бәяләгәнчә, күп кенә илләрдән килүче вәкилләрнең осталык дәрәҗәсен уздырып да җибәрә. Ярышларны сыйфатлы итеп уздыру, объектив хөкем итү өчен Лубян урман-техника көллияте базасында хөкемдарларны һәм ярышларда Татарстан Республикасыннан һәм Россиянең башка төбәкләреннән катнашучыларны укытулар оештырылды.

         Укуларны Россиянең җыелма командасы тренеры  Александр Гончаров (Мәскәү) һәм тренер-инструктор Владимир Богдановлар үткәрә.