ЯҢАЛЫКЛАР

2017 елның 15 декабрендә Татарстан Республикасы Урман хуҗалыгы министрлыгында Татарстан Республикасы урман хуҗалыгы министрының беренче урынбасары Ә.Н. Бәдертдинов, Идел буе федераль округы буенча урман хуҗалыгы департаменты вәкиле – урман реестрын алып баруны тикшереп тору һәм җир мөнәсәбәтләре бүлеге башлыгы Е.М.Дымза, “Рослесинфорг” ФДБУ Казан һәм Нократ филиаллары, урманчылыклар вәкилләре һәм министрлыкның структур бүлекчәләре башлыклары катнашында урманнарны тәртипкә китерү буенча икенче киңәшмә булып узды.

2017 елда урманнарны тәртипкә китерү эшләре Әлки, Азнакай, Биләр һәм Түбән Кама урманчылыклары территориясендә дәүләт контрактларына нигезләнеп “Рослесинфорг” ФДБУ Казан һәм Нократ филиаллары белгечләре тарафыннан гамәлгә ашырылды.

Быел Татарстан Республикасы территориясендә урманнарны тәртипкә китерү эшләренең чираттагы циклы төгәлләнә. 2017 елгы урманкору эшләрен исәпкә алып, республиканың урман фонды турындагы белешмәләр барлык урманчылыклар киселешендә актуаль һәм материалларның әзерләнү вакыты 5 елдан кимрәк булачак.

Шулай ук әлеге киңәшмәдә урманчылыкларның урман хуҗалыгы регламентларын эшләү һәм раслау буенча проблемалы мәсьәләләр, 2018 елда Урман планын эшләү һәм раслау буенча алда көтеләчәк эшләргә кагылышлы мәсьәләләр, урман-парк пояслары булдыру, шулай ук торак пунктлары чикләрендә урнашкан урманнар турындагы белешмәләрне ЕГРН кертүгә бәйле мәсьәләләр турында сөйләштеләр.

Яңа ел бәйрәмнәре чорында ылыслы яшь агачларны саклау максатында һәм аларны законсыз кисүләрдән саклауны көчәйтү буенча кирәкле чараларны тәэмин итү буенча Татарстан Республикасы Урман хуҗалыгы министрлыгы тарафыннан ел саен “Яңа ел чорында ылыслы яшь агачларны саклауны тәэмин итү турында” боерык чыгарыла. Әлеге документ нигезендә аукционнарда җиңүчеләр тарафыннан урман утыртмаларын сату-алу шартнамәләре буенча агач продукциясен әзерләү һәм әзер продукциясе урманнан алып чыгу эше тикшереп торыла, урман кишәрлекләрендә патруль эшләре алып бару графиклары һәм маршрутлары килештерелә, ылыслы үсентеләр өстенлек итүче урман кишәрлекләрендә системалы рәвештә күзәтү эшләре башкарыла. Татарстан Республикасы буенча Эчке эшләр министрлыгы белән актив хезмәттәшлек алып барыла, халыкка урманнарга сакчыл караш һәм ылыслы үсентеләрне яңа ел чорында юкка чыгаруның ярамаганлыгы, шулай ук урман утыртмаларын законсыз кисү һәм аларга зыян салу буенча законнарда билгеләнгән җаваплылык турында аңлатыла.

Яңа ел чыршыларын законсыз кискән өчен штрафлар каралган:

Яңа ел чыршыларына ылыслы агач токымнарын законсыз кисүдә гаепле гражданнар, вазыйфаи затлар һәм юридик затлар урман хуҗалыгына китерелгән зыянны капларга һәм Административ хокук бозулар турында РФ кодексының 8.28 статьясы буенча административ җаваплылыкка тартылырга тиеш.

Агачларны, куакларны яисә лианаларны законсыз кискән өчен административ штрафлар каралган:

- гражданнарга 3-4 мең сум;

- вазыйфаи затларга 20-40 мең сум;

- юридик затларга 200 мең сумнан 300 мең сумга кадәр.

Шушындый ук гамәлләрне автотранспорт чараларыннан, механизмнардан, үзйөрешле машиналардан һәм техниканың бүтән төрләреннән кулланып башкарганда, түбәндәгечә рәвешле административ штраф салуга сәбәп була:

- гражданнарга 4-5 мең сум;

- вазыйфаи затларга 40-50 мең сум;

- юридик затларга 300-500 мең сум.

Белә торып законсыз киселгән агач материалын сатып алу, саклау, бер урыннан икенче урынга ташу яисә сату, әгәр бу гамәлләрдә җинаять җәзасына тарту билгеләре булмаса, түбәндәгечә административ штраф салуга сәбәп була:

- гражданнарга – 5 мең сум;

- вазыйфаи затларга – 50 мең сум;

- юридик затларга 400 мең сумнан 700 мең сумга кадәр.

Административ штраф салыну белән берлектә, киселгән агач та тартып алына (конфискацияләнә) һәм сату өчен Росимуществога тапшырыла.

Урман хуҗалыгына 5 мең сумнан артык күләмдә зыян салынган очракта, материаллар җинаять эше кузгату өчен тикшерү органнарына җибәрелә.

Яңа ел чыршылары сату

Яңа елга чыршы һәм нарат сату өчен урманчылар продукцияне махсус урыннарда – плантацияләрдә әзерли, алар урман фондының яхшы ылыслы утыртмаларны үстерү өчен яраклы туфрак-климат шартлары булган территориясендә урнаша. Республиканың урман фондында барлыгы 345 гектар яңа ел чыршысы плантациясе бар, аның 2 гектары 2017 елда булдырылды.

2017 елда аукционга (Татарстан Республикасы урман фонды территориясендә яңа ел бәйрәмнәренә чыршылар һәм (яисә) башка ылыслы токым агачларын әзерләү өчен урман утыртмаларын сату-алу шартнамәләре төзүгә хокук сату буенча) 17580 данә чыршы һәм нарат, 43 тонна ылыс ботагы чыгарылды.

Узган елда аукционга 16490 данә чыршы һәм нарат чыгарылган иде, шуның 11199ы сатып җибәрелде.

“Урман хуҗалыгы” ДБУ тапшыру өчен кирәкле, яңа ел чыршыларын әзерләү, транспортлау һәм сату хокукын бирә торган документлар исемлеге: сату-алу шартнамәләренең күчермәләре, әзер продукцияне алып чыгу өчен товар кәгазе, юл кәгазе, ваклап сатканда сатып алучы өчен керү-касса ордеры, күмәртәләп сатканда һәм ваклап сатканда яңа ел чыршыларын биреп җибәрүгә квитанция булу зарур.

Бүген Татарстан Республикасы Урман хуҗалыгы министрлыгында Аксубай, Әлки, Баулы, Биләр, Бөгелмә, Алабуга, Зәй, Кызыл Йолдыз, Лаеш, Лениногорск һәм Чирмешән урманчылыклары урман фонды территориясендә урнашкан урман утыртмаларын кече һәм урта эшкуарлык субъектларына сату-алу шартнамәләре төзүгә хокук сату буенча аукцион узды.

35, 36, 37 номерлы лотлар буенча аукцион узган дип танылды. Аукционда җиңүчеләр белән беркетмәләр имзалана һәм беркетмәгә кул куйган көннән соң ун эш көне эчендә кече һәм урта эшкуарлык субъектларына урман утыртмаларын сату-алу шартнамәләре төзеләчәк.

31, 34, 40 номерлы лотлар буенча аукцион узмаган дип танылды (Россия Федерациясе Урман кодексының 80 статьясының 7 пунктының 1 пунктчасы). Аукционның бердәнбер катнашучысы белән беркетмәләр имзалана һәм Россия Федерациясенең “Интернет” мәгълүмати-телекоммуникация челтәрендәге рәсми сайтында аукцион йомгаклары турында мәгълүмат урнаштырылган көннән соң ун көннән соң кече һәм урта эшкуарлык субъектларына урман утыртмаларын сату-алу шартнамәләре төзеләчәк.

1-30, 32-33, 38-39, 41-42 номерлы лотлар буенча аукцион шулай ук аукционда катнашуга заявкалар булмау сәбәпле узмаган дип танылды.

Татарстан Республикасы урман хуҗалыгы министрының беренче урынбасары Ә.Н. Бәдертдинов федераль башкалада эш сәфәре белән, “Урманчыларның Россия җәмгыяте” иҗтимагый оешмасының җиденче съездында катнаша. Урманчыларның Россия җәмгыятенә 1832 елның 25 февралендә нигез салына. Хәзерге җәмгыятькә Россия Федерациясе субъектларындагы урман хуҗалыгы галимнәре һәм урман гамәлчеләре бер максат белән җыелган – илнең урман байлыкларын үрчетү һәм саклау. Җәмәгатьчелек тарафыннан экологик урман белеме, яшь буынны патриотик тәрбияләү һәм урман һәм урман хуҗалыгы турында белемнәрне пропагандалау эшләре алып барыла.

Җиденче съездда “Урманчыларның Россия җәмгыяте” иҗтимагый оешмасының эшен камилләштерү мәсьәләләре хакында сөйләшәчәкләр һәм 2018-2019 елларга үзәк советының һәм аның төбәктәге бүлекләренең эш планы турында фикер алышачаклар.

Халыкара коррупциягә каршы көрәш көне кысаларында Татарстан Республикасы Урман хуҗалыгы министрлыгында киңәшмә узды, анда дәүләт граждан хезмәтен узуга бәйле булган, хезмәттә үз-үзеңне тотуга һәм коррупциячел хокук бозуларны кисәтүгә карата “Коррупциягә каршы көрәш турында” 2008 елның 25 декабрендәге 273-ФЗ номерлы Федераль законда билгеләнгән чикләмәләр, тыюлар, таләпләр турында доклад тыңланды. Утырыш барышында әлеге бурычларны һәм тыюларны үтәмәүнең коррупциячел хокук бозу булуына акцент ясалды, ул дәүләт хезмәткәрен дәүләт хезмәтеннән кууга сәбәп була.

Узган шимбәдә Татарстан Республикасы Дәүләт хезмәткәрләре спартакиадасы кысаларында баскетбол буенча йомгаклау ярышлары узды. Татарстан Республикасы Урман хуҗалыгы министрлыгыннан Нияз Имамиев – мөлкәт белән идарә итү, техник үсеш һәм хезмәт сагы бүлеге башлыгы, Нияз Таҗмиев – дәүләт контроле һәм күзәтчелеге секторы башлыгы, Наил Мирсияпов – урманнарны саклау һәм яклау секторы җитәкчесе, Рамил Илдарханов – аренда мөнәсәбәтләре бүлегенең әйдәп баручы белгече, Ирек Шәрифуллин – икътисад, дәүләт заказы урнаштыру һәм түләүләрне администрацияләү бүлеге башлыгы һәм Тимур Галиев – урманнарны яңадан җитештерү һәм урман үрчетү бүлеге башлыгы командасы катнашты. Министрлык хезмәткәрләренә ТР Финанс министрлыгы һәм Федераль казна идарәсе хезмәткәрләре белән көч сынашырга туры килде.

Шунысын билгеләп узарга кирәк, Авыл хуҗалыгы министрлыгы хезмәткәрләре Казан ш. спорт залларында даими шөгыльләнә, спорт ярышларына актив әзерләнә. Катнашучылар сүзләренә караганда, ярышлар дустанә шартларда узды. Җанатарларның актив рәвештә көч биреп торуы, яхшы кәеф һәм елмаюлы йөзләр тәэсирле атмосфера һәм уңай кичерешләр тудырды.

Яңа ел бәйрәмнәрен каршы алганда ылыслы яшь агачларны саклау һәм аларны законсыз кисүләрдән саклау буенча кирәкле чаралар үтәлешен көчәйтү максатларында, 1 декабрьдән башлап, урман хуҗалыгы белгечләре тарафыннан урманны саклау һәм аңа карата сакчыл мөнәсәбәттә яшәү, яңа ел бәйрәмнәре чорында ылыслы яшь агачларны юкка чыгаруны чикләү, шулай ук урман утыртмаларын законсыз кисү һәм аларга зыян салу буенча законнарда билгеләнгән җаваплылык чаралары турында аңлату эшләре алып барыла.

2017 елның 20 декабреннән 31енә кадәр урман тармагы хезмәткәрләре ылыслы агачлар өстенлек итүче урман кишәрлекләрен тикшереп торуны көчәйтәчәк. Урман законнарын бозуның ачыкланган фактлары буенча урманчылар эшләр кузгату һәм административ хокук бозу турында беркетмәләр төзү буенча оператив чаралар күрәчәк. Урман хуҗалыгына 5 мең сум һәм аннан күбрәк күләмдә зыян салынган очракта, материалларны җинаять эше кузгату өчен тикшерү органнарына җибәрәчәкләр.

Бөгелмә үзәк китапханәсендә “Бөгелмә урманчылыгы” ДКУ белән берлектә оештырылган “Табигать язмышында – безнең язмыш” экологик эссе конкурсында җиңүчеләрне, призерларны котлау тантанасы булды. Конкурс Экология елы һәм Махсус сакланучы табигать территорияләре кысаларында узды. Аның максаты – балаларны һәм яшүсмерләрне табигатьне яратырга өйрәтү, сакчыл карашлы булырга өндәү, шулай ук экологик культураны формалаштыруга юнәлдерелгән китап уку эшчәнлегенә юнәлтү. Конкурска

40тан артык иҗат эше тапшырылды. Җиңүчеләрне сайлап алуы җиңелләрдән булмады. “Ютазы урта мәктәбе” МБМУ “Яшел патруль” мәктәп урманчылыгында укучылар да читтә калмады. Яшь урманчылар һәм экологлар җиңү яулады: 1 урында – Садыйков Марат; 2 урында – Лукашина Азалина. Тамашачы күңелен яулаучылар призы Хафизов Зөфәргә тапшырылды. Мәктәп укучылар каршында “Бөгелмә урманчылыгы” ДКУ вәкилләре – урманнан файдалану инженеры Латыйфуллина Г.И., урманны саклау һәм яклау буенча инженер Мухалева О.А. һәм “Бөгелмә урман хуҗалыгы” ДБУ Садыйкова Л.В. катнашты.

Беркем дә игътибарсыз калмады. Җиңүчеләр һәм конкурста катнашучылар дипломнар белән бергә “Бөгелмә урманчылыгы” ДКУ вәкилләре кулларыннан чыршы үсентеләре дә алды. Балалар үз чиратында яшь агачларны үз мәктәпләре янында утыртырга һәм аны тәрбияләп үстерергә сүз бирде.

Халыкара коррупциягә каршы көрәш көне уңаеннан “Бөгелмә урманчылыгы” ДКУ учреждениесендә җитәкче-урманчы Г.З. Мөхәммәтханова “Ютазы урта мәктәбе” МБМУ “Яшел патруль” мәктәп урманчылыгында белем алучылар алдында “Коррупциягә каршы көрәш нигезләре” темасына лекция укыды.

Чыгыш кысаларында укучыларга “коррупция” төшенчәсе аңлатылды, аның башка хокук бозулардан аермалары күрсәтелде; балалар коррупция формалары һәм коррупциячел хокук бозуларны кылган өчен каралган җаваплылык чаралары турында белделәр.

Шулай ук укучыларга коррупциягә каршы тәртип нигезләре турында да мәгълүмат бирелде: коррупциячел җинаятьтә катнашучы булмас өчен үзеңне ничек тотарга; коррупция күренешләреннән үзеңне ничек сакларга; ришвәт таләп итү очрагында кемгә мөрәҗәгать итәргә.

Әңгәмә барышында әлеге тематика буенча яңгыраган барлык сорауларга җаваплар бирелде.

Чыгыш азагында укучыларга “Коррупциягә каршы көрәш” акциясендә катнашу турында сертификатлар тапшырылды, аның кысаларында балалар “Бөгелмә урманчылыгы” ДКУ бинасында һәм мәктәптә рәсемнәр күргәзмәсе оештырган иде.

6 декабрьдә Вологда шәһәрендә “Россия урманы” XXII Халыкара күргәзмәсе старт алды, биредә Россия Табигать ресурслары һәм экология министрлыгы, Федераль урман хуҗалыгы агентлыгы вәкилләре, Россия субъектларыннан, тикшереп торучы ведомстволардан һәм иҗтимагый оешмалардан вәкилләр җыелды. Татарстан Республикасыннан чарада Татарстан Республикасы урман хуҗалыгы министрының беренче урынбасары Ә.Н. Бәдертдинов һәм урманнарны яңадан җитештерү һәм урман үрчетү бүлеге башлыгы Т.Р.Галиев катнаша.

Вологодск өлкәсенең Иҗтимагый палатасында булып узган конференция кысаларында “Россия Федерациясе субъектлары дәүләт хакимияте органнары тарафыннан урман мөнәсәбәтләре өлкәсендә ачык белешмәләр җыелмасын урнаштыру” темасына семинар булып узды. Әмир Бәдертдинов үзенең докладында билгеләп узганча, дәүләт идарәсе системасы тотрыклы эшләсен өчен, шулай ук тулаем алганда җәмгыятьнең ихтирамын һәм ышанычын арттыру өчен дәүләт органнарына ачык һәм үтәкүренмәле булу форматында эшләү зарур. Ул республикада урман мөнәсәбәтләре өлешендә ачык булу системасының эше турында сөйләде (“Халык контроле”, Министрлык сайтында мәгълүматлар урнаштыру, шул исәптән дәүләт урман реестрының

еллык формалары). Моннан тыш, Ә.Н. Бәдертдинов яңалыклар турында да әйтеп узды: “Бүгенге көндә Татарстан Республикасы Урман хуҗалыгы министрлыгы тарафыннан рәсми сайтта “Мәгълүмат һәм статистика” бүлегендә планлаштырылучы һәм уздырылучы урман хуҗалыгы чаралары буенча, шул исәптән республиканың зур шәһәрләре (Казан, Яшел Үзән, Түбән Кама, Яр Чаллы һ.б.) янәшәсендә агач кисүләр буенча белешмәләр яктырту буенча әзерлек эшләре алып барыла. Аңлату холкына ия булган әлеге мәгълүмат урман утыртмаларын кисү өлешендә халыктан алынган тискәре кайтавазларны киметергә тиеш”.

Вологда шәһәрендә “Россия урманы” XXII Халыкара күргәзмәсе 8 декабрьгә кадәр дәвам итәчәк.