ЯҢАЛЫКЛАР
2017 елда Татарстан Республикасы дәүләт бюджет учреждениеләре тарафыннан урман питомникларында җитештерү культурасын арттыру һәм утырту материалы чыгаруны күбәйтү буенча эш башкарылды. Фән казанышларын, алдынгы технологияләрне киң җәелдерү һәм хезмәтне оештыру нигезендә ведомство буйсынуындагы учреждениеләрнең урман культурасы бригадалары утырту материалы үстергәндә югары күрсәткечләргә иреште, үстерелә торган токымнарның ассортиментын киңәйтте һәм мәйдан берәмлегеннән планнан арттырып уңыш алды.
Утырту материалы үстергәндә җитештерүдә ирешкән күрсәткечләр өчен “Минзәлә урман хуҗалыгы” ДБУ Усинск җитештерү кишәрлегенең даими урман питомнигына “Татарстан Республикасының югары культуралы урман питомнигы” исеме бирелде. Шулай ук, өч ел дәвамында “Саба өйрәнү-тәҗрибә урман хуҗалыгы” ДБУ Урман селекция-орлыкчылык үзәге дә теплица шартларында утырту материалы җитештерү буенча үзенең лидерлык позициясен калдырмый.
Яңа ел бәйрәмнәре чорында ылыслы яшь агачларны саклау максатларында Татарстан Республикасы Урман хуҗалыгы министрлыгы тарафыннан Татарстан Республикасы буенча Эчке эшләр министрлыгы белән берлектә “Чыршы” ведомствоара оператив-профилактика чарасы уздырыла.
Әлеге чара кысаларында плантацияләрдә һәм питомникларда чыршылар әзерләү һәм әзерләнгәннәрен алып чыгу эше тикшереп торыла.
Урманчылыклардагы белгечләрдән мобиль патруль төркемнәре төзелә.
Ылыслы утыртмалар өстенлек итүче урман кишәрлекләрендә системалы рәвештә патруль эше тәэмин ителә.
Массакүләм мәгълүмат чараларында һәм мәктәпләрдә урманны саклау һәм аңа карата сакчыл караш турында, шулай ук яңа ел бәйрәмнәрендә ылыслы яшь агачларны юкка чыгаруның ярамаганлыгы турында аңлату эшләре алып барыла.
Быел республика буенча урманнарны патрульләү буенча 109 мобиль төркем төзелде, урман утыртмаларын яңа ел чыршылары өчен законсыз кисүнең 5 факты ачыкланды. Урман законнары бозылу нәтиҗәсендә урманнарга китерелгән зыян күләме 9500 сум тәшкил итте.
Яңа ел чыршыларын сатып алганда белә торып законсыз әзерләнгән агач материалын сатып алу, саклау, ташу яисә саткан өчен гражданнарга биш мең сум күләмендә; вазыйфаи затларга илле мең сум күләмендә; юридик затларга дүрт йөз мең сумнан башлап җиде йөз мең сумга кадәр административ штраф салынырга мөмкин булын истән чыгармаска кирәк.
Татарстан Республикасы Урман хуҗалыгы министрлыгы Россия Федерациясе Урман кодексында билгеләнгән еллык хисаплылыкны кабул итү эшен башлап җибәрде
Россия Федерациясе Урман кодексының 26 статьясы нигезендә урман кишәрлекләре арендага яисә даими (вакыты чикләнмичә) файдалануга тапшырылган затларга җир кишәрлегеннән файдалануга керешер алдыннан Татарстан Республикасы Урман хуҗалыгы министрлыгына урман декларациясе (урманнарны үзләштерү проекты нигезендә урманнардан файдалану турында гариза) тапшырырга кирәк.
Урман декларациясе ел саен урманнардан файдалану буенча күздә тотылган срок башланырга кимендә ун көн калганчы тапшырыла. Урман декларациясенең гамәлдә булу вакыты – урманнардан файдалана башлауның күздә тотылган чоры башланганнан соң иң күбе 12 ай.
Билгеләнгән тәртиптә урман декларациясен тапшырмыйча урман кишәрлегеннән файдалану административ хокук бозу булып тора.
Урман декларациясенең формасы, шулай ук аны тутыру һәм тапшыру тәртибе, урман декларациясенең электрон форматына карата таләпләр Россия Федерациясе Табигать ресурслары һәм экология министрлыгының 16.01.2015 № 17 боерыгы белән расланды.
Россия Федерациясе Урман кодексының 49, 60, 60.11 һәм 66 кодекслары нигезендә урманнардан файдалану турында хисап (алынган урман ресурслары күләме, аларның товар структурасы турында мәгълүмат, башка мәгълүмат), урманнарны янгыннан саклау турында хисап, урманнарны яклау турында хисап, урманнарны яңадан җитештерү һәм урман үрчетү турында хисап урманнардан файдаланучы гражданнар, юридик затлар тарафыннан, вәкаләтләренә туры китереп, дәүләт хакимияте органнарына, җирле үзидарә органнарына тапшырыла.
Урманнардан файдалану турында хисап урманнардан файдаланучы гражданнар, шул исәптән шәхси эшкуарлар, юридик затлар тарафыннан ай саен, хисап тапшырылган айдан соңгы айның унынчы көненнән соңга калмыйча тапшырыла (агач материалы әзерләү максатларында урманнардан файдаланганда, шулай ук урман утыртмалары кисүне күздә тоткан башка төрле максатларда урманнардан файдалану очрагында). Урманнардан файдалану очрагында урман утыртмалары киселмәсә, хисап ел саен, хисап елыннан соң килүче елның унынчы гыйнварыннан соңга калмыйча тапшырыла.
Урманнардан файдалану турында хисап формасы һәм аны тапшыру тәртибе, шулай ук урманнардан файдалану турында электрон формадагы хисап форматына карата таләпләр Россия Федерациясе Табигать ресурслары һәм экология министрлыгының 25.12.2014 № 573 боерыгы белән расланды.
Урманнарны янгыннан саклау турында хисап РФ Урман кодексы нигезендә урманнардан файдаланучы, шулай ук урманнарны саклау чараларын гамәлгә ашыручы гражданнар, шул исәптән шәхси эшкуарлар,
юридик затлар тарафыннан квартал саен, хисап чорыннан соң килүче айның унынчы көненнән соңга калмыйча тапшырыла. Әгәр урманнарны үзләштерү проектында, урман хуҗалыгы регламентында хисап кварталында урманнарны саклау чаралары каралмаса, хисап чорыннан соң килүче елның унынчы гыйнварыннан соңга калмыйча, ел саен тапшырыла.
Урманнарны яклау турында хисап РФ Урман кодексы нигезендә урманнардан файдаланучы, шулай ук урманнарны яклау чараларын гамәлгә ашыручы гражданнар, шул исәптән шәхси эшкуарлар, юридик затлар тарафыннан квартал саен хисап чорыннан соң килүче айның унынчы көненнән соңга калмыйча тапшырыла. Әгәр урманнарны үзләштерү проектында, урман хуҗалыгы регламентында хисап кварталында урманнарны яклау чаралары каралмаса, хисап чорыннан соң килүче елның унынчы гыйнварыннан соңга калмыйча, ел саен тапшырыла.
Урманнарны янгыннан саклау турында хисап формасы һәм урманнарны яклау турында хисап формасы, шулай ук аларны тапшыру тәртипләре Россия Федерациясе Табигать ресурслары һәм экология министрлыгының 09.03.2017 № 78 боерыгы белән расланды.
Урманнарны яңадан җитештерү һәм урман үрчетү турында хисап урманнарны яңадан җитештерү һәм урман үрчетү белән шөгыльләнүче гражданнар, шул исәптән шәхси эшкуарлар, юридик затлар тарафыннан квартал саен, хисап чорыннан соң килүче айның унынчы көненнән соңга калмыйча тапшырыла. Әгәр урманнарны үзләштерү проектында, урман хуҗалыгы регламентында ел дәвамында урманнарны яңадан җитештерү һәм урман үрчетү чараларын уздыру күздә тотылмаса, хисап ел саен, хисап елыннан соң килүче елның унынчы гыйнварыннан соңга калмыйча тапшырыла.
Урманнарны яңадан җитештерү һәм урман үрчетү турында хисап формасы, аны тапшыру тәртибе Россия Федерациясе Табигать ресурслары һәм экология министрлыгының 20.01.2015 № 28 боерыгы белән расланды.
Хисапларның һәм урман декларациясенең формасы Татарстан Республикасы Урман хуҗалыгы министрлыгы сайтында урнаштырылды. 8 (843) 221-37-26 телефоны аша хисапларны һәм урман декларациясен тутыру һәм аларны тапшыру буенча консультация алырга мөмкин.
Татарстан Республикасы Урман хуҗалыгы министрлыгы урманнардан файдаланучыларга Россия Федерациясенең гамәлдәге урман законнары таләпләрен үтәү буенча кирәкле һәм җитәрлек чараларны күрергә, шул исәптән хисапларны һәм урман декларацияләрен вакытында һәм билгеләнгән формада тапшырырга, шулай ук билгеләнгән тәртиптә һәм билгеләнгән формада урман декларацияләрен тапшырмыйча, урман кишәрлекләреннән файдалануга юл куймаска чакыра.
Урманнардан урман кишәрлегенең аренда шартнамәсе, урман кишәрлегеннән даими (вакыты чикләнмичә) файдалану шартнамәсе шартларын бозып файдалану Административ хокук бозулар турында Россия Федерациясе кодексының 8.25 статьясының 4 өлеше буенча административ
җаваплылыкка тарту өчен сәбәп була. Гражданнар өчен административ штрафлар күләме сигез йөз сумнан ике мең сумга кадәр; вазыйфаи затлар өчен биш мең сумнан ун мең сумга кадәр; юридик затлар өчен кырык мең сумнан сиксән мең сумга кадәр тәшкил итә.
Татарстан Республикасы Урман хуҗалыгы министрлыгы Минзәлә, Мамадыш һәм Арча урманчылыкларының урман фонды территориясендә урнашкан урман утыртмаларын сату-алу шартнамәсен төзүгә кече һәм урта эшкуарлык субъектларына хокук сату буенча аукцион йомгаклары турында хәбәр итә. Чара 2017 елның 19 декабрендә булып узды.
2, 5, 14, 15, 16, 19 номерлы лотлар буенча аукцион узган дип танылды. Аукционда җиңүчеләр белән аукцион йомгаклары турында беркетмәләр имзалана һәм беркетмәгә имза салган көннән соңгы ун эш көне эчендә кече һәм урта эшкуарлык субъектларына урман утыртмалары сату-алу шартнамәләре төзеләчәк.
1, 3, 4, 6-13, 17 номерлы лотлар буенча аукцион узмаган дип танылды (Россия Федерациясе Урман кодексының 80 статьясының 7 пунктының 1 пунктчасы). Аукционның бердәнбер катнашучысы белән аукцион йомгаклары турында беркетмәләр имзалана һәм аукцион нәтиҗәләре турында мәгълүмат “Интернет” мәгълүмат-телекоммуникация челтәрендәге Россия Федерациясе рәсми сайтында басылып чыкканнан соң ун эш көне эчендә кече һәм урта эшкуарлык субъектларына урман утыртмалары сату-алу шартнамәләре төзеләчәк.
18, 20 номерлы лотлар буенча аукцион заявкалар булмау сәбәпле узмаган дип танылды.
“Татар-информ” мәгълүмат агентлыгында Татарстан Республикасы Урман хуҗалыгы министрлыгының 2017 елның 11 аендагы эш йомгакларына багышланган матбугат конференциясе булды. Анда министрның беренче урынбасары Әмир Бәдертдинов катнашты. Спикер журналистларга агымдагы елда гомуми 2061 гектар мәйданда урманчылар тарафыннан урман торгызу эшләренең тулы күләмдә, сыйфатлы итеп һәм вакытында башкарылуы турында хәбәр итте. “2014-2020 елларга Татарстан Республикасы урман хуҗалыгын үстерү” дәүләт программасы кысаларында урманнарны саклау һәм яклау максатларында 2 мең гектардан артык мәйданда яр-балка утыртмаларына нигез салынган, 122 гектарда кыр саклаучы урман утыртмалары утыртылган. 896 гектарда коры-сары һәм кыр саклаучы зыян күргән агачлардан чистарту эше башкарылган. 6.5 мең кг орлык әзерләнгән, шул исәптән: 1343 кг ылыслы токым орлыгы; 5304 кг яфраклы токым орлыгы. 53 база урман питомникларында 27 гектарда орлык чәчү эше башкарылган, план буенча ул 22 га булырга тиеш.
Кисүләрнең барлык төрләре буенча кулланылырга тиешле диләнке исәбе 2400 мең кбм тәшкил иткән. Агымдагы елда ул 898 мең кбм (37,6%) күләмендә үзләштерелгән. Урманны тәрбияви кисүләр 17,7 мең гектарда башкарылган. Шул ук вакытта әзерләнгән агач материалының гомуми күләме 600 мең кбм тәшкил иткән, ликвидлы агач материалы – 483 мең кбм, бу исә узган ел белән чагыштырганда 5%ка күбрәк.
7,6 мең гектар мәйданда яшь үсентеләрне ТР Урман планында каралган күләмдә тәрбияләү эше башкарылган. Кече һәм урта эшкуарлыкка ярдәм күрсәтү максатларында 2017 елда урман утыртмаларын сату-алу
шартнамәләре төзүгә хокук сату буенча 20 аукцион уздырылган. 19,6 миллион сумлык 268 мең кбм агач материалы сатылган.
Агымдагы елда 31 урманчылыкта 1236 мең гектар мәйданда урманнарны тәртипкә китерү эше төгәлләнгән, урман хуҗалыгы регламентларына да, аларны урманнарны тәртипкә китерүнең яңа материалларына туры китерү өлешендә, тиешенчә үзгәрешләр кертү эше ахырына якынлашып килә.
Бүгенге көндә республикада урман җирләренең 17%ы кадастр исәбенә куелган. Хәзерге вакытта республиканың урман фондында кадастр эшләре 8 урманчылык территориясендә алып барыла, шулай ук бер урманчылыкның чикләрен билгеләү буенча дәүләт эше башкарылган. Министрлык тарафыннан республикадагы 22 урманчылыкның чикләрен билгеләү буенча Эшләр планын 2018 елга кертү турында Федераль урман хуҗалыгы агентлыгына гарызнамә җибәрелгән.
Урманнарны саклау һәм яклау өлешендә Ә.Н. Бәдертдинов билгеләп узганча, урман фондына чиктәш территорияләрдә янып китү күренешләре 2 мәртәбә арткан һәм 309 очрак тәшкил итә, болар белән берлектә янгын чыгу мәйданнары кимегән – 0,4 га, – урманны саклаучы хезмәткәрләрнең оператив рәвештә чара күрүенә бәйле рәвештә.
70 мең гектарда урман патологиясенә тикшеренү эшләре уздырылган. Урманнарны зыянлы организмнардан яклау өчен 8 мең гектар тирәсе мәйданда зыянлы организмнарның чыганакларын юкка чыгару яисә санын киметү буенча чаралар уздырылган.
11 ай эчендә урман сагы хезмәте тарафыннан урманнарны тикшереп тору барышында урман законнары бозылуның 849 факты ачыкланган. Урман фондына китерелгән зыян суммасы 11 миллион сум тәшкил итә. Узган ел белән чагыштырганда, ачыкланган бозу очраклары 21%ка арткан, ә китерелгән зыян күләме 9,5%ка күбәйгән. Барыннан элек, бу хәл урманнардан файдаланучы затларга карата урманнан файдалану шартнамәсе шартларын үтәү буенча уздырылган эш белән аңлатыла.
Көн тәртибендә Министрлык буйсынуындагы учреждениеләрдә кадрлар сәясәте, хезмәтне саклау һәм куркынычсызлык техникасы турында мәсьәләләр хакында сөйләштеләр, шулай ук 2017 елда “2015-2020 елларга ТРның коррупциягә каршы сәясәтен үтәү” дәүләт программасы чаралары үтәлеше турында хисап тыңланды.
Гражданнар, шулай ук дәүләти һәм муниципаль вазыйфаларны биләүче затлар, аерым дәүләти һәм муниципаль оешмалар хезмәткәрләре бүләк бирү һәм алу буенча федераль законда билгеләнгән тыюны сакларга тиеш. Вазыйфаи затның бүләк алуы мәнфәгатьләр низагына китереп чыгарырга мөмкин һәм гамәлдәге Россия Федерациясе законнарында каралганча җаваплы булуга китерә.
Һәркем балачактан ук булачак һөнәре турында хыяллана. Һәм көннәрдән бер көнне кешенең тормышында шундый бер вакыт барлыкка килә: мәктәпне тәмамлаганнан соң ул үзенең киләчәге турында уйланырга мәҗбүр була.
Республика мәктәпләрендә укучылар белән һөнәри юнәлеш буенча эшләр уздыру максатында Татарстан Республикасы Урман хуҗалыгы министрлыгы хезмәткәрләре, Лубян урман-техника көллияте укытучылары һәм студентлары арасыннан “Урман – минем сәләтем!” исеме астында агитбригада оештырылды. Мәктәп укучылары белән беренче очрашу республиканың Кукмара районында булды.
Укучылар алдында Лубян урман-техника көллияте директоры А.М. Данилов, укыту-җитештерү эше буенча директор урынбасары В.А.Кульгеев, укыту эше буенча директор урынбасары И.В Богомолова чыгыш ясады. Татарстан Республикасы Урман хуҗалыгы министрлыгы исеменнән аренда мөнәсәбәтләре бүлеге башлыгы Ф.Ф.Әһмәдуллин чыгыш ясады. Мәктәп укучылары белән аралашканда Фәнил Әһмәдуллин бүгенге көндә урманчы һөнәренең актуаль булуы турында искәртеп узды: “Урман – катлаулы биологик механизм, ә урманчы – илдәге иң хөрмәтле һөнәрләрнең берсе, ул табигатьне, урманны яратып кына калмый, ә аның тормышына актив үтеп керә, Җир шарының кыяфәтен үзгәртә. Урманчы актив эшләгән җирдә урманнар үсә. Мин 1994 елда Лубян урман хуҗалыгы техникумын тәмамладым, техник-урманчы һөнәрен алдым (бүгенге көндә – урман мастеры). 1994 елда Шәһәр яны урман хуҗалыгында урманны саклау һәм яклау инженеры булып эшли башладым, аннан соң баш инженер булдым, Татарстан Республикасы Урман хуҗалыгы министрлыгының аренда мөнәсәбәтләре бүлеге башлыгы дәрәҗәсенә җиттем. Атаклы урыс урманчысы Г.Ф. Морозов бервакыт болай дигән: “Әгәр урманнар булмаган булса, кешелек агач материалына ихтыяҗ кичерер, ул чакта кешеләр урман уйлап чыгарган булыр иде. Мөгаен табигатьтәге кебекне.” Ләкин урман тәрбияләүне һәм үзен саклауны таләп итә. Һәм бу эш белән урман хуҗалыгы мастерлары һәм инженерлары шөгыльләнә. Мин өметләнәм, балалар, киләчәктә сезнең арагыздан кем дә булса безнең коллегага әйләнер – урманчы булыр”, – диде Ф.Ф.Әһмәдуллин.
Кукмара районы укучылары әлеге очрашудан канәгать калдылар һәм кызыклы, мавыктыргыч әңгәмә һәм концерт номерлары оештурчыларга рәхмәтләрен җиткерделәр. Бу аларның урман хуҗалыгы хезмәткәрләре белән беренче очрашулары иде.
Казанда эшләүче һәм укучы яшьләр арасында республиканың XIII үзешчән сәнгать фестивале узды. Лубян урман-техника көллиятенең иҗат коллективы бу чарада актив катнашты. Жюри карары нигезендә 33 сп төркеменең 3 курс студенты Гагарина Валерия “Эстарда вокалы. Солист” номинациясендә 3 нче урынга лаек булды, шулай ук 13 сп төркеменнән 1 курс студентлары Ступицкий Никита белән Ефремова Полина “Фестиваль алып баручылар” номинациясендә 3 нче урынны яулады. Җиңүчеләрне тәбрик итәбез һәм аларга киләчәктә дә иҗади уңышлар телибез.
Узган шимбәдә Татарстан Республикасы урман хуҗалыгы министрының беренче урынбасары Ә.Н.Бәдертдинов “Татмедиа” АҖ оештырган “Язылу бүләк ит” хәйрия акциясендә катнашты.
Акция Татарстан Республикасы Министрлар Кабинеты холлында традицион шимбә киңәшмәсе алдыннан оештырылган иде, республикадагы министрлыкларның һәм ведомстволарның җитәкчеләре социаль учреждениеләр – өлкәннәр йорты, инвалидлар өчен интернат-йортлар, балалар йортлары, социаль үзәкләр һ.б. өчен 2018 елның беренче яртыеллыгына рус һәм татар телләрендә чыгучы “Татмедиа” АҖ басма матбугатына язылды.
Ә.Н. Бәдертдинов Бөгелмә районының балалар һәм яшүсмерләр өчен “Ялкын” социаль приюты өчен “Салават Күпере” журналына язылды.